تذكرون مشاكلي مع زوجي ؟ وصلنا للحل وابي رايكم

السلام عليكم

شلونكم يابنات ؟

تذكرون موضوعي هذا ؟

http://forum.hawaaworld.com/showthread.php?t=3393673



ابي اقولكم اخر شي وصلت له اني عند اهلي الحين وابي الطلاق وماابي غيره علشان كذا ابيكم تنصحوني وتساعدوني اذا انا على حق ولا على خطأ اسألكم بالله كل وحده تشوف الي صار لي يسوى اطلب الطلاق ولا لا


انا سمعت نصايح البنات :

اولا : المدح , صرت امدحه واقول اهلي يمدحونك ويحبونك ويقولون انت افضل زوج من بنات عايلتنا كلها " طبعا كذب لان اهلي ماقالو شي عنه "
المشكله انه صدق عمره وصار كل ماصارت بيننا مشكله كبيره اتصل على اهلي يشكي علي !!
يقول انا ماني مقصر واعطيها الي تبي واسوي لها الي تبي بس هي فيها وفيها وفيها
تخيلو مره اتصل على امي واخواني كلهم واخواتي المتزوجات تدرون وش شكى منه ؟
انا تهاوشنا وهي ماتبي تنام معي تخيلو قالها لامي واخواني واخواتي !! والله اني كل ماتذكرتها حسيت نفسي حشره قدام اهلي زوجي يتكلم بامورنا الخاصه قدامهم

بس اصبروا اكمل لكم

ثانيا : اكتشفت انه يسولف بحياتنا عند كل احد يشوفه حتى حياتنا الخاصه مثل الموقف الي فوق
بقولكم موقف بس علشان تحسون بكمية القرف الي حسيتها لما سمعت كلامه مع اخوه
اتصل اخوه واحنا كنا ....... وراح يبي يتروش راح اخذ الجوال وكلم وهو رايح للحمام المكالمه كالتالي :
هلا , شلونك , ههههه اي والله توي مخلص والحين رايح للحمام اتروش انا اكلمك من الحمام

الصراحه كمية دياثه وقرف وقلة ادب وقلة تربية الي حسيت فيها ولما ناقشته قال عادي اصلا هذي مزحات !! قلت وشو مزحات وانت قاص قصة حياتك على الرجال مااستحيت ولا غرت علي وانت تعلم ؟ قال لا عادي

وباخر هوشه لنا الي خلاص بعدها طلبت الطلاق رجع قال السالفه هذي لاخواني وامي وابوي مااستحى على وجهه

طبعا البكاء بالصوت العالي هذا ماراح , التمثيل انعكس بدال مايمثل انه مريض وتعبان صار يمثل انه مهم ومحبوب وكل البنات يحبونه وكم مره اخترع لي فيلم ان البنات يغازلونه بدوامه بتقولون وش دراني انها افلام بقولكم واحد منها واحكمو

مره رحنا لمطعم انواره خافته وهو معطي ظهره للعالم وانا بوجيههم لان اغلب الي كانو موجودين حريم يعنني احترم وجودي لاني هاوشته قبل بس يطالع بالبنات وانا جنبه وينسى اني جنبه
المهم بعد اسبوع تقريبا قال لي ان فيه بنت وقفتني وانا امشي قالت انت الي كنت بالمطعم الفلاني مع صديقتك ؟ قلت لها وخري عني ورحت هربت !!!!

خلاص صار عايش 24 ساعه بكذب وخيال ويكذب ويصدق كذبته

مره تهاوش مع اخواته وجاء عند اخوي يشكي منهم ! قلت كيف تشكي اخواتك عندرجال غريب قال عادي ؟

وصار يراقبني ويفتش جوالي واغراضي وملابسي وحتى كتبي واوراقي يفتشها ويسألني منهي هذي ومنهي هذي ( اسماء بنات ) وكل ماحطيت شي بالبي بي عباره او صوره يعيفني بحياتي وش تقصدين ؟ لمن كاتبتها ؟ لمين حاطتها واذا قلت له عيب قال انا غيور قلت لو غيور ماتكلمت بامورنا الخاصه عند اهلي واهلك

المهم الي انهى الموضوع بيننا انه صدق نفسه زياده و ( استرجل ) زياده وضربني ومن زود الوقاحه ارسل لاخواني رساله ( لاحظو مانزل نفسه يكلمهم فقط رساله ) وقال واحد منكم يجي ياخذها

انا خلاص يابنات اكتشفت انه شكاك , ديوث ماعنده غيره , مايعرف يسكت لازم كل الناس تعرف متى نمنا ومتى صحينا ومتى تغدينا ومتى تعشينا , يمن علي بكل شي سواه لي حتى التمشيات انا سويت وسوسيت وسيوت , يجحد كل شي اسويه له ( انتي ماعمرك سويتي كذا ودايما تسوين كذا ) , وانهاها بمدة اليد


الحين جاء اعتذر وحب راسي قدام اهلي بس خلاص انا كرهته انا من اول حاسه انه مو طبيعي لكن بعد هالتصرفات تأكدت

على فكرة كل اهلي واهله واقفين معي ( لاحظوا اهله واقفين معي حسبي الله ونعم الوكيل توهم يعترفون انه انسان لايطاق وهقوني فيه حسبي الله ونعم الوكيل )

الكل ماعدا امي ماتبيني اتطلق وارجع عندها وانا اهون علي اتطلق ويسبوني كل الناس ويتشمتون فيني ولا اعيش معاه .

تقول هو انسان طيب وكريم ويحبك ولاعمره رفض لك طلب , انا ماقلت انه مو طيب ومو كريم بالعكس حبيب وطيب لكن تصرفاته دمرت حياتنا ودمرت حبه بقلبي ومااعتقد احد بيلومني خصوصا ان كل هالطيبه والكرم طلعها من عيوني بالمنه عند اهلي واهله انا سويت وسويت واعطيت الخ . واني متزوجه ابي الستر والاستقرار والخصوصية مو كل من هب ودب عرف حتى ادق تفاصيل حياتنا الي ماتنقال والي اصلا حرام تطلع بين الزوجين

وش رايكم بقراري اسألكم بالله ؟

كل وحده تعتبرني اختها وتقول لي لاني مره ضايقه فيني الدنيا خصوصا انه يبي فلوسه يقول ماني مطلقك لين ترجعين فلوسي انا بتزوج وجلس يهددني ويتوعدني وانه بيسبب لي مشاكل حتى لو فكرت اتزوج بعدين وبيفضحني ( مدري على وشو يفضحني الحمدلله والشكر ) وانا مابي اقول لاحد من الناس سبب طلاقنا وخليه يتكلم على كيفه الله حسيبه