السلام عليكم ورحمة الله وبركاته
والله هذه ثالث مرة اعيد كتابة موضوعي ويروح علي
عندي كبت واحد والملابس كثييييرة ومحتاجة لكل فراغ فيها
كنت حاطة الشيلات برف لوحدها وماخذة فراغ كبير
قررت احطها مع الملابس الداخلية في الدرج
طبعا الكبت فيه درجين واحد منهم لي
قسمت الدرج بالفلين وتقدري تعمليه بالكرتون
ماشاء الله لاقوة الا بالله
اترككم مع الصور
هنا رتبت الشيلات على حسب احتياجي لهم وليس على حسب الالوان
وهنا عملت القواطع بالعرض للملابس الداخلية ولفيت الاندروير مثل الجرابات حتى لاتاخذ حيز كبير
وهذه النتيجة
تقدري توصلي لكل اللي تبينة بسهولة
اما لتسفيط الملابس وترتيبها
عجبني فولدر التسفيط الجاهز بس ما حصلته فعملته من الكرتون
75 سم بالعرض
25سم لليمين
25سم اليسار
25سم الوسط
والطول 72 سم
والقطعة الوسط نقسمها بالنصف يعني 36سم
وهذه صورة الكرتونة
حطيت البلوزة
هنا نطويها عن اليمين الله يجعلنا من اصحاب اليمين
وهنا عن الشمال
وهنا من الوسط ولفيناها
وهذه مجموعة شوفوا كيف مرتبة ومتساوية بالطول والعرض والسمك
337254
وهذه صورة جوية
انتهى بحمد الله
طبعا النتيجة النهائية الكبت يفتح النفس ماشاءالله تبارك الله
رتبت البلايز والبناطيل تحت الملابس المعلقة
والبشاكير وشراشف السرير في الرف اللي فوق كلهم نفس المقاس والترتيب
اذا عجبك موضوعي
لا تبخلي علي بدعوة ان الله يرزقني الذرية الصالحة في اقرب القريب يارب
اذا حبيتي تنقلي الموضوع على حسابك
ربي يسلم يدينك