تدمرت نفسيا

السلام عليكم ورحمة الله وبركاته
انا عضوة قديمه هنا لكن انقطعت فتره عن المنتدى لكن يابنات رجعت بعد ماتعبت بعد ماطرقت كل الأبواب بحكي لكم قصتي باختصار
قبل سنه تقريبا وانا نفاس اكتشفت خيانة زوجي عن طريق السناب شفت إضافتين لبنتين وواضح ان كان فيه كلام لكن مثل ماتعرفون السناب يمسح المحادثات لكن فيه وحده مرسلها وكاتب لها كيفك وهي مو راده انا بعد ما أنهت امي مكالمه بجواله اخذت جواله وفتحت السناب وليتني مافتحته من يومها احس تحطمت وتدمرت نفسيا طبعا هو شاف ان فيني شي لكن انا ماتكلمت في البدايه لما راح المجلس ناداني رحت وحس ان فيني شي سالني فانفجرت فيه وجلست ابكي وبقوم من عنده ويمسك يدي لكن تفلت منه ورحت وبعد شوي رجعت ومن وقتها وانا كل شوي افتح السالفه معه هو وعدني وحلف وحذف السناب وقتها المهم صار مايمر أسبوع الا تصير بيننا هوشه بسبب هالموضوع لاني ماقدرت أتقبل خيانته ابد واللي زاد الطين بله انه مو عندنا صار له سنه بالحد الجنوبي واللي تعبني زياده انه وقت خيانته كنت حامل ومعي نزيف وتبهذلت مع الأولاد والمدارس ورغم هذا لاجاء اضغط على نفسي وأعطيه حقوقه المهم بعد ماطلعت من النفاس كان حاط جواله بالشاحن وطلع مشوار وفتحت جواله دخلت الواتس الا فيه محادثه يمكن لها شهرين يعني وقت ماكنت بالنفاس والمصيبة انها مع واحد شاذ من جنسيه عربيه يعني رجل على هيئه بنت بأول المحادثه زوجي ساله هو ولد او بنت وبعدها زوجي يطلب منه صور بأوضاع معينه وهو يصور له ومرسل مقطع صوتي انه برى وبس يرجع راح يصور انا هنا سكت وكان زوجي يبغى حقه الشرعي وبنص العلاقه انا بكيت وداريت دموعي بعد ماخلص سالني وش فيني وقلت له يفتح جواله وفتحه ووريته المحادثه هنا هو بس سكت فتره طويله وبعدين مسك راْسه وبعدين قال ليش كذا تجيبينه لنفسك كذا تتعبين بعدين انكر انها له المحادثه وأنها لواحد من خوياه بالشقه كان يستخدم جواله طبعا انا سويت نفسي مصدقته مع انه اُسلوب زوجي واعرفه واعتذرت منه وقلت له انا كنت عارفه انك اعلى من هالمستوى بعدين ضميته قال خلاص انا ما اصلح لك قلت ليه انت وش سويت قال سمحت لصاحبي يسوي هالاشياء بجوالي ومن هالكلام بعدين اخذته معي لغرفة النوم وقلت انا مسامحتك بعدين قال ماينفع انتي تستاهلين واحد احسن مني قلت خلاص اذا تشوف كذا طلقني من سمع هالكلمه قال تعوذي من الشيطان بهالسهوله تخلين عني قمت رحت توضيت وجلست اصلي وادعي واستخرت الله أبقى معه ولا اتركه المهم اني بقيت وهو صار يدور رضاي ويسفرني ويهديني لكن انا خلاص ماعدت اثق فيه وصار مايمر أسبوع اسبوعين بالكثير الا متهاوشين وهو يقول ماعاد تثقين فيني ولا ابغاك تثقين فيني وإذا زعل يقول كلام قوي ترى بديت اكرهك وبديت امل ومن هالكلام وانا النار تحرقني مابين اني احبه وحابه العيشه معه لانه إنسان نادر بهالزمان من تزوجنا ماجرحني بكلمه ولاهو مقصر بشي ومابين خيانته اللي تعبتني وأخذت من صحتي ممكن كثير بيقول انسي مادام مو مقصر ومدام يدور رضاك لكن أنا احس فقدت السيطرة خلاص صرت اشك فيه لما اشوفه يطول مايدخل الواتس لان تواصلنا عن طريقه اقول اكيد يا يكلم بنات او يشوف مقاطع لاني من زمان اكتشفه يشوف مقاطع وآخر مره قلت له تشوف مقاطع قال لا مع انه كل مره قبل تصير علاقه بيننا يشوف مقاطع مع اني يشهد الله وبشهادته هو ماني مقصره عليه بشي من هالناحيه وكل شي نفسه فيه اسويه بس ماعرف ليش يشوف هالمقاطع صاير لما يصير بيننا نقاش انه ليش يشوف مقاطع يردد كثير أنا كرهت العلاقه ولما اسأله اذا مرتاح بالعلاقه يقول فوق ماتتصورين ويحلف دايم انه مبسوط احس حيرني من جد وفوق هذا شكي فيه بيدمر علاقتنا قبل فتره حاولت ما اتواصل معه كثير وتقربت من ربي وصرت اقرى البقرة كل ليله واحس فعلا طلعت هالموضوع من بالي وجاء جلس معنا ١٥يوم كنت هاديه جدا واول لما يطلع اتضايق هالمره حتى هو استغرب وصار يداري خاطري ويقول انتي سعاده ويرسل رسايل بالجوال لكن قبل مايروح وتحديدا يوم جاء يسافر صارت مشكله وهالمرة هو السبب فيها مو انا المهم اني انهرت لاني كل الفتره اللي راحت مبسوطه انها ماصارت مشكله جلست ابكي بصوت عالي وعود بعد ماطلع رجع يهديني يقول صوتك عالي وجلس يضمني المهم انه بعدين الخيانه صرت مثل الطفل اطلب عاطفه واجد وهو احيانا يجامل واحيانا يقول الكلام الحلو احسن سيد لما يكون طالع من القلب هو يقول كلام حلو بس بفترات متباعده بس مايقصر بالهدايا والطلعات والسفريات ويأخذني معه اي مكان المهم لما عاتبته وهو كان مع الطريق انه مقصر بالعاطفة رجع اتصل وقال أسلوبك بالخطاب متغير لكن انتي وسد تبغين بالضبط عاطفه يعني قلت ايه قال خلاص مالك الا اللي يرضيك بعد ماقفل احس آني ذليت نفسي أرسلت له مابغى منك لا عاطفه ولا أي شي خلاص تعبت قال يعني مستغنيه قلت سمه اللي تسميه انا اهنت نفسي كثير ارسل والله اللي يصير شي مو طبيعي وصار يحكي لي انه اليوم وهو بين النوم واليقضه يشوف عين تناظر فيه وكان شي يقوله ان هذا سبب اللي يصير بينكم يقول غمضت وفتحت مرتين والعين مازالت موجوده ويطلب مني اشوف تفسير للي صار من لنت قلت طيب يوم كنت أقولك فيه شي مو طبيعي لازم نتعالج تقول مافيه شي وماحنا مسوين شي قال طيب أنا أول مره اشوف هالشي مع ان له فتره يقول أنا حاس ان فينا شي حتى من قبل تصير الخيانه زوجي مايؤمن بهالاشياء كثير ومايحب الكلام فيها ادري طولت وكتبت قصة حياتي لكن منها فضفضت ومنها ابغاكم توقفون جنبي وتنصحوني وش ممكن اسوي عشان اشيل فكره انه لو يحبني صدق ماكان خانني وكيف اقدر ارجع الثقه فيه هو يقول ان الحل انه ياخذنا عنده غير كذا واحد تستمر المشاكل حتى مره قال تجين عندي احسن عشان أكون تحت نظرك وتشوفين وين اروح وين اجي هو يعتقد اني افكر انه يخونني بزنا والعياذ بالله لكن كذا مره اقوله واحلف له ان عمري ماشكيت فيه من هالناحيه بس ابغى اعرف وش كان هدفه من الخيانه وش كان يبحث عنه عشان اعرف انا وش قصرت فيه لكن مو راضي يعطيني جواب يقول لحظة شيطان ونزوه المهم أني خايفه أبقى على وضعي حتى لو استقرينا قولوا لي شي يطفي النار اللي بقلبي ويخليني ما اشك فيه وانبش وراه اخر مره جاء الحمدلله مالمست جواله لانه من صارت المشكله أعطاني رمز جواله ويقول مافيه رجال يسويها وكنت قبل افتش فيه والقى انه شايف مقاطع وسويت كذا حساب بالسناب باسماء وهميه واطلب اضافه لكن مايقبل الأضافه لكن مدري. ليش مو قادره ارجع الثقه احس صار عندي اضطراب كل ساعه بشعور مختلف من دق خايفه اخرب بيتي بيدي ياليت توجهوني وتدعون ان الله يخلصني من لحاله اللي انا فيها لان زوجي يقول احيانا تقلبين وحش وهو صادق انا نفسي مو فاهمتني انا طبعا عانيت من حاله نفسيه بعد ولاده استمرت ١٠سنوات لكن بفضل الله قدرت اطلع منها بالدعاء والرقيه والاذكار والتوكل على الله
طبعا زوجي كان يلعب اللودو وكذا مره اشوفه يلعب مع بنات ومره وحده ارسلت له كلام طويل قام طلع على طول وصار يلعب وإذا كان يلعب مع بنت من اجي يطلع وزعلت وحذفها فصرت اشك انه جايب سناباتهن من اللعبه مع انه يقول هُن طلبن أضافه على السناب وقلت بشوف ايش يبغن مع انه لما يعتذر مني احس الموضوع اكبر مع اني مثل ماقلت ما اشك ابد فيه انه وصل للخيانه الجسديه وهو يقول الحمدلله انك اكتشفتي هالشي قبل لايصير شي اكبر على باله بيهديني