ترتيبات الملكه بحذافيرها

السلام عليكم ورحمة الله وبركاته

انا من زوار هالموقع من زمان

والحمدالله فتح التسجيل وسجلت وجاء في وقته

ياليت تساعدوني بنات

انا ملكتي باقي عليها 3 شهور

وفي حياتي ماحضرت ملكه ولاعمري سمعت عن كيف طريقتها او شلون الناس تسوي حفلاتها
ولاعندي اي فكرة

بالاساس احنا ملكاتنا خاصه جدا يعني العروس والعريس واهاليهم مافيه ابد معازيم

بس هالمرة امي قالت لازم نسوي ملكة صغنونه نجمع فيها الاقارب والصديقات
لان احتمال الزواج هو اللي يصير صغير مرة
الظروف حكمت علينا
وانا وحيده امي وابوي لا اخوان ولا خوات
ونفسها تزفني

بس انا ماعندي اي فكرة عن ترتيبات الملكه ؟
ولا كيف طريقتها؟
وهل فيها زفه؟
هل العروس تلبس ناعم او فستان ملكه بس فخم؟
هل تمسك بوكيه ورد؟
هل تنزف؟
متى تدخل ومتى تروح ومتى تجلس؟
متى يدخل زوجها عليها؟

مع العلم انه اول مرة يشوفني فيها

وللعلم الملكه بتصير في البيت

ياليت تساعدوني ولاتبخلون علي بأي شئ
وابي افكار حلوة وجديدة

انا افكر اقول اذا العروس في ملكتها
تنزف انا مستحيل انزف قدامه وهو اول مرة يشوفني احس اني بأدوخ واتشقلب وتنعفس الحفله

وفيه سؤال ثاني بس لاتضحكون علي ولاتعلمون احد اني سألتكم

وش الفرق بين الملكه والشبكه؟؟:42::42:

امانه لاتضحكون

ابي اعرف تراني والله ماعرف شئ

واذا لازم شريط زفه انقذوني بزفات حلوة تناسب هالمناسبه وتناسب كونها في بيت


ايه صح تذكرت عز الله اللي ناسيته بس امي ذكرتني الحين تقول لاتنسين تكتبينه

وش اقدم للضيووف :42: <<<<<< ماجابت خبرهم همها على نفسها

استحي اقدم شئ مكتوب فيه اسامينا هههههههههه
احسه بيقول وش هالمطفوقه ماصدقت على الله


انا بالخبر

يعني اللي تعرف محلات تقديم حلوة وغريبه لاتبخل علي

آه لو ان الملكه على الرجال والعرس علينا ياسلالالالالالالالالالام

كان ابسط في العرس لأني اعرف كيف ورحت اكثر من مرة لزواجات فخمه

المهم هذا اللي انكتب علي ان ملكتي تصير عامه بس طبعا المعازيم قليل

والعرس صغير

بنات ساعدوني حطوا في بالكم اني اول وحده بالعائلة الكريمه بطولها وعرضها تسوي ملكة عامه


شكررررررررررررررررررا لكم كلكم

وهذي لكل وحده فيكم:26::26:


عقبال ماقول ساعدوني في العرس ههههههههه<<<<<<< ماتنعطى وجه:42: