أنا من رايي ماتطنشينه ،لأن الوضع متأزم شوي ،بالعكس حاولي الحين ترتبين أفكارك وتشوفين وش سبب هالخلاف،سوء فهم أو تقصير في حق،أوعدم اهتمام....
يعني تحددين السبب منك أو منه ،أو خطأمشترك (طبعا هذا كله ترتيب لأفكارك بروحك مابعد جاء)وتشوفين لو كان الخطاء منك اعترفي فيه واعتذري منه،وإن كان منه الخطاء وضحي له
إنه أخطأ عليك وهذا شيء يضايقك وإنه ماودك يتكرر مثل كذا.
إذا جاء جهزي جلسة رايقة وفاتحيه بالموضوع.

صحيح حبيبتي أنا من رأي البنات إنك تحددي وين المشكله وكيف تقدري تعالجيها لأن المفاجآت حيكون مفعولها وقتي .. أنتي بحاجة لحل ومع ذلك أنا معاكي بأن هالشغلات حتخفف من التوتر والزعل ..

أقترح عليكي تسوي له دعوه يا إما انتي تطبعي له كرت أو بكرت جاهز على غداء أو عشاء وتطبعي المينيو وتحطي قيمة لكل صنف مثلاً..الكوكتيل قيمتها قبلة أو ماشابه..
وما تناقشيه في وقتها بس تبيني له إنك تبغي تغيري له الجو وهذا من محبتك وغلاته عندك ..وطبعاً رتبي الموضوع بالطريقة اللي تناسبك الدعوه إما تكون في بيتك وترتبي لها الطاولة والورد والشموع والحركات اللازمه او خارج البيت وتطلبي من المطعم يتوصى علشان المناسبة خاصة..
والله يسهل لك أمورك..

و عليكم السلام و رحمة الله و بركاته

أنا مع الإخت المتغلية في كلامها و ظفيرة
أهم شي إنج ما اطنشينه

في دورة من الدورات اللي حضرتها
قال المحاضر إن أهم شي إنج ما تعودين الزوج على إنج اطنشينه لفترات طويلة
يمكن أول مرة ما يتحمل بعدج
لكن عقب فترة يتعود و يكون الأمر عنده عادي حتى لو طنشتيه لفترات طويلة
فأهم شي إنج تخلينه ما يقدر يستغنى عنج



إنت اللي تبينه مب بس فكرة وحدة تنفيذنها ليوم واحد
فلازم تحطيلج خطة تمشين عليها و تهدين الأمور بينج و بين الزوج
خاصة إنج في فترة حمل وهاي الضغوط لها تأثير سلبي على الجنين

وقبل كل شي استعيني بالله في كل أمورج
و ربي بييسر عليج

و في شي ثاني
لا تحاولين تغييرين في الزوج و تقولين إنه متغير
أول شي الواحد يبدا بنفسه و يصلح من أموره
ومع الأيام بيكون هناك تأثير على الزوج

إن ما خانتني الذاكرة أظني حضرت دورة في مهارات حل المشكلات الزوجية
إن لقيت الأوراق بكتبلج النقاط الموجودة

و في شي ثالث
احضري الدورات اللي تساعدج في أمورج كزوجة و في حل هالأمور
و اطلبي الإستشارة من المختصين خاصة الحين تكثر المراكز الإستشارية

ادري طولت عليج
بس لي عودة ثانية لموضوعج

الابداع

مشكوره حبيبتي على نصيحتك الغاليه


المتغلية

هلا والله باختي الغاليه حبيبتي انا قلت لكم من قبل ان انا نفسيتي تعبانه من الوحام والحمل ومشاكله بس اختي هو لازم يراعي هالنقطه يعني انا احاول ما ادقق على كل شي بس هو مثل اللي يدور لي على سبب يعني من كم يوم حاولت اتفاهم معاه وقلت له اللي بقلبي وانه لازم يستحملني وما يخليني اعصب ولا اتنرفز تعرفين شو رد على " لا والله زين عيل يعني ماتبيني اعصب عليج ولا ازعلك ليش انتي اول وحده والا اخر وحده تحملين " بربك اختي في رجال يقول لزوجته هالكلام يعني هو يشوف التعب اللي فيني والضيق بدل ما يواسيني ويريحني يزيدني ضيق وقلت له مابي منك شي بس ابغي معامله زينه ذاك اليوم شوي تغير وعاملني برقه بس من ثاني يوم دور له سبب عشان يطلعني غلطانه وكله يقولي انتي تعصيني ولا تسمعين كلامي ونفسي مره اقول لج شي تقولين لي حاضر تعرفين ليش قال هالكلام عشان طلبت من اخوه انه يروح يغسل سيارتي جداااااااااااااا وسخه وانا طلبت من زوجي هالشي بس ماودا السياره ولما عرف قال لاخوه لا توديها نبي نطلع فيها اللحين قلت له خلنا نروح بسيارتك وخله ياخذ سيارتي لانها وايد وسخه قالي لا انا اصريت وخليت اخوه يروح بسيارتي المغسله قالي انتي تعصين شوري !!!! طيب السياره سيارتي وانت عندك سياره وموجوده ليش مانروح بسيارتك وهذا مالي من حقي اتصرف فيه بدون الرجوع لك !!!!!



ظفيره
حبيبتي انا هذا اللي ناويه اسويه ناويه اقعد معاه اليوم وافهم منه كل شي واراجع نفسي يمكن اكون انا غلطانه

القموره اموره

اختي العزيزه شكرا جزيلا على افكارك الحلوه وانا فكره بالمطعم بس عمتي ام زوجي الله يسامحها خربت علي السالفه توها كلمتني تبيني اروح معاهم عشان بيخطبون حق اخو زوجي اليوم بالليل وطبعا زوجي بيكون معاهم بفكر بشي اسويه اليوم العصر او بعد مانرجع من عند الجماعه

ولا يهون الباقيات المتغلية كفت ووفت ....................