تدرون ليه ماتنفش عجينتي؟؟؟؟؟

بالنسبة للكيك-->أهم شي تخفقين البيض لين يصير لونه أبيض وثقيل زي الكريمة وبعدين ضيفي السكر واخفقي


أما المعجنات ما عندي خبرة لكن أتوقع ان المشكلة في الخميرة إما تكون قديمة أو انك ما تعجنيها كويس

حاولي تكتبين طريقتك عشان البنات يقدرون يساعدونك
على العموم جربي عجينة هند وهذا الرابط
http://forum.hawaaworld.com/showthread.php?t=575105

أو عجينة العشر دقايق وهذا الرابط


http://forum.hawaaworld.com/showthread.php?t=675613&highlight=%DA%CC%ED%E4%C9+%C7%E1%DA%D4%D1+%CF%DE%C7%ED%DE

اولا تأكدي من صلاحيه الخميره
ثانيا خذي ملعقه خميره ونص كوب ماء وشوي ملعقه سكر واتركيها على جنب
رااح يطلع لك رغوه اذا طلعت ضيفيها للدقيق وكملي عجن
..
والحين الجو بارد تحتاج العجينه وقت تتخمر ساعه او اكثر على حسب
جربي مقدار بسيط واذا ضبط معاك حاولي تسوي معجناتك
مثلا
ثلاث ارباع كاسه ماء ( يفضل ماء دافيء مو بارد مره ولا حار )
ملعقه خميره
ملعقه صغيره سكر
ذره ملح
ربع كاسه زيت
3 ملاعق حليب بوردهــ
كاستين دقيق
واعجنيها زيين وامسحي الوعاء اللي بتحطي فيه العجينه بشوي زيت وغطيها
وخليها تخمر ساعه وشكلي معجناتك
وان شاء الله تضبط معاك

نفس مشكلتي

اهم شي حبيباتي ..... الوقت
اكيد انتو ماتصبرون على الكيكة في الفرن عشان جيه ماتنفش
بالنسبة للكيكة جربي هاي ك كيكة عادية وانا دايما اسويها وبسيطة جدا
3 بيضات
كاس سكر
كاس وربع طحين الابيض
ملعقة فانيلا
ملعقتين بيكنج باودر تخلطينها مع الطحين<<<خطوة جدا مهمة لنفش الكيكة
كاس حليب
نص كاس نارجيل<اختياري
نص كاس زيت
اول شي حطي البيض في الزبدية وخفقي لين مايتحول للون ابيض مرغي وبعدين ضيفي السكر والخفق مستمر وبعدين الزيت يعني ماتصبين كل شي مرة وحدة ...لأ ....حبة حبة وبعدين الفانيلا وكاس الحليب
وبعدين النارجيل وآخر شي الطحين وشوي شوي وتصبين الخليط في قالب كيك مدهون بزيت وعقب مرشوش بطحين ولما تحضرين الخطوات هاي لازم الفرن يكون عندج حامي مش تفتحيه في نفس الوقت تحمينه بربع ساعة على نار 145 وسط وبس النار من تحت
واهم خطوة اخير ماتفتحين باب الفرن الا بعد 15 دقيقة او لما تشوفينها نفشت كثير
وعن المعجنات
اهم خطوة ضرب العجينة على سطح الطاولة ترفعينها وتسمعين صوتها لما طيح على سطح الطاولة
جربي عجينتي
كاسين طحين
بيضة
نص ملعقة ملح
ملعقتين سكر مذوبة مع ملعقة طعام خميرة مملوءة في ربع كاس ماء
ربع كاس زيت
كاس ماء للعجن
ويمكن تحتاجين طحين ضيفي نص كاس طحين في حالة لزجت العجينة في ايدج ولازم تطولين في العجن اكثر من 10 دقايق
وهاي المقادير نص للي عايلتهم صغيرة مثلي واذا حبيتي تزيدين سوي الضعفين يعني الكاسين طحين خليهم اربعه والبيضه بيضتين وربع كاس زيت خليه نص كاس زيت والماي كاس ونص والسكر فنجان والخميرة ملعقتين طعام والماي اللي مع الخميرة والسكر خليه نص والملح ملعقة صغيرة
وسلامتكم

السلام عليكم

والله انا كنت اعاني من نفس المشكله
بس الحمد لله انفكت عقدتي

واحسن طريقه كنت اسويها
كنت ازور صديقاتي واشوفهم وهم يعجنون
او يسوون الكيك..
او لما ايزوروني كنا انسوي معجنات وحلويات

كنت اكتشف اني ما كنت اعجن عدل او كنت اسوي خطأ ما...

وبالتوفيق
ان شاء الله