تدمرت حياتي والسبب ...

السلام عليكم ورحمة الله وبركاته...وشكرا مقدما لكل وحده تقرا قصتي وتجاوب عليها .البعض ممكن يحسها سخيفه وما الها داعي بس انا بحس انها مهمه كتير وممكن تقضي على مستقبلي وزوجي وكل شي بحياتي حلو..


انا انسانه بيحكو عني طيبه وعلى نياتي وانا فعلا هيك دايما بحط حسن النيه اول وبفكر انو هالعالم كلو ملائكه وكانو الشياطين مش موجوده او خاصه الناس اللي بهيئه ملاك بس شياطين وهي اول مشكله والكل بيعتبرني هبله ما بفهم مع اني بكون فاهمه وعارفه بس بتغاضي وبمشيها لانو قلبي طيب وما بعرف اصلا احمل حقد..


مشكلتي الوحيده والازليه اللي بظن انها رح تخرب حياتي اني عصبيه بشكل جنوني وهالحاله بتزيد معي كل ما تزيد علي مسؤوليات الحياه يعني لما كنت بنت كنت عصبيه شوي ولما اشتغلت صرت عصبيه جدا ولما تزوجت صرت مجنونه الا شوي..


كيف يعني ؟
ازا حدا حكالي شي ما عجبني بجاوب " شوووووووووو وليششششششششش وشمعنا ولا وصراخي بوصل للجيران ازا حدا زعل مني وقعد يناقشي والنقاش بيكبر وممكن اتصرف تصرف جنوني زي كاني مثلا اطلع من كل المكان او اغلط بكلام كبير كبير وبعد خمس دقايق من المشكله انسى شو حكيت واندم ندم قاتل واصير متل العصفوره اللي عامله ذنب ..يعني انا معترفه بنفسي اني عصبيه في الشغل والبيت ومع اهلي واحتمالي للمشاكل = صفر



راي الناس فيني واللي عرفتو وتاكدت منو بنفسي اشي سالت الناس عن رايهم فيني وشي اضطرو يحكولي ياه الناس متل مديرتي بالعمل لانها متل صديقتي وصارحتني بعيبي اللي فعلا اثر على شغلي لدرجه انو عصبيتي ما بتعرف لا مدير لا مديره ولا حدا وبتتجاوز كل الناس وكل المقاييس.


كما قالو :

اهلي : عصبيه ومجنونه وبتغبص بالحكي وبتحكي كلام كتير في قلة ادب وتقليل من احترام الاخير لكن بالمقابل قلبها ابيض وبترضى بسرعه وبتنسى المشكله باسرع وقت.


زوجي : انتي كل شي فيكي كويس متل الملاك بس مشكلتك لسانك الطويل وصوتك العالي وتفكيرك العنيد وبتحكي كلام كتير كتير وفي قلة ادب وتقليل من احترامي شخصيا وما بتقدري شو بتحكي بس قلبك طيب وبتنسى القصه كلها بعد خمس دقايق.


مديرتي : انتي بتشتغلي كويس وشغلك تمام بس مشكلتك اني عصبيه جدااااااا وما بتقدري ابدا شو بتحكي لا مدير لا مسؤول وبتعصبي عالكل وكل القسم بيشكي من عصبيتك مع انك طيبوبه ومحبوبه بس للاسف هالشي بوقف وبيمنع تطورك بالعمل...


لاحظتو التشابه الخطير...



اسباب عصبيتي :

انا امراه بالنهايه انا عباره عن كتله من العواطف والاحاسيس احتاج من وقت للاخر وقت للراحه وللاحساس بنفسي بعمل اي شي الي شخصيا لنفسي يعني لو ساعه مثلا اعمل شيها الشي اللي على كيفي انا انا وقتي كلو للشغل وللبيت والزوج وللاهل وانا مالي وقت ابدا...


اهلي : لازم تزورينا كل يوم وعالاقل تقعدي ساعنين ولو ما عملتي هيك اني بنت مش مطيعه ولا كويسه وباره باهلك طيب يا ناس انا ما عندي وقت .....اهلي ( دبري نفسك مش شغلنا)


زوجي : انا تزوجتك ومن حقي اني احس بزوجتي ولما ارجع عالبيت الاقيها موجوده وبتنظرني
طيب يا حبي من وين الوقت انا بخلص دوام عالى الثلاثه العصر وبروح ازور اهلي ساعتين
زوجي : دبري حالك مش انا تزوجتك ولا انتي لسه متزوجه اهلك وكل يوم تروحي عندهم انتي متى رح تفضيلي

الشغل : انتي بتروحي من الشغل عالوقت بالزبط ولا بتقعدي ولا لحظه زياده احنا بحاجه الك وبحاجه انك تكثفي جهودك شوفي فلان كيف بيضل للشغل للساعه خمسه وبيعمل وبسوي..
طيب يا جماعه انا متزوجه وعندي مسؤوليات
الشغل : مش شغلنا


طيب انا معي حق ولا لا انا اققطع نفسي كم قطعه والله احيانا بتنمنى اني اقطع نفسي اربع قطع قطعه مع اهلي وقطعه مع زوجي وقطعه بالشغل وقطعه بالبيت تنام شوي وترتاح

انا تعبت وحاسه حالي ولا قادره استغنىي وولا على شي من هدول الثلاثه حتى ما بقدر اترك الشغل لاننا بحاجتو ماليا ومش عارفه شو احمل انا هلئ حامل ومنتظره مولود والله يتمم على خير بس كم قطعه برايكم لازم اتقطع عشان ارضي كل الاطراق وكل على حساب راحتي وجسمي ونفسيتي والكل بيطلب مني اعطيه مجهود مضاعف واهتمام اكتير طيب شو الحل .ولا حدا راضي يتنازل عن بعض حقوقه شوي ولا حدااااااااااااا فاهمني وفاهم وضعي .... انا تعبت جدا ونفسيتي تعبا اي انا نعم مبسوطه لاني بنجز بالحيااه اولاد وشغل وعيله بس بحس حالي كمان سنه وبفرط حتى اهملت جسمي وشكلي وكل شي وانا كان ينتضرب فيني المثل بالاهمتام حاسه بيوم اني رح اوقف عن اعطاء الاهتمام لاي حدا..


واخيرا بدات الناس بتنصحني باخذ الادويه المهدئه وزوجي يعرض علي ان ياخذني لدكتور نفسي!!!!!!!!!!!!!!!!!!!!!!!!!


انا مريضه نفسيا ولا الغلط مش مني والله اعلم انا بعترف اني عصبيه بس صدقوني ما بعصب من ولا شي ..والحمد لله على كل شي
ادعولي وشكرا لكل من سمع قصتي وانا حاولت افصلها شوي عشان اسهل الاستيعاب وابعد الملل