تذكرون موضوعي قبل لا زواج ولا وظيفه؟تعالوا اعلمكم اخر المستجدات🔴✔

كل عام وانتم بخير الله يتقبل منا ومنكم صالح الاعمال
قبل فتره كتبت موضوع يخصني بحط لكم الرابط
https://www.hawaaworld.com/sho...
ابيكم تقرونه كله شرحت فيه معناتي انه لا زواج ولا وظيفه ولا فلوس الحمدلله على كل حال
ما قصروا اللي انصحوني حاولت اطبق بس للاسف يومين 3 واترك يعني مثل اللي انصحتني بقراء سوره البقره او قران القران حاولت بس للاسف ما استمر مع العلم اني انسانه فاضيه
ما عندي شي اسويه نهائي حياتي مثل ماهي غير المشاكل اللي يوميا تصير في بيتنا على ابسط الامور تصير مشكله احس راسي بينفجر من المشاكل لما يجون اخواني اسكت هذا واهدي هذا وعلى هذا الحال ,,,
انصدمت قبل كم يوم انه وحده من صديقاتي تملكت ماشاء الله ربي يهنيها انا مو حاسدتها طبعا لا بس بقولكم ليه انصدمت احنا سوينا من زمان قروب وعددنا فيه 16 بنت
المهم انا وياه صديقتي كنا الوحيدات اللي لا زواج ولا وظيفه يعني نفس وضعي تماما كنا نسوالف كثير واحنا صرنا قريبات كثير لانه نفهم بعض ونفس الوضع عايشينه تماما مشاكل هموم ما فيه وظيفه ما فيه زواج ولا عيال كنا على قولتهم نطبطب على بعض دام انا وياها نفس الحياه متشابهين كثير في امورنا

بقولكم ليه انصدمت كنت معاها كثير ولا قالت لي اللى ان حطت في القروب انها تملكت باركنا لها كلنا وكلمتها قلت غريبه ليه ماقلتي لي بررتلي وقالت مو لشي انه حسد او غيره لا والله بس ابي اتم اموري لانه كل ما اقول لاحد فيه احد تقدملي ما يتم وتقول حتى خالتي وبناتهم قراب مني ولا قلنا لهم وقالت لي انتي تدرين قبلهم والله قالت لي لانه قبل بعد تقدموا لي ناس وقلنا لخالتي وبناتها ولا يتم وكل ما نقول لاحد موضوعي يتعسر فقالت لي امي وامنتني اني ما اقول لاحد الى ان يتم الموضوع وتم الملكه فقلت لكم
بصراحه اقتنعت بكلامها وما الومهااا لانها شرحت لي قبل انه كل ما تقول لحد موضوعها ما يتم ومعها حق

وماشاء الله قالت لي خذت شخص ما سبق له الزواج وقالت لي عن شغله ومركزه ماشاء الله والله فرحت لها لانه انا وياها كبرنا بالعمر فحسيت اعطتني امل الحمدلله وقالت قدمت على وظيفه واقبلوني ماشاءالله انا قلت لها الله يرزقك اضعاف بس قولي لي وش سويتي حتى ربي بسرلك امورك اضحكت قالت الحمدلله وغيرت الموضوع قلت لها اوكي يعني مو حاسدتك بلعكس فرحانه لك وانتي تدرين لو اي شي اسويه او دعاء اشملك فيه قالت ادري وانتي مثل اختي وغيرت الموضوع وتسوالف عن تجهيزاتها
وسكت ولا قلت شي حسيت ما تبي تقول وبراحتها اكيد

المهم انا هذي الايام خفت كثير لانه خلاص كل اللي بسني تزوجوا الا انا محد تقدم لي
وقالت وحده من البنات في القروب حرام بس باقي بدايه بتعيش لوحدها ووحده قالت لصديقتي بندخلك قروب ثاني علشان ناخذ راحتنا انصعقتتتتت طلعوا مسوين قروب لهم لانهم متزوجات
انتم متخيلين كيف الشعور اللي حسيت فيه حسيت اني منبوذه

واللي تدخل على خاص تقول ترى مو مهم الزواج اهم شي الوظيفه الله يرزقك والا ما لقيتي عادي ترى اهم شي العافيه اصدمتني واجرحتني لانها تدري ما خليت مكان ما قدمت فيه ولا تيسرت اموري غير اللي يوعدوني بيوظفوني ولا وظفوني بس كلام
قلت لها عادي اللي كاتبه ربي بيصير (((وانا داخلي فيه كلام ثاني حاسه بنفجر تقول مو مهم الزواج ليه مو مهم لانه خلاص تزوجتوا وانا لا ومو مهم الوظيفه لانه توظفتوا وانا لا ,,طبعا اهم شي العافيه اكيد الحمدلله بس احس الكلام في استهزاء فيني والدليل مسوين قروب ثاني)

بصراحه ما تفرق معي لو ميه قروب مسوين وانا مو فيه بس اللي يجرحني الطقطقه
والله انا امنيتتتتتتتتتتتتييي اتزوووج بزوج صالح واتمنى تكون عندي وظيفه واتمنى فلوس واتمنى اضمن حياتي واشتري بيت ونسكن فيه انا وامي وجدتي
بتقولون وين اهلك ابوي متوفي واخواني متزوجين وكل واحد بعيد عنا لاهي بحياته

اخوي الكبير بس يدفع فلوس للبيت لانه ايجار واحيانا يعني كل 3 او 4 شهور يجيب اكل للبيت
تمر علينا ايام انا وامي نتدين وكثره ديونا والله يجزاهم خير 2 من صديقات امي نتدين منهم وللامانه كثر الدين ونستحي كثير وهم قالوا اذا صار معكم رجعوا لنا
المشكله وين نرجع لهم انا ما اشتغلت كيف بجمع فلوسهم
واخواني يدرون رربي يصلحهم بس هم كل واحد مع زوجته وعيالهم ربي يصلحهم وهم بعد عندهم التزامات ومصاريف ولا يقدرون يساعدونا ويدرون عن وضعنا
المهم


يوم شفت دموع امي وجدتي على يالله رحت لغرفتي وابكي امي وجدتي خايفين على ودهم اتزوج حتى يرتاحون لانهم شايلين همي كثير
ما اعرف وش اسوي قعدت ابكي مو بيدي شي اموري متعشره كثيررررره لا زواج ولا وظيفه ولا فلوس
واتصل واحد من اخواني وكان يكلم جدتي وكنت حاطه سبيكر لانه تحب تسمع الصوت عالي وهناه بالشهر وشافها مبسوطه قال بشري في موضوع والا شي قالت في ويش قال خطبه
قالت جدتي لا والله بس فرحانه لانه شهر رمضان والا علوم ثانيه ما صارت
انصدمت كثيرررر حتى اخواني شايلين همي وينتظرون متى اتزوج 😭

قولوا لي وش اسوي كيف تتيسر اموري كيف ربي يرزقني الزوج والوظيفه ووتيسر حياتي؟؟؟ انا ادعي دايم بس ماتتحقق الحمدلله على كل حال😢😭

((ادري كتبت كثير محتاجه افضفض واعلمكم بكل شي لانه ما اقدر اشتكي لاحد باللي احس فيه 😢 ))