تدريب حافز ومشكلة عدم ظهور خيار (السؤال التالي) هل من حل ؟

عدم ظهور (السؤال التالي ) في تدريب حافز مشكلة تكررت معي
اول مره واجهت فيها المشكلة غيرت المتصفحات الى الاصدارات الاخيره وتم حل المشكلة
ثاني مره نفس الشي تنقلت من والى فيرفوكس، قوقل كروم، اوبر وتم حل المشكلة
ثالث مره حذفت جميع المتصفات واعدت تنزيلها وتم حل المشكلة
وتكررت المشكلة وفي كل مره حذف وتنزيل ،ولا يضبط معي الاصدار الاخير فاضطر انزل اصدارات قديمه
ويتم حل المشكلة
الى ان وصلت لطريق مسدود
امس في تدريب مندوب مشتريات ماظهر خيار (التالي)
وحذفت جميع المتصفحات وبرامج فلاش القراءة وغيرها من البرامج المتعلق بتشغيل التدريب واعدت تنزيلها
وجربت جميع الاصدارت
ومازالت المشكلة مستمره
واعطيت الاي دي والباسورد كذا شخص جرب في لابتوبه الخاص وكلهم نفس الشي يقولون خيار التالي مايطلع
والملاحظ من بعد الف تجربه
ان المشكلة مو فينا ولا في متصفحات يستخدمها الملاييين من بنوك وشركات والناس اللي تشتري وتبيع
في الاسهم والخيارات والعملات وغيرها وتحويل اموال وتسديد قيم سلع وخدمات كلها باستخدام المتصفحات
هالدور جا على حافز يثبت فشل هالمتصفحات اللي العالم تستخدمها من سنين !!!!!!!!
و هم المشلكة ماهي في برامج تشغيل القراءة والصوت وغيرها
المشكلة وضوح الشمس في التدريبات نفسها برمجتها سيئه لابعد حد
وتتفاقم المشكلة اكثر في حال تأهلنا وبدأ الخصم يشتغل في كل مره يدقر علينا التدريب ويضيع الوقت
نعبث بأجهزتنا في تغيير المتصفحات وغيرها من طرف والطرف الثاني حافز يخصم
والحل في كل مره غيروا المتصفح حل مميت غير مجدي نهائيا
ان ضبط المره الاولى من يضمن لي ان هالحل التعبان راح يضبط في كل مره
مثل حالي الان
6 اشخاص حاولوا يدخلون باجهزتهم الخاص ونفس المشكلة خيار (التالي) مايظهر
الحين وش الحل ؟؟
الى متى واحنا نعبث باجهزتنا اللي عمرنا ما عبثتنا فيها قبل نعرف حافز على فكره في ناس اعرفهم باستمرار يسوون فورمات للابتوبات في محلات الالكترونيات اللي اغلبها ناس عليميه عشان هالطفسه اللي ما تسوى على التعب والاعصاب
اتوقع لو كل وحده تدخل تويتر حقهم وتشتكي من برمجة التدريبات السيئة وان تغيير المتصفح حل مريض
يمكن يمكن ينظرون في الموضوع !!!!
ولو فيه حل افضل ياليت تفيدونا