تذكرون سالفتي مع خوات زوجي؟

مرحبا بنات وصبايا وحريم وعجايز<------ خخخخخخخخ امه عاد عجايز
تذكرون لما كتبت لكم قصتي مع خوات زوجي والاغلبيه قالوا لي ان لازم اقول لزوجي السالفه
وفعلا قلت له بس باسلوب ناعم وجو هادي يعني عشان مااضايقه لان زوجي
طيب ومايستاهل الغثا
الزبدة اتضايق من اخته وقال هذي هي كذا اسلوبه به رعانه ماعليك الله يرزقني واقدر اطلعك ببيت لحالك
انا قلت له يكلم عمي باسلوب ويوصل له بطريقه غير مباشرة ان بناته يتحرشون فيني
قال طيب
ومن بكرا جلست معه جلسه هاديه وسالته ها وش سويت
قال بايش
قلت بموضوع اختك
قال خلص السالفه ماتت
اتخيلوا انقهرت فحمت شلون كذا بس مابينت له
سكتت وبان علي اني متضايقه
ابو الشباب ولا عبرني
راح نام وانا نزلت تحت ومثل ماقلتوا صرت ماانزل الا لما تكون خالتي لحالها تحت
واتجنب خواته
الا لقيت خالتي منتفخه علي
سلمت ماردت
اخذت ولدي من ايدي وقالت هلابك ولاهلا بامك
ضحكت قلت ليه؟
قالت روحي لاهلك ماابيك كلنا نكرهك مانبيك
انا مامسكت نفسي
دمعت عيوني
قلت اذا ماتبيني انا ابيك
قالت انا اكرهك
قلت انتي امي مالي احد غيرك انا بعيدة عن اهلي
وبديرة مالي فيها غيركم وانتي امي
قالت كذابه ممثله
سكتت وصعدت وخليت ولدي عندها
شوي وارسلته لي
ومن يوها محد يبيني ولا احد يكلمني
الحين فهموني انا غلطت بشي؟
والله لو انا غلطانه ماراح اكابر بس قولوا لي
هالعايله مليت منها
مايبوني
ماتوا على ماعطيناهم والحين مايبوني
المشكله زوجي شخصيته مهزوزة وضعيفه
وانا مالي غيركم اشكي له
امي مريضه وماودي اضايقها واهلي زي ماقلت لكم زمان حارين ممكن يكبروا السالفه
شرايكم
انا مابي حلول انا ابعرف غلطت بشيء؟