السلام عليكم ورحمة الله وبركاته .
حياكم الله جميعا ً
انا يابنات حامت كبدي مدري لييييييييه ؟؟
تخيلو الناس الظاهر يحسبوني عجوز :44: ينتظروني أتزوج ، والمشكلة عمري 20
حتى امي مره جت صديقتها ، قلت يمه لازم أسلم عليها .. قالت ايه يمكن تدور لك على احد
والله حسيت امي جرحتني :44:
بنت خالتي متزوجة وهي في الثانوي الله يوفقها ، طيب وش هالناس يعني عشان فيه اصغر مني متزوج اطلع كبيرة ومافيه مراعاة لمشاعري
الحمد لله انا عايشة حياتي بطولها وعرضها
حتى يوم ولدت بنت خالتي قالت امي بنزورهم قلت لا خلوه الاسبوع الجاي
جلست تضحك !!! تحسب قصدي ماودي ولا ايش؟؟
انا قصدي ودي اطبخ واسوي حركات
حتى اختي المتزوجة غثتني :mad: دايم تقول متى تتزوجين !! ودي اكفخها لاتكلمت ..
اوووف منها ولاتكلمت وجابت السيرة "بكرة اذا تزوجتي ، ولا بكرة يكون زوجك ........ وسوالف مال امها داعي
حتى اخواتي البزورة يقولون متى بتتزوجين ؟؟!!!!!!
يعني لهالدرجة كبيرة وغاثتكم..خخخخخ
ع ان بنت عمتي متزوجة وعمرها 25 ومو ضارها شي ، وخالتي متزوجة وعمرها 27 والحمد لله حياتهم ماشية ..
انا اقول امي يمكن تحسبني اتحسس لان بنت خالتي متزوجة وهي اصغر مني وعندها بنت بعد ماشاء الله :04:
وانو في ناس جو وشافوني ثم رفضوني ، ابدا هالسالفة ماجتني منها حساسية عادي عارفة ان الزواج نصيب ، حتى اصلا يوم يجون الناس ماكنت مقتنعة ابد للزواج حتى كنت اقول لامي توني صغيرة
بالعكس انا ابدا مو هامني ، والحين اصلا مالي خلق للزواج ، عندي جامعة ودي اتخرج وبس
حتى يوم يجون الناس امي كانت معلمه خالتي ، الله يهديها وشوله تعلمها وهو ماصار شي
بس اهلي انتم نفسكم لاتحسسوني :icon33:، انا عادي حياتي ماشية
حتى امي الحين احيانا اذا شافتني تدعي تقول الله يسترك ويرزقك
ادري امي تحبني وتدعي لي
بس ليش ماأذكر اخواتي المتزوجات كانو مثلي كذا
امي تبيني اتزوج وافرح ، وماأتحسس صح يوم كانت تجهيزات بنت خالتي والعام تجهز معها وسوالف عن الزواج حتى اخواتي المتزوجات صارو يجهزون معها صحيح ودي اني اكون في نفس وضعها واجرب شعورها
بس عادي الحمد لله بالعكس كنت فرحانة لبنت خالتي لبا قلبها حتى كنت اسولف معها واعلمها عن الاسواق وايش تشتري
بس انا يابنات ابي حل
ودي ابين اني مو مهتمة لما احد يسولف بالزواج والشوفة الشرعية وان وحده انرفضت (لاني انا انرفضت ).. ووضح انه عادي ،وما انحرج
عاد انا اطنش ابين مو هامني بس احيانا اتحسس من الكلمة
يعني انا الحين طايحة بالسوالف مع اختي اقول عندنا وحده متزوجة في الجامعة وحامل
ولا اقول سوالف من عالم حواء قصصكم مع الشوفة الشرعية ، يعني اعلمها ان الموضوع ايزي عندي ومو مهتمة
انا الحمد لله اهلي مو مقصرين علي يارب لك الحمد
وادرس جامعة
دعواتكم الله يخليكم
معليش بنات كلامي ملخبط يوم جيت اكتب ماعرفت اكتب شي ، ولا اللي في القلب اكثر من الكلام
يمكن ارجع لكم ويكون طلع الكلام هههههه
في حفظ الله؛؛؛؛؛؛؛؛؛؛؛؛؛؛؛؛؛؛؛
يلزم عليك تسجيل الدخول أولًا لكتابة تعليق.
صدقيني هم يقولون لك كذا مو لأجل أنهم يبون الفكه ولا شي هم خايفين تعنسين مع إن هالتفكير خااطئ لأن أنسب عمر للزواج من العشرين وفوق واللحين ترا الأغلب صارو ينخطبون من 22 وانتي صاعده يعني نصيبك جاي جاي بأذن الله
أمــآ يوم يقولون لك متى بتعرسين قولي وقت ماربي أرآد لو بكرا يريد الله بتزوج محد خصه
أمــآ يوم يقولون لك متى بتعرسين قولي وقت ماربي أرآد لو بكرا يريد الله بتزوج محد خصه
والله ماعندي شي اقوله بس اللي اشوفه انك لسا يعني مو كبيره الله يحقق لك اللي تتمنين ويكون نصيبك احلى نصيب
الصفحة الأخيرة
والمرحله هذي مرينا فيها غالبآ وبكل صدق يكونوا الاهل قصدهم متى نفرح فيك
بس المشكله احيانآ في الاسلوب