الأخت برتقال و برتقال ..

أولا احمدي ربك على وضعك ..الأمر لا يستلزم كل هذا القلق ..فمن الطبيعي أنه و بعد مضي أربع سنوات و أنت في كنف جدتك ..ترضعين من حنانها ..وتفتحين عينيك كل يوم على وجهها ..إنك تحسين أنها هي أمك و كل شيء بحياتك..وبكذا خلاص صاروا هم أهلك ..و الأم على ما قال المثل الي ربت مو اللي حملت و ولدت ، و يكون بعلمك الأشخاص اللي تم استبدالهم عن طريق الخطأ أثناء تسليم المواليد للأمهات بوقت الولادة يسوون لهم برنامج تأهيل شامل قد يصل لمدة سنة كاملة تحت إشراف أطباء نفسيين ، قبل يروحون لأهلهم الأصليين فالشعور اللي تحسين به شيء عادي ..
لكن الشيء اللي مو عادي إن هالشعور مستمر معاك إلى الحين ، المفروض ما كملت حياتك عند جدتك ، المفروض قعدت عند أمك يوم رجعت من أمريكا ، سنة و سنتين راح تحسين بشعور غير مريح لكن مع الاستمرار و انت عايشة بين أمك و أبوك و أخوانك راح تندمجين معاهم ..

وما دام جلوسك كل حياتك عند جدتك راح و خلاص ما في أمل يرجع ، حاولي أنك الآن تكثفين على نفسك زيارات لأمك و أخوانك ..وصدقيني مهما يكن هم الأهل و بس ، جدتك راح تروح و إن شاء الله بعد عمر طويل ..و خوالك و خالاتك راحيتزوجون و يلهون ، بس حاولي تقنعين عمرك إنك أهلك هم أهلك ، و حبذا لو تواصلت مع خبير أسرة يمكن يساعدك ..يعلمك وش الصعوبات اللي راح تواجهت ..
و الله يكون بعونك :)

طبيعي الحاله اللي تمرين بها لانش تربيتي معهم وهم اهلش في نظرش بس لاتكونين قاسيه على امش ,زوريها وطيبي خاطرها وحاولي تضغطين على نفسش لزوم بر امش الحقيقيه ..............الله يعينش ويقدرش على الخير

حاولي بكل ماتقدرين تبرين في امك
الله يعينك ان شاء الله على برها
الله يكون في عونك

طبيعي شعورك لكن الحين حاولي تكون علاقتك باأمك أكثر ..يكفي أحساسها ياعمري أنها مقصرة معك ...........

شعورك طبيعي..

وفهمي أمك إنك بالعكس ما تحسين بنقص..

ولا تعتبين عليها بشي..

وإن حياتك جداً رائعه..

وأكدي عليها إنك تحبينها مهما صار..