سجلت بنتي في الروضة
وشفت ولد امه حطته وراحت
الولد قعد يبكي لحد ماتقطعت كبده من الصياح وقطع قلبي معه
ذكرني حاله بحال اللي فقد احد ابويه او كلاهم
ولما قرأت هالقصيدة اثناء تصفحي باحد المنتديات ذكرتني بالموقف
!!!!!!
تدري وش اللي يجرح القلب جرجين
ويمد حبل الحزن فيك ويشده
إنك تناظر طفل من غير أبوين
يمشي ودمعه سايل فوق خده
منظر صعيب ويقسم القلب قسمين
لا قام يمسح دمعه بكف يده
يمشي ولا يدري طريقه على وين
لين التعب من كثر ماتاه هده
أثقل حروف يشيلها فيه حرفين
لا أب يدري به ولا أم ترده
في خطوته رحله ودمعه وسكين
وحظ توسد في المراسي مخده
جيت أساله بالله قللي ولد مين
وبغى يجاوب وأختنق صوت رده
أنا يتيم وما لدربي عناوين
وجزر الحزن فيني يساوي لمده
وطعم الطفوله ما عرفته لحين
وثوب السعاده صرت ما نيب قده
أبكي ألى من شفت غيري سعيدين
لين البكاء فيني يوصل لحده
وأقفى ورحت امسح دموعي من العين
وعيني تناظر دمعته فوق خده
وهذا اللي يجرح القلب جرحين
ويمد حبل الحزن غصب ويشده
اتمنى يحوز على رضاكم واستحسانكم
:44:
يلزم عليك تسجيل الدخول أولًا لكتابة تعليق.
الله يجزاك خير حطيت يدك على الجرح آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه ياربي طفلي يرجع لي واضمه يارب تصبر ني جزاك الله خير جاري الحفظ
الصفحة الأخيرة
تسلمين ححيـآتي