الله يسهل عليك ياقلبي لكن والله من جد شي يقهر يمكن ماضاق صدرك الا زواج اخوانك هو اللي ضايقك اكثر وانا مثلك لو مكانك ياقلبي .. لكن غريبه اهلك ما اجلو شوي << وش دخلك ياعني اذا رحتي اللحين مارح تستفيد صدق بتشوفين اهلك لكن اتوقع كنت متحمسه لزوجات اخوانك الله يوفقهم واللحين تزوجو فأصبري للصيف لين ربي يحلها مابي اضيق صدرك ياقلبي لكن << ودي ترتاحين

لكن على العموم قــــــــدر الله وماشـــــــــــاء فعل ..

ومن ناحية التذاكر انتي ماقلتي متى تخلص فيزتك ؟يعني ماعليك خوف !

واليوم بقول لزوجي يشوف لك من فلوريد للسعوديه .. والله يسهل عليك
لكن وين مدينتك بالضبط في فلويدا؟

الله يعدي لك هالمحنه على خير ياعسل
انا من رايي انك تشيلين عن بالك السفر لانك ما أمدى وجيتي لامريكا وانتي توك بأول الغربه ما بعد تعودتي عليها وجالك هالزواجين وزادوا غربتك غربتين

والله ما فيه احد حاس فيك ياعمري زي ما انا حاسه فيك انا بعد غربتي بست شهور تزوجت اختي وكان من الممكن اني اروح وكنت مره متعلقه ولا افكر بأي شيء ثاني .....

بعدها باسبوع(بعد التفكير بالسفر للسعوديه) قلت يابنت الحلال اركدي وفكري بالموضوع بكل جوانبه....
أختي ما راح اضيف لها شيء بحضوري مع انها اكيد بتفرح بس زوجي اللي راح أخليه بالغربه لوحده وهالفتن اللي حوله (اللهم ثبت قلوبنا على دينك) ايش راح يصير عليه!!!!

والوحده مننا بعد زواجها يدها بيد زوجها وين ما راح تروح معه والله يصبرنا وياجرنا ..

وبعد التفكير بعقلانيه شوي والاستخاره طبعا شلت الفكره من راسي من أساسها وأعطيت اهلي خبر اني ما راح أقدر أجي مع انهم كانوا مأملين على جيتي بس رضوا بالامر الواقع ...

ومع ذلك يوم زواجها كنت مره محترقه ودي ولاي معهم وكنت قاعده أصيح بس الحين عدت وراحت وصارت ذكريات...

و نأسف على الاطاله يا قلبي بس حبيت أقولت عن تجربتي ورأيي وانت بعدها تحكمين على كيفك...

الف شكر لكل البنات اللي ردو علي الله يوفقهم ويسخرلهم رجالهم..ويصلح ذريتكم ويردنا واياكم الاهلنا بالسلامه يااارب

السلام عليكم كيفكم انا يا اخواتي امي تعبانه وابغي انزل السعوديه وطلت من الملحقيه ورفضوا لاني يعطوني لاني توني نزلت الصيف وابغي منكم تعطوني شركات امريكيه للرحلات الداخليه بس تكون اسعارها رخيصه ومن واشنطن او نيويورك الي السعوديه واسعار تذاكرهم رخيصه والله يوفقكم

اختي في تذاكر مخفضه من الخطوط السعوديه توها باديه الشهر هذا من نيوورك او من واشنطن الى السعوديه ب 700 دولار
طبعا العرض للطلاب والدبلماسيين وعوائلهم فقط

بس لازم تشترينها من مكتب الخطوط السعوديه

والله يسهل امرك