تدمرت حياتي انشليت وزوجي بيروح مني والسبب ... تكفون ادعووولي

السلام عليكم ورحمة الله وبركاته

مساكم الله بالخير بقولكم قصتي اللي اغرب من الخيال وتكفوووووووووون ادعولي
قسم بالله لما كتبت الموضوع اللي فات ودعيتولي فيه تصلح الحال بعدها
تكفون لا تتخلون عني يمكن دعوة من دعواتكم تفتح لها ابواب السماء

موضوعي السابق كان قبل 4 شهور تقريبا
http://forum.hawaaworld.com/showthread.php?t=911850#Scene_1

بعد ما كتبت الموضوع اللي فات رحت لمطوع انا وزوجي وامه وقرينا عنده والحمد لله بدت

الامور تتحسن معاه ورجعنا طبيعيين

اليييين شهر شعبان الماضي .. صارت لي اكبر نكبه في حياتي

كان في نص شعبان زواج ولد اخو رجلي وكان في بيت اهل العروس حضرته ولما دخل المعرس

دخل زوجي ورقص مع امه واخواته ورقص معي لما عطاني ظهره وجا بيطلع حسيت الدنيا

غيمت معاد قدرت اشوف
ورجولي صارت ترجف
حاولت امشي بعدها بس كانت رجولي ترجف بقوه كني امشي على شي يزلق مقدر اوقف
وجاني الم فضييييييييييييع
رحت ارتاح شوي في مجلس في بيت العروس بس الالم بدا يزداد وتضايقت ما قدرت اتنفس

دقيت على رجلي وجا اخذني للمستشفى وانا ما جلس بالعرس الا نص ساعة تقريباً .. وانا

بالسيارة كنت اصيح وابكي ماني قادرة انزل رجولي على الارض ذبحني الالم رحت

للمستشفى اعطوني ابر مهدئة بس الالم ما وقف قالوا لي روحي البيت ارتاحي وحطي

كمادات على رجولك رجعنا للبيت بس الالم مستمر ولا اقدر امشي الا اثنين سانديني
قلت لزوجي نام انت لا تشيل هم بيخف الالم .. بس الالم ما خف الين اذن الفجر وقام رجلي

يصلي .. كانت اختي معي على التلفون وتسمعني ابكي وتقول بجي اخذك قلت لا يمكن رجلي

يرفض انك تجين اخر الليل وهو بالبيت .. لما قام يصلي قلت له اختي تبي تجيني توديني

للمستشفى قال اوكي روحي ..
رحت مع اختي للمستشفى وتخيلوا يا بنات يعطوني ابر مهدئة ولا تنفع انا اصييييح من

الالم الم اقوى من الم الطلق بس مستمر ما يروح ويجي .. اخر شي اعطاني الدكتور مخدر حق

العمليات عشان اتخدر وانام ..
رحت جلست عند اختي اسبوع بعدين رحت لبيت اهلي وجلست اسبوعين وكل هالفترة

وزوجي معي على الخط يكلمني وزارني في بيت اهلي وعلاقته معي زينة .. وبدت تتحسن

رجولي صح ما امشي زين بس اتخطى والالم خف بس ما اختفى .. ورجولي منمله ظهر

القدم والسيقان من الجوانب ..
بعد ما بدا رمضان 3 يوم جا زوجي اخذني لبيتنا .. كانت معاملته معي زينة وانا ما كنت

اقصر معه بشي حتى احاول اضغط على مرضي واقوم بواجبه وما اخليه يحس بفرق ..
في نص رمضان تقريباً مرض زوجي ارتفعت حرارته وحلقه التهب .. رحت جبت له دكتور

بالبيت وكنت اهتم بادويته انا اعطيه الدوا بنفسي حتى كان يقول الله لا يخليني منك
بعد ما تشافى جاني بالطامة
قبلها بيوم كان وش حليله معي ومع ولدي ويلعب معه ومن بكرة قام من النوم الصبح ونزل

تحت دقيت عليه ما رد علي وسالت الشغالة قالت بابا نايم بالصالة .. وانتظرت لبعد الظهر

ودقيت ما يرد وبعد العصر دقيت لقيت جواله مسكر وهو معنا بالبيت بس عشان رجولي ما

اقدر ارقا وانزل مع الدرج كثير يدوب مرة وحدة باليوم وبمساعدة احد .. وكنت قاعدة ادق

عليه ابي ابشره انه جتني ترقيه ..
بعد العشا جاني فوق وقال انا ابيك تاخذين اغراضك وتروحين بيت اهلك .. قلت

لييييييييييه وش فيك .. قال انا فيني ضيقة وما اقدر روحي بيت اهلك شهر شهرين لين

نشوف وش يصير .. قلت بس انا ما احس بضيقة وعادي بتحمل اي شي منك بس اهم شي ما

ابعد عنك .. قال لا يرضيك انام عند امي وانتي هنا فوق .. قلت اللي تشوفه
وخذيت ولدي وضفيت عفشي ورحت لبيت اهلي من 18 رمضان لحد الان ..
من رحت ما كلمني ولا ارسل لي ..
ارسلت له كم مرة برمضان ما رد علي ودقيت ما يرد
بعدين تركته لين يوم العيد انتظر يعايدني ما تحرك الجوال
ارسلت له رسالة كتبت فيها كل عام وانت بخير ومن العايدين
بعدها بشوي دق علي وحاولت اثقل عتبانه عليه وعايدني وكان صوته مشتاق وملهوف
بعد ما سكر ارسل لي رسالة قال " انا كل ما جيت اكلمك احس بشي يمنعني لكن ابحاول لين

اتغلب باذن الله " انا تقطع قلبي وارسلت له قلت انا معاك الين ربي يفرجها
وبعدين انقطع ما ارسل
رابع يوم ارسلت انا له رسالة شعر رد علي برسالة شعر رحت رديت عليه برسالة وارسل لي

رسالة شعر بس كلها ياس وهموم رحت ارسلت له رسالة راح رد علي قال " انا اتمنى

الموووووووووت وارتاح من هالعالم ورجاء اتركيني في حالي ولا تعذبين نفسك معي

وسامحيني ان جاك مني شي "
طار عقلي انا وارسلت له قلت له اني معك في كل الظروف وما يجوز تمنى الموت وهذي غمامة

وراح تنجلي ان شاء الله ووصيته بالدعاء وقراءة سورة البقرة
راح ارسلي يقول : "ميس الظاهر ان حياتنا انتهت والله يوفقك خلاص اتركيني في حالي ولا

تكلميني لين اقرر حياتنا في امان الله "
انا بكيت بكيت لين انشق راسي وش اسوي يا ربي
من يومها يا بنات ما اتصل ولا ارسل لي .. انا تابعت علاجي طلع معي شلل باعصاب الرجلين والحين اعالج علاج طبيعي ..
قبل اسبوعين احتجت فلوس وارسلت له رسالة اني محتاجه فلوس وارسل الفلوس مع السواق حقهم .. مع انه كان ينقهر لما اقوله ان اخوه كان يتعامل معي ومع ولده بعد ما طلقني عن طريق الشغالة والسواق ما يكلم ولا يسال ولا حتى امه تكلم .. كانت الشغالة حقتهم هي الرابط بيننا
الحين نفس الشي الشغالة والسواق هم الرابط بيننا
والله يبنات انا في اليوم اموت مية مرة لما افكر فيه واتذكر ايامنا الحلوة
واتذكر كيف كان يوقف معي وكيف كان يهتم فيني
وكيف كان خايف على مستقبلي انا وولدي يقول لو يصير لي شي وش بتسوون
قبل يومين كلمه ولدي وانا حطيت اذني على السماعة
كان يكلم ولدي وهو ملهوف عليه ويوصيه على نفسه
انا سمعت صوووووووته آآآآآآآآآآه
ما قدرت امسك نفسي بكيت قدام ولدي
احبه واحب ايامه بس حسبي الله ونعم الوكيل على اللي ضرنا
ابي ارجع له بدون شروط .. ابي بس اكون معه
من يومها وانا دمعتي ما تفارق خدي
تنزل لا ارادياً احس عيوني امتلت دموع ومعاد اشوف
حتى احيانا تخنقني العبرة بالعمل بس اخاف زميلاتي يشوفوني اروح لدورة المياة وانتم بكرامه
تعبت يا بنات ادعووووولي تكفون

حبيت اقولكم ان اهلي حاقدين عليه ومو متعاطفين معه ابد وما يصدقوني لما اتكلم عنه
واهله من طلعت منهم محد سال عني

ادعولي ان ربي يلم شملنا ويجمعنا زي ما كنا في سعادة
تكفون يا بنات مالي غيركم اشكيله لا تتخلون عني