تذكرون قصتي يوم اقولكم بغير الشقه

السلام عليكم..
انا الحين مسجله بملاذ بنت خالد..
انا العضوه ملك بنت خالد .بس مدري كيف نسيت كلمة المرور ..وماعد قدرت ادخل المنتدى..فغيرت المعرف ل ملاذ بنت خالد..
مادري اذ تذكروني يوم اقولكم بغير شقتي بسبب اهل زوجي واني ماني مرتاحه بشقتي .
المهم صارت احادث كثيره..خلتني في ذاك الفتره خلاص اصرف نظر عن تغير الشقه ..رغم التعب الي احس فيه في هذا الشقه والله ما ابالغ لما اقول اني احس بضيقه فيه غير طبيعيه ..
المهم صرفت نظر ذاك الايام لان زوجي قال بتجيني ترقيه ويمكن انقل من المدينه كلها..والله ياني فرحت فرح ماتتخيلونه يوم قال بنقل حسيت اني خلاص بتخلص من العذاب الي عشت فيه كل هاسنوات بهالمدينه وبها شقه ...المهم انتظرت وانتظرت ..فجاءه بدون سابق انذار ..زوجي تعب ودخل المستشفى وعمل عمليه خطيره..والله يابنات فجاءه تعب ..وبنفس اليوم الي تعب فيه حلمت حلم كنه كان انذار لي..ماحب اذكر تفصيل الحلم...
بنفس اليوم الي دخل فيه المستشفى..تخيلو شقتي كل شي فيها خرب..الغساله احترقت ..اضاءت البيت كلها طفت من وحدها.. الجدارن من فوق صارت تصب مويه الشقه كامله انعدمت في يوم واحد ..الشقه صارت ظلمه ..حسيت في شي غلط صاير...جلست اصبر نفسي عشان زوجي تعبان..خرج زوجي من المستشفى بعد سبوع من خروجه جاه الم في بطنه وصار يستفرغ ..راح سو كل تحليل قالو سليم ..هالاحادث كلها صارت في شهرين..المهم هالاسبوع جات الترقيه حقت زوجي بنفس اليوم تعب ولدي فجاءه تعب صار وجه كله احمر وانتفخ ..رحنا المستشغى قالو حساسيه ..طبعا ولدي ابد مافي حساسيه ولا اكل شي عشان اقول منه ..كذا فجاءه جلس يبكي ويصرخ شوي الا كل جسمه متنفخ واحمر طبعا.تحطمت مررره لان الترقيه جات بنفس المنطقه وانا كان عندي امل تجي برا المنطقه وابعد من هالمكان الي تعبت فيه..طبعا هنا مابينت لزوجي اني متضايقه انها جات بنفس المنطقه ..سويت نفسي فرحانه له لانو تعبان ومابغى ازيد عليه..بس لما جاء اخر ليل جلست ابكي وابكي حسيت بضيقه مايعلم فيها الاربي..المهم امس قال زوجي خلاص انا ماعد ابغى الشقه بطلع احس بضيق فيها..طلع يدور شقه فجاء وهو برا كلمني قال نظفي البيت بيجي ضيوف..انا هنا من غير شعور انفجرت فيه ..وقلت اش تبغى انظف البيت ظلمه ومافي شي يتنظف..ضيوفك والله مايدخلون على والله والله..طبعا انا من غير شعور انفجرت فيه وهو يكلمني..رجع البيت قال انتي مجنونه انتي نفسيه ..قلت وانت ماتقدر ماتشوف ظروف الا احنا فيها ليش ماتعتذر من ضيوفك ..قال مابعتذر . قلت من عرفتك وانت بيتك فندق لنا س من عرفتك وانا س مايعرفونك الا وقت حاجتهم..طبعا الضيوف جاين من منطقه ثانيه ويبغون مكان ينامو فيه..
والله يابنات مانفجرت فيه الا من كثر الضغط الي انا فيه وضيقه الي انا فيها..قسم بلله اني ماعندي مكان صاحي بشقه واني انام انا وعيالي بغرفه وباقي الغرف كنها مهجوره..
وزوجي قهرني كل ماحد دق عليه قال حياك..وهو عارف الظرف الي انا فيه..
..تعبت والله تعبت مدري وش الي صاير لنا..
بتقولون تقربي من الله والله اني ماني مقصره ..وهالاحادث كلها ماصرت لي الا بعد مابديت اقراء البقره ..احس في شي فينا الله اعلم اش هو..
والحين انا وزوجي مانكلم بعض وماني طايقه اشوفه ..
وحلف ماعد يطلعني من هالشقه هو قالها بلحظة غضب..وانا من امس مقفله جوالي مابغى احد يكلمني عشان مانفجر فيه وماني طايقه احد.
يارب وكلتك ماهمني من امر الدنيا..