تذكروني انا قصه ولادتي عجزت القى عنوان مناسب لقصتي المؤلمه >>نهاية القصه

السلام عليكم
هذا قصتي للي ماتذكرها
http://forum.hawaaworld.com/showthread.php?t=3687892
انا قبل كم يوم كتبت هالقصه

حبيت ابشركم
الحمدلله والشكر لله
بنتي طلعوها بالسلامه
الدنيا مو شايلتني من الفرحه
ربي ماخيبني وفرح قلبي فيها
الحين هي جنبي
جربت الامومه وعشتها
الامومه متعبه جدا
بس مافي وحده ماتبي تعيش هالشعور
ربي لاتحرم احد منه
شعور جميل لما تحسي انه هالطفل محتاجك انتي بس
لما ماحد يعرف يسكته الا انتي
لما تحطيه بحضنك ويسكت وهو يناظر بوجهك
الشعور الاجمل ان هذا الكائن الحيه انتي امه
للحين مو مصدقه اني صرت ام من كثر ماحسيت انه حلم بعيييد وايام وليالي احلم في هاليوم حتى ايام كنت افكر ان مكتوب علي اعيش بدون عيال
حتى وانا حامل فيها كنت اقول معقول بيتحقق الحلم ولا بيتم بعيد
ولما ولدتها كانت بعيده حييييل مع اني اشوفها والمسها اذا رحت المستشفى بس لما كانت في بطني كان الشعور اريح
طول فتره نفاسي وانا احس اني وحيده وناقصني شي
توه قلبي شاف الحياه
احس كاني مسافره احس شقتي صاار جوها غيير

الحمدلله يابنات ربي مايضيع تعب وربي اذا كاتب لك شي يصير
كل الاطباء اللي كشفو علي قالو لي بتموت اذا انولدت عندهم
وحتى الممرضين اذا تحسنت قالوا لي لاتفرحين هذي الاوزان الصغيره بسرعه تتغير صحتها وتموت. حسبي الله عليه خلاني ماانام من الصيااح والنياح
بس ربي حفظها كنت كل يوم اقرأ عليها سوره يس

الشي المحزن انها ماتبي صدري :(
كنت اتمنى ترضع مني بس الحمدلله ع كل حال
كل ملابسها كباار
عجزت القى شي يدخل عليها مررره صغييره
عذروني طولت عليكم
بس عندي سؤال
الطفل كم ملي يشرب بالرضعه الوحده ؟؟
وكم فرق الساعات بين الرضعات
يعني تعطونه كل ساعه ولا كل ساعتين ؟

ربي يوفق كل وحده ردت علي وبترد علي ويحقق امنيتها ويسهل عليه حملها وولادتها ويرزقها الذريه الصالحه ويفرج همها مثل مافرجت همي
واشكر كل وحده دعت لي وساندتني ربي يسهل دربها