السلام عليكم ورحمة الله وبركاته..
أخباركم خواتي بنات حواء؟؟
.
من سنة تقريبا صورتلكم نفس هالصور لترتيبي للبهارات.. وكيف أخزنها.. بس للأسف ضاعع الصور كلها لما اخترب جهازي... وهالسنة يوم حبيت أجدد البهارات تذكرت الصور القبلية وصورتلكم من جديد..
طبعا الفكرة ماعتقد جديد ع البعض.. بس بتفيد الخوات اللي مايعرفون هالطريقة..
ومن غير مريحة وايد..
بسم الله نبدأ....
أول شي نجهز علب أو قرش للبهارات..
هالنوع اللي عندي ماخذتنهم من هوم سنتر.. الأربع حبات ب12 درهم.. بس قبل كنت أخذهم الأربع من ايكيا ب 9 دراهم تقريبا.. وكلهم جودتهم عالية وتقريبا نفس الشكل..
أحب حجمهم لأني ما حطي كمية كبيرة.. تعرفون الحررررررر اللي عدنا.. يادوب تكون الكمية لفترة معينة ومن تخلص نرجع نغسلهم ونعبيهم مرة ثانية.. أحسن من العلب الكبيرة وتجيسهم الرطوبة أو العفن..
.
هنيه جهزت الاستكرات اللي بحطها على القرش.. وطبعا كل قرشة عليها أسم البهار عشان لا تتلخبط الخدامة ومن غير تحفظهم بلغتنا..
وبعدين ألصقهم على القرش بهالشكل..
.
هذي أكياس البهارات اللي أحتاجها.. خذتها طازجة من العطار.. هالمرة ماكثرت بس ربع كيلو تقريبا من الأغلبية.. قلت كل مايخلص المخزون بخذ غيره عشان لا أخزن وايد.. قبل كنت أخذ بالكيلو و أحطي منه لبيت أهلي يعني الكمية كثيرة تكون..
.
هذي الأكياس أحطي فيها الباقي من البهارات مع كتابة أسم البهار والتاريخ عشان أعرف بعدين شكثر كمل عندي..
.
هنيه بديت أعبي القرش.. طبعا فيه بهارات صحيحة وبهارات مطحونة..
والباقي أحطه في الأكياس في الفريزر..
.
هذا موضوعي.. أتـمنى ينال اعجابكم..
واللي عندها أي استفسار حياها الله..
.
جزاك الله خيرا وتسلم الايادي