اليوم جايبة لكم طريقة الخبزة بالتفصيل لأن في موضوعي الأول كثير البنات اللي يسألوني عن شكل العجينة كيف تكون
فحبيت أنزلها لكم بالتفصيل عشان ماتستصعبونها طبعاً أنا سويتها أمس لأم جارتي مع القشدة الملكية للأخت بهجة
الحدائق جزاها الله خير وقهوة وعجبت أم جارتي تعرفون جداتنا يحبون الأكلات الشعبية >>طولتيها
إليكم الطريقة على طول
ضعي 6 كاسات دقيق 3 أسمر و3 أبيض> ملعقة شمر> ملعقة حبة سوداء>ملعقتين كبيرة خميرة فورية
ملح أخلطيها مع بعض
أعجنيها بماء دافي لين تصير كذا
غطيها بمنشفة وخليها تخمر لمدة ساعتين أو أكثر إذا كان الجو بارد
بعد مرور ساعتين ونصف كان هذا شكلها بعد ماخمرت
ضعيها في صينية مدهونة ورشيها بالحبة السوداء والشمر اللي هو الزنوت
وغلفيها بالقصدير ودخليها الفرن لمدة ساعة على درجة 300
هذا شكلها بعد ساعة وبعد ماشلت القصدير عنها إنتبهي على إيدك يطلع لك بخار قوي أول ماتشيلي القصدير
دخلي السكين جوا الخبزة إذا ماطلع لك عجينة معناه إستوت تمام من جوه
يتبع
7
7
وهذا الشكل النهائي
يم يم ريحتها تجنن والطعم أحلى وأحلى >>>إغراء عشان تسوونها
الحين نجي للقشدة الملكية ضعي في الطاوة 4 ملاعق زبدة
بعد ماتسيح الزبدة ضعي كاس دقيق أسمر و10 ملاعق سميد و10 ملاعق حليب جاف وحمصيها مع بعض
عل بال ماتتحمص مع بعض تكوني مجهزة التمر مطلعه منه البزر أنا ماكان عندي تمر خلاص فحطيت تمر عجو
ملاحظة التمر جهزيها قبل ماتبدين في عمل القشدة لأنه لازم تحركي الزبدة والدقيق والحليب والسميد بإستمرار
عشان ماتحترق
وهذا شكل المكونات بعد ما تحمصت
وهنا كورت التمرة وحصيتها على الدقيق وحركتها تقريباً 3 دقائق
وبعدين وضعت القشطة مثل قشطة التاج
وفنجان حليب سائل مثل حليب بوني ووادي فاطمة وحركتها لمد 5 دقائق وحطيتها صحن التقديم
وكانت هذي النتيجة
الحين جهزت القهوة والخبزة والقشدة الملكية وبروح لجارتي أسلم على أمها اللي تبي القهوة لا تتأخر
يتبع