تدلين على بنات للزواج

السلام عليكم
اتصلت على اليوم وحده من معارفي ربي يسعدها وقالت لي يدورون لولدهم بنت حلال ويبوني ادل على بنات وانا وربي صادقة قلت ماعرف احد الا بنتين قريبات مني شخصيا واعرف اسلوبهم ودينهم بنتين وكلهم تزوجوا قبل فترة المهم كأنها تضايقت بس ماحبيت ادل على ناس انا ماني بواثقة من اخلاقهم وابلش الناس فيهم واصير واسطة شر او العكس خصوصا اني ماعرف الناس معرفة شخصية كلهم معارف سطحية المهم الحين هم احس حاطين عينهم على وحده اعرفها مرره تقرب لي من حبهم لي يبونها ولا هم ما يعرفونها شخصيا ومع الاسف ان شخصيتها سيئة مغرورة وحسودة وحجابها جدااا متهاونة فيه وجريئة مع الرجال مالها علاقات بس جريئة للامانة تنكت معاهم وتاخذ وتعطي وفوق كذا مره شفتها طالعه للمول بلحالها وهي لابسة كعب وميك اب واكسسوارات وعطور الله يستر عليها ويهديها وبصراحة هي تنافق الكل تعطيهم الريق الحلو بس بقلبها العكس تماماا انا معاشرتها سنين واعرفها زين ويبون يعزمونها عشان يشوفونها ويخطبونها بس يبوني حلقة وصل وانا مابي يابنات ادلهم على احد غير مناسب لهم ولا احب اخطب لاحد وانا ما اعرفهم زين وش اسوي