تدهورت حياتي مع نفسي ومع زوجي واصبت بالحسد ابي نصايحكم تكفون ادخلو

السلام عليكم بنات
بالبداية بقص عليكم قصة حياتي وانتم عطوني نصايح انا متزوجه صار لي 5 سنين وعندي بنت
بس كانت سنتي الاولى افضل ايام عمري بعدين
كل شي تغيررررر وللأسواء صحتي تدهورت علاقتي بزوجي واهله تدهورت
صرنا دايم نتهاوش وعلى اتفه الاسباب وهو كان يقل اهتمامه فيني
وصرت اكرهه حيل ومرات احبه حيل شعور مختلط لما اتذكر فعايله فيني ابكي واكره ولما اتذكر انه بعض المرات كان طيب معي احبه واجهضت 3 مرات وكان اجهاضي الاخير اعدم لي حياتي
صار معي نزيف مرتين والاجهاض الاخير النزيف زااد علي بشكل كبير واضطروا يسوون لي عملية تنظيف من بعد العمليه تغيرت حياتي وبدأت تتدهور كانت تجيني حالات هلع وفزع وخوف من الموت واكتئاب ورجفه بجسمي جاني خمول وارتباك بحياتي وتوتر وقلق وضيق تنفس لحد الاختناق
وتزيد علي اذاجتني الدوره وبكاء من الهموم والحياة وازعل كثير على زوجي تجيني اعراض غريبه ومره كنت في مناسبه فجأه جاني اسهال شديد وغريب وتعب احس كأنه شي قوي يجري في جسمي وراسي وعضلاتي ورحت لمستشفيات كثير ومريت عيادات كثير وكلها سليمه وكمان كان شعري طويل وجميل وناعم ماشا الله بس هالحين يخرع جعد وقصير وشوي وتساقط فضيع وفراغات
اخر شي كلمتني وحده من صديقاتي وقالت حللي فيتامين د ممكن هو اللي مسبب لك هالاعراض
وفعلا حللت طلع ناقص نقص شديد وكانت نسبته 5 من 100 وطبعا صرفوا لي نقط لاكن مافاداتي مع العلاج رحت لشيخ يقرا علي والطامه قعدت اصيح وجسمي يرجف ورجلي اليسار تنتفظ وحسيت كأنه بيغمى علي وكأني دخت ولما خلصت القرايه استغربت من نفسي انه انا ليه ابكي واصيح وارجف بعد القرايه حسيت ودي ارجع بس معدتي فاضيه ولما رجعت البيت جاني اسهال فضيع معاه مخاط غريب ولونه غريب كمان قالي الشيخ انه فيني حسد اونفس وعطاني زيت ومويه بس ابدا ماستمريت
المهم جيته المره الثانيه وكانت الاعراض اخف ماصحت بس قمت ارجف بعدها جاتني زي الاحلام في الحقيقه اذا غمضت عيوني احس رسمات عيون داخل جفني تقرب علي وكانت كثيره
وبعدين حسيت انه انا قاعده امثل على نفسي وانه مافيني عين وانه مرضي وعلاجي مو عارفينه الدكاتره
وزااادت المشاكل مع زوجي كرهت زوجي اخر شي الليله كلمت زوجي بشغله كنت ابيها يجيبه وسكر الجوال في وجهي زعلت على حركته بعدما جاني في الليل كرر نفس الحركه لما قمت اسولف معه وقطع سالفتي وانا من طبعي ماحب هالاسلوب فقلت حرام عليك وعيب وتهاوشنا وقال لي انا مليت منك كل شوي مرضانه علي وكل شوي زعلانه طفشت ومليت منك انا متحملك طول هالفتره بس خلاص نفذ صبري انا هنا انفجرت وبكيت وقلت اذا ماتبيني وديني لاهلي وطلقني قالي يعني تهدديني بكرا جهزي اغراضك وراح اوديك واخذ فراشه ونام بالمجلس جيته وقمت ابكي عنده قلت انا تعبانه نفسيا ارحمني غصبنا عني قالي لاتبكين عندي باستهزاء وقالي ابعدي بس وروحي نامي ماني فاضي لك والله يابنات قعدت اصيح قدامه لاني فعلا كنت يالله اتنفس وقلبي يوجعني زي النغزات فيه وابدا ولا هميته سكر الباب ونام انا تعبت كثير في حياتي يكفي اني يتيمة الاب فقدت الحنان وانا صغيره ابيه يعوضني بس ابدا مايحس فيني ارشدوني مابي بنتي تقعد ماتلقا ابوها لانها متعلقه فيه والله والله اني كرهته وتعبت منه عمري ماحسيت معه بالحب والرحمه والحنان فيه اشيا واجد صارت لي معه تحزن وانا مانكر انه كان كريم ويجيب كل شي اطلبه بس كان يخرب كل شي باسلوبه معي تكفون انصحوني ايش اسوي اذا قعد الصبح ماني عارفه اروح ولا ايش اسوي مع انه اهلي بعيد في مدينه ثانيه وانا ادرس ومستحيل اخلي دراستي ابدا قولولي وش اسوي وكيف اتعامل مع زوجي