تدق على اخوي وتطلب زواج مسيار

هذا قبل فترة اخوي تعين خارج الديرة حقتنا المهم المدير اعطاه جوال قال هذا جوال خاص بااولياء الامور

يقول اول شي هو يدرس صفوف دنيا يقول فيه طالب من ديرتنا اللي حنا منها يقول قبل فترة جاب لي ورقة وامه كاتبة فيها اوصيك على ولدي ومن هالكلام يقول انا سالت الولد من وين ابوك قال ابوي عسكري وجينا هينا ..

يقول كتبت بدفتر الواجبات انه مااتقن مهارة الحفظ وهو يدرس دين

ودقت عليه وقالت تكفي نجحة والله نبي نسافر ومن هالكلام يقول قلت خلاص يجي السبت واختبرة

يقول العصر دقت قالت تكفي تزوجني مسيار وتصير قريب عند ولدي وتنبة له يقول قلت اتقي الله واكفيني شرك ..لو سمحتي خلي ابو الطالب يكلمني قالت انا مطلقه ..والولد يقول لا ابوي موجود..

يقول صارت تدق على جوال المدرسة وازعجتني يقول ماااعلمت المدير ولا قلت شي سكتت وهو يقول اخاف تبلاني بشرها .. المصيبة اخوي مو متزوج وخايف وقلنا له لايهمك يمكن مو ام الطالب وهو يقول شلون مو امة وتسال عنه ..اخوي اختبرة اليوم و خلاه يروح وطلب من المدير انه يعفيه لانه تعب ..
المهم ارسلت له رسالة قالت والله شكلك مريح ولحيتك تخلي الواحد يتعلق فيه..

اخوي ماله لحية بس عوارض .. ..تتوقعون تسوي بااخوي شي وليش تقول انها مطلقه ..


اختي تقول من الاسم عرفت انها من ديرتها وتعرفه لزم ..
بنت خالة وضحي ..