هذي وجهة نظر الاخت وهي بكيفها مع زوجها تتفاهم معاه مثل ماتبي

المهم اختي انتي ادرى بنفسك وبزوجك وبصراحه مب عارفه اهنيك والا
ألومك لانه مثل ماقالو البنات يمكن يحس انك مب مهتمه فيه ومشغوله
عنه باشياء وايد والرجال خصوصا بهالفترة يعتبر هالايام ايام ما تتعوض
ولا راح ترجع قمة الحب قمت الاهتمام وكل الشباب يتمنونها تطول ولا
تنتهي لانه التعامل بين الزوجين المخطوبين بعد على البر ماوصل للاحتكاك
اليومي والعيش تحت صقف واحد ماتشوفين منه غير احلى شكل وتسمعين احلى كلام
وهو نفس الشي فلا تحرمين نفسك وزوجك هالحظات الحلوه ولا تحسسينه انك
بعيده عنه ارضي غروره كرجل وشبعي قلبه واذنيه بكلام حلو واهتمام يطلعه
من طوره لاحقين على التعدد وغيره

وبنفس الوقت لا تعطين له سبب او شي يمسكه عليك بعدين انتي ماتدرين
بكره الله شو يكتب لك وشو يصير بينكم يمكن الرجال ابدا مب حاط هالفكره
في راسه وانتي حطيتيها ودخلتيها براسه !!! ويمكن في يوم يعرض عليه
واحد من اصدقاءه او حتى وحده وكثيرين على هالشكل انه يتزوج او
مجرد رهان بينه وبين ربعه انه يتزوج عليك عشان يثبت موقفك
وصدق كلامك ويروح ويتزوج وما يكون قد العدل وما تكونين قد تحمل الغيره
وتصير مشاكل لها اول مالها تالي !!! يمكن يظلم نفسه ويظلمك ويظلم
بنت الناس !!!

اختي نصيحه من اختك لا تفتحين هالموضوع مره ثانيه ولو فتحه هو
قولي له كنت اجربك او كنت في غمرت عطائي العاطفي ومن كثر ما ابغي اريحك
واسعدك ما ابغي امنعك من شي بس بعد ما ابغي اي شي يحرمني منك
ولا اي حد يشاركني فيك ولما فكرت عدل وتخيلتك مع غيري كلتني نار الغيره
واخاف ما اقدر عليها وتدش المشاكل بينا قولي له تهمني راحتك وتهمني
سعادتك بس اذا كانت معاي واذا مالقيتها معاي خلني وروح فتش عنها
عند غيري

طبعا هذا اذا اقتنعتي بكلامي اللي قلت لج اياه

يا عمري الحياه غير والعشره غير ويمكن انتي يكون كلامك صح وتقدرين على
غيرتك ولو قدر الله عليك تثبتين هالشي بس لا تستبقين الامور خليها على ربك
ولا تدخلين براسه مثل هالافكار خصوصا انه من النوع اللي يقول لربعه انتي
ماتدرين شو ممكن يصير بينكم بعدين ولا تعرفين نوعية اصدقاءه ولا عرفتيه
بعدك عدل ترى الحب غير العشره وانتي اللحين تنظرين له بعيون قلبك ماتشوفين
كل شي فيه بس بعدين يوم تروح السكره بتجي الفكره فلا تستعجلين

حبيبتي كلامك الان غير وبعد الزواج والعشره ولما يكون لك وقريب منك غير صدقيني

الان في الملكه وفتره الخطوبه تكثر المثاليااات والخطب

ولكن الزواج الارض الصلبه الواقعيه يظهر كل شي ع حقيقته

هذه فطرتنا النساء وهذه نحن بنات حواء لا نرغب بالشريكه ولايوجد سيده ع وجهه المعموره ترضي بها

لانه فطرتنا ومشاعرنا الانثويه ترفض ذلك

وامهات المؤمنين والسيده عائشه ثارت غريزه الغيره وانوثتها وكانت القصص اللتي نعرفها عن مواقفها من زوجات الرسول

حبيبتي اسمحيللي لاتتجاوزي في حديثك خصوصا في هذه الفتره بالكلام المثالي لانه ..ربما ياتي يوم وانت في قمه سعادتك ويطالبك بتنفيذ مثالياتك

دمتي بخير

ماعرف شو اقولج ؟؟؟؟؟؟ بس اكيد ما اتفق معاج ,,,

عموما الله يهنيج

ماأدري وش اقول قلبتوا علي المواجع لكن السعيد من وعظ بغيره ولا تثقون بالرجال

انا زوجي بدا يتكلم عن التعدد بعد زواجنا بثلاث سنوات وكنت في البدايه زي اي وحده

رفضت بشده وعارضت وهددت وتوعدت ومع مرور الأيام وكثر الزن وافقت على المبدأ

لأني بدأت اناقشه وإذا في شيء يقولي طبعا قال انتي مافيك شي وانا سعيد جدا معاك

بس هذا شرع الله ومن للعوانس والمطلقات والأرمل وفي لحظه ماادري ايش اسميها

زيادة ايمان اوغيرهارضيت على إنها من هالنوع ويتم كل شي بعلمي وكانت المفاجأه

تزوج بكرا في العشرين وجاءني الخبر من غيره ولكم ان تتخيلو صدمتي الشديده

وعندما سألته عن السبب قال لي وش تفرق معك إذا تزوجت صغيره ولاكبيره

مادام إنك وافقت على المبدأ

انا عارفه بعضكم بتقول تستاهل بس قولوا نسأل الله السلامه ولا تنسوني من دعائكم

((( انا قلت له وبكل صراحه اانا ما احب الكذب واللف والدوران وانك تخبى عنى زواجك او تفجأنى فيه فى المستقبل ابى اذا قررت يكون بيناتفاهم ونتناقش بالموضوع يا تقنعنى يااقنعك وخبرته انى عارفه ان الزواج هذا رغبه عند كل رجل وكل واحد لازام يشوف ظروفه ومايقلد غيره )))
بصراحة كلامك حلو فعلا الأزواج المفروض حياتهم تكون صريحه وخاليه من الكذب اللي دائماً يخرب البيوت
وانت مثلي أنا ولله الحمد مع زوجي شعارنا الصدق ومانخبي شيء على بعض وقلت له مثلك ويوم فكر جاني وقالي أول وحده ووافقت لأني عارفة أنه من الحكمة أوافق ويتم كل شيء بعلمي أحسن من يوم أسمع أخباره في زواجه الثاني من الناس
وصدقيني هذا اريح لكل وحده حتى لو قالولك تصرفك خطأ فأنا أقولك لا بل إنت حكيمة ماشاء الله عليك
والله يجمعكم على المحبة وعلى طاعته وتكونين قرة عينه وكمان يكتبلكم الخير دائماً