تذكير لأنوثة مشرقة ومبهجة ݁˖ ❀ ⋆｡˚

تذكير ليكي يا كوين اني نزلت عن المواضيع الي كتير يدورو عنها وشوفيها يمكن تحل لك مشكلتك، موجودة بحسابي 💕.



شفت بنوتة تشتكي من مشكلة الهالات القوية وقلت بنزل الي اقدر عليه وافتكرو من حلول لعل الكل يستفيد

• هالات تصبغية سوداء قوية او حفر

يا قلبي انتو الحفر حلها الفيلر بس الي تبغا تقلل ظهور الحفر او الانتفاخ وتقلل التصبغات القوية تستعمل ريتينال صراحة جدا فعال وارشح حق بيوتي اوف جوسون 🍚🌷.

• قلة النضارة في جسمك

اتاكدي من نقاط معينة لا تغفلي عنها، شرب لترات موية مناسب لوزنك لو وزنك فوق ال70 حاولي اكتر من اتنين لتر ونص باليوم، الشعرات الصغيرة من جسمك الي ما تشوفيها شيليها لا تستهوني فيها، لا تلبسي الوان تبهتك، لا تكتري جزر وبندورة وبهارات حارة وشبسات ارجوكي، انتبهي انتي ايش تعطي توكيدات لنفسك قبل النوم، خدي شاور يومي بدون شعرك، اغلبنا ناقصنا حديد وفيتامين ب وفيتامين د انتبهي عليهم، شاشة الجوال واللابتوب والتلفزيون تعطي نفس تاثير الشمس وتغمق وجهك، وقفي استنشاق رذاذ العطور، الرياضة تغير لونك تماما تخلي فيه حياة، لا تكتري قهوة وشاي.

• خطورة التسويق

حبيباتي، دكاترة الجلدية الفترة الاخيرة ما هم الا مسوقين لمنتجات وشركات تدفع لهم وصدقيني في هالنقطة، واوعدك انك مهما كنتي عبقرية حتصدقيهم، للاسف لو عندك مشكلة لازم بنفسك تبحثي عن حلول ومنتجات ولا تتجهي للدكتور الا لو عندك مشكلة ملحوظة جديا

• تأثير اسلوب حياتك على انوثتك

الي منكم تعمل او تروح النادي ويومها كلو حركة قاسية ومجهود قوي ضروري ضروري ما تضحي بنومك، لحوم، اوميقا ثري لو بشرتك مو دهنية، فترة للرقص يوميا، مشروب اليانسون كل اسبوع مرتين واعيد واكرر انتبهي للحاجات الي تقوليها لنفسك.

• تأثير الاعشاب على الصحة

ارجو انو اي وحدة منكم ما تستهين بالاعشاب موضعيا وللاكل او الشرب، كلنا نعرف تاثير السدر والحنا مع انهم طبيعيين، ودي ما فيها مشكلة، لكن انتبهي من الاعشاب للشرب او الاكل خصوصا الصويا واليانسون والحلبة، ممنوع الاستهلاك اليومي وممنوع لو كنتي ما تسوي مجهود بيومك عشانها ترفع مستويات الاستروجين بشكل مو طبيعي ودا مو نقطة ايجابية لانو يعرضك لسرطان الثدي لا سمح الله، انتبهي من اعشاب تخفف الم الدورة او تكبر مناطق او تنحف مناطق عن تجربة تسوي اورام.

• كيف تحمي نفسيتك ( المقارنة )

خدي اكبر نصيحتين مني، احدفي التيك توك، احدفي السناب، احدفي الانستقرام او نهائيا لا تدخلي على خانة المحتوى فيها ن ه ا ئ ي ا

افردي شعرك وشوفي كيف حتحسي نفسك ما تتقارني، وفعلا المقارنة تنقص من رصيد انوثتك.



الي عندها اي نصايح تضيفها نتشارك الاسرار سوا 🤭🤫