تدريب الطفل ع الحمام ومعاناتي :(

لاتضايقي ترا بالبدايه رح تتعبي لانو شي جديد عليه لكن مع الوقت رح يتعلم
اول شي انسي شي اسمو حفااااضه نهاااائي حتى لما تخرجو برا
رح اقولك تجربتي مع ولدي ..

1- اول شي اشتري الكرسي الي ينحط عالافرنجي وتلاقيه بسنتر بوينت ممكن كمان تشتري درج صغير
تحطيه جمب الافرنجي وبرضو تلاقيه بسنتر بوينت عشان الطفل يتحمس لما يشوف الاغراض الخاصه له
وممكن يسويها ويتحمس عالحمام بس عشان يطلع الدرج الصغير ويجلس بالافرنجي

2 - جيبي كرتون حلويات خبيها عندك وقوليلو ياحبيبي كل ماتسوي اليعه رح اعطيك حبه
وبالبدايه خليكي معاه وساعديه يعني مثلآ شرب عصائر او اكل بعد نص ساعه شيليه بنفسك
وقوليلو يلا حبيبي خلي اليعه تروح بيتها وانا اعطيك حلاوهـ وممكن تلاقيه يقولك ماعندي او يبغى يقوم
لكن اتحكمي بااعصابك وارجعي جلسيه وافتحي رشاش المويه بشويش رشي على المنطقه الي عندو
وبنفس الوقت شغلي مويه المغسله على خفيف لأن صوت المويه تخليه يسويها وهذي المعلومه ممرضه قالتلي عليها

3 - لو بيتك سيراميك شيلي المفارش وكل نص ساعه انتي بنفسك شيليه وقوليلو يلا يلا اليعه تبغى تطلع وصفقيلو
و وريه الحلاوه قوليلو اذا سمعت الكلام رح اعطيك ..

4 - وقت النوم حطي تحتو مفرش زي حق المستشفيات ولا تلبسيه حفاضه نهائي عشان لو سوا على نفسو مايوسخ المكان وفي اطفال يبكو وقت النوم وهذا دليل على انهم يبغو الحمام لو ولدك صار يبكي شيليه عالحمام وشغلي موية المغسله عشان زي ماقلتلك صوت المويه تخلي الطفل يسويها وقعديه عالافرنجي ورشي مويه على المنطقه على خفيف ورح يسويها ان شاء الله

5 - شي طبيعي الطفل بالبدايه يكون متعب ويرفع الضغط وومكن حتى يسويها على نفسو بأي لحظه لكن انتي ابدآ لاتعصبي عشان لايتعقد بس لو سواها قوليلو ليه كدا غلط شوف كيف المكان صار يعه وملابسك اتوسخت وارجعي وديه الحمام قوليلو هنا مكان اليعه وخليه يشوف ويركز

6 - مع المداومه والصبر ان شاء الله يتعلم بسرعه وحاولي قبل النوم تااكليه و تشبعيه وتشربيه وتخليه لازم يروح الحمام وبالاماكن العامه خلي معاكي ملابس احتياط وكل نص ساعه اسأليه تبغى تروح الحمام عندك يعه وقوليلو لاتسوي يعه على ملابسك شوف الاولاد كلهم حلوين يروحو الحمام عشان ينتبه واذا حس انو يبغى يسويها رح يقولك واذا قال ماعندي خلاص اسكتي وبعد نص ساعه اساليه تاني وهكذا
بس اهم شي يكون معك ملابس احتياط ومناديل مبلله وعشان لو سواها تكوني مجهزه وضعك ولا تعصبي
روحي الحمام وغيري ملابسو بهدوء وقوليلو خلاص مارح نجي تاني نتمشى عشان انت سويت على نفسك والحلاوه زعلت منك ومارح تاكلها .. وخليه يفهم انو الي سواه غلط

وحبيت افيدك لو شويه مع تجربتي مع ولدي الله يهديه ويصلحو يارب

زي دا قصدي على الي ينحط على الافرنجي

وشوفي دا الرابط يمكن يفيدك شويه

http://forum.hawaaworld.com/showthread.php?t=3075191

الله يسعد قلبك ياام اصيل ،،
نصايحك تجنن ويارب اعلم ولدي اذا قرب يكمل ال3سنوات ،،

شكررا

الله يسعدك ويجزاك خير ماقصرتي اختي والله يحفظ لك ضنااك يارب