السلام عليكم ورحمة الله وبركاته ...
يسعد مساء كل الحلوين .. ومروركم بموضوعي المتواضع شرف كبير لي الله يسعدكم ..
وهذي باقة ورد لكل من يشرفني بالمرور ..
طبعا ومثل ماهو واضح بالموضوع ..
أنا قبل كم من يوم قررت اني ارتب واعطر صندوق السجادات وشراشف الصلاة (الجلالات)
طبعا هي اصلا مرتبه من اول بس انا ابي اغير ريحتها لأن لي فتره ما عطرتها ..
وقمت شمرت عن ساعدي هههههههههه وبديت بالشغل ..
طبعا بالاول طلعتها من الصندوق وخليتها تقريبا يوم برى الصندوق وخليت الصندوق مفتوح عشان تشم هوى قبل ما احبسها خخخخخخ
وبعدها باليوم التالي بديت الشغل ..
طبعا مثل ما قلت لكم هي نظيفة من اول ومغسوله فما حبيت اغسلها كثير عشان تبقى الوانها حلوه وما تبهت من كثر الغسيل يعني لازم بالاول تتأكدين من نظافتها ..
طبعا هذي صورة الصندوق الي فيه السجادات
20110618647
ادري ممكن تقولون انه قديم وكذا بس امي تحبه مره وهو عندنا من 10 سنوات تقرببا والى الان الي يشوفه ما يصدق باااااااااقي جديييييييييييد كأن تونا شارينه وقبل كم يوم نزلت السوق والقاهم منزلين منه وااااجد قلت وانا على بالي انتهت موضته :hahaha:
وبعدين جبت المنشر وحطيت المجمر (المبخره) تحته بهالشكل طبعا لازم تختارين مبخر صغير عشان ما يحرق اطرافها وتجيبين العيد خخخخخخ
20110618646
وبعدين رتبت الشراشف والسجادات عليه بهالشكل
20110618648
ثم جبت علبه عطر جسم من نكتار فاضيه غسلتها مضبوط وحطيت جواتها عطر مركز التوت البري <<غني عن التعريف واضفت عليه مويه الى اقل من الربع تقريبا ما كثرت لأن الغرض منها اني ابي ابلل بها الشراشف والسجادات قبل عشان تثبت ريحة البخور اكثر وبديت ارش عليها من جميع الاتجاهات زين ما زين ..
ثم حطيت الصندوق مفتوح عليها عشان يتبخر بعد ما رشيته هو كمان زييييييييين
20110618649
ثم حطيت البخور وهو يبخر بديت ارش العطر عليها عشان يثبت اكثر مع ريحة البخور مثل ما انتم عارفين ..
و خرجت وقفلت الباب عليها وتركتها الين انتهى البخور يعني بعد ساعه تقريبا او اقل ..
بعدين جبت اكياس اورجينزا صغيره
20110618653
وحطيت جوتها كم حبه من بخور المعمول
20110618654
بلييييييييييييييز لا احد يرد بارجع اكمل ..
ايه تذكرت :)
وبعدين بديت اسفط السجادات واحط داخلها شرشفها بهالشكل ..
20110619659
طبعا ولا تنسين تعطينها رشة عطر كمان زيادة في التأكيد خخخخخخخخخخخ
وبعدين طويتها عادي بهالشكل ..
20110619661
وبعدين كملت الباقي كلها بنفس الطريقة ..
ورتبتها في الصندوق وحطيت بينها اكياس الاورجينزا عشان تعطيها ريحة حلوه ..
20110619662
واخيييييييييرا خلصت وها هو الصندوق مقفل ومستعد يروح ينرز بمكانه بكل فخر هههههههه
20110619665
واخيرا هذي عدتي الي استخدمتها ..
العلبة الفاضية الي فيها التوت البري + علية العطر حبيب قلبي (جوسي كوتور) + علبة البخور ..
ولا يهون المنشر والمبخره هههههههههههههههه
وممكن للي ما عندها منشر تحطها في علاقيات ملابس وتحطها في الدولاب وممكن تفضيه اول اذا ما كان يكفي او تخلي الملابس فيه وتعطرها معاه وتضرب عصفورين بحجر واحد خخخخخخخ
وتتبع نفس الخطوات وتقفل الدولاب عليها الى ان يخلص البخور ويثبت ..
وراح اقول لكم على الاشياء الي اخطيت فيها عشان ما توقعون فيها ..
المفروض ما تحطين المبخره تحت المنشر وبعدين ترشين المويه المعطره .. لييييه ؟؟
طبعا لأني يوم كنت ابخ اثاري الجمر طفي من المويه ههههههههههههه فاضطريت اني ارجع اولع من جديد وهذا اخذ مني زيادة في الوقت ...
وبس هذي الملاحظه الي مرت علي نقلتها لكم عشان تستفيدون ..
وممكن تجربين نفس الطريقة مع ملابسك او ملابس زوجك وعيالك ..
بعد ماتطلعينها من الغساله ةتحطينها على المنشر وهي لازالت رطبه حطي البخور تحتها ورشي العطر الي تبينه وشوفي الر يحه وشلون حلوه وثابته ..
لكن ترى ما يجوز تحطينها على ملابسك الي بتطلعين بها امام الرجال جربيها على ملابس البيت وملابس زوجك وعيالك الصغار ..
اللهم هل بلغت ؟؟ اللهم فاشهد ..
وبالنسبة للصناديق للي سألوا ..
ممكن تلاقينها في المحلات الي تهتم بالكماليات المنزليه .. او محلات الاثاث ..
او ممكن في بعض محلات التخفيضات الكبيره مثل يابلاش وغيرها ..
واتوقع انها ممكن تتكون موجوده في ايكيا والله اعلم ..
وطبعا فيه اشكال ثانيه غير هذا بس هذا امي تحبه ولا تبي تفرط فيه خصوصا انه لا زال جدييييييييد
فيه الان اشكال رووووووووعه خشب وديكوها مررره حلو ..
انا مره شفت واحد على شكل اريكه صغيره خشب والقاعده محشيه اسفنج وملبسه جلد ومعاها طقم علبة فاين وسطل زباله وانتوا بكرامه شكلها من جد روووووووووعه والي يشوفها ما يدري يحسب انها ديكور للغرفه وهي بالاصل صندوق ترفعين القاعده وتحطين السجادات والشراشف << اتمنى تكونوا فهمتوا علي ..
واخيرا ..
ابي ردودكم الحلوة وترى هذا اول موضوع لي بهالقسم فياليت القى منكم تفاعل ..
وأي سؤال انا جاهزة ..