تدريس البنات في ولاية ميسوري*مغلق رجاء اطلعي على موضوع مطلوب دخول الجميع حياكن المولى

اختي كنوز...ترا انا دايم ارد على كل من يسأل عن دراسة الاولاد :)
يعني ان شاء الله ما يملون البنات ...
اولادك الله يعينك في سن حرجة..تحتاجين انك تبذلين معهم مجهود مضاعف عشان ما يتأثرون باللي حواليهم ....لكن الاهم انك ما تتركين زوجك.
اسمعي يا بنتي :) انا اعرف بنات مثل حالتك وعندهم اولاد في سن عيالك ...يحطونهم في مدراس امريكيه طول الاسبوع يعني دراسه عاديه ..ومعها يدرسون السبت في ندرسة سعوديه عشان ما يفوتهم شي اذا رجعتوا السعوديه ..,اذا ما كان في ولايتكم مدرسة سعوديه ...فهم ممكن ينتسبون لأقرب مركز تعليمي سعودي .يرسلون لك الكتب والمنهج والامتحان وكل شي في البيت ...وانت تدرسينهم وتمتحنينهم ..وكلها تعتمد على امانة الاهل ..والشهادات تتصدق من السفارة وكأنهم دراسين في الرياض.

الخيار الثاني : انك تحطينهم في مدارس اسلاميه وهذي زينه والدراسه فيها بالانجليزي لكن بيدرسونهم عربي ودين ...وفيها رقابة والتزام طبعا....لكن عيبها ...انها غاليه جدا جدا وبعضها مستوي التعليم فيه مو ذاك الزود.

لا تتركين زوجك..اتكلي على الله وبتكون تجربة حلوة لكم كلكم واتوقع انها تكون نتيجتها حلوة للاولاد ...لكن لا تنسين جهدك رح يكون مضاعف عشان توضحين لهم كل التناقضات اللي يشوفونها برا وفي المدرسة .

ان شاء الله ما اكون طولت عليك بالهذر :)
والله يكتب لكم اللي فيه الخير