اميرة الحرف @amyr_alhrf_1
عضوة نشيطة
تذكرتك...
تذكرتك
بليل معتم وشاطي من الفراق غدا مهجور
وموج غادر ضج المكان بكثر صيحاته
وفكر من ردى حظه حزين وخاطره مكسور
وقلب من جروح الوقت قام يهل عبراته
سريت برحلة الذكرى وعانقت العيون الحور
وخد تسكن ورود المصيف اطراف وجناته
تذكرتك بعد عمري باحاسيسي وكل شعور
تذكرتك وانا اللي مغرم بك بكل حالاته
تذكرتك وانا ماكنت احسب ان الزمان يدور
الى من شفته بعيني يكرر نفس غلطاته
تذكرتك وفي نفسي عليك من الحسايف دور
مثل من يرتجي موعد مهم وفاته
تذكرتك وانا شاعر غرامه ماحوته سطور
رسمك بريشة المبدع وزين باسمك ابياته
تذكرتك وانا لولا غرامك ما صبرت شهور
ولا عانقت حرمان السنين وخضت جولاته
تذكرتك وانا رجل على الفرقا غدا مجبور
حداه الوقت يوم الوقت مايرحم بصداته
سرى يدله ورا رزقه ويطلب قسمة الميسور
طموح يدعي الخالق يحقق كل رغباته
حبيبي يابعد كلي حبيبي يا ضيا من نور
حبيبي يا امل قلبي ويا اغلي طموحاته
دخيلك يا ملوعني بنظراتك زمن ودهور
دخيلك ياغناة اللي قضى معك اجمل اوقاته
دخيلك لا تخليني لجل راعي فلل وقصور
يبي يشتريك وانت اغلى من كنوزه وثرواته
دخيلك دام شاطينا من الفرقا غدا مهجور
ترفق في خفوق لا ذكرك يهل عبراته
منقووووووول
7
992
يلزم عليك تسجيل الدخول أولًا لكتابة تعليق.
ضماالوجدان
•
الصفحة الأخيرة