ترتيب البيت واطفال !!وينكم يالسنعات 3

بالتوفيق

قومي بدري وقت الدوام وفطري زوجك واول مايطلع يبدا العمل حطي الملابس بالغساله وغسلي المواعين وبعدين الحمام وبعدها ارتاحي شوي بيجي وقت الغدا سوي الغدا لما يخلص روحي خوذيلك حمام شور واستعدي لاستقبال زوجك وبعدين قيلي شوي وبعدها مسح السيراميك وبعدها قهوة العصر وبعد اذان المغرب جهزي للعشاء وبس

أطفالك اكبر من السنتين اذاايه عوديهم يلمون حوستهم

الاكل خليه فوقت محدد الكل يكون متواجد على السفرة ياكل
والشبس والعصيرات .... وقت ماتشربون الشاهي جيبي شبس وعصير لهم وياكلون وهم جالسين ووقت ماتشربون قهوتكم جيبي البسكوتات تبعهم ياكلون وخلاص ارفعيها بعيد عنهم احسن لصحتهم وماينحاس البيت وممكن لوكانوا صاحين فالصباح تسوين لهم سلطة خضار او فواكه ياكلون وهم يتفرجون فالتلفزيون اهم شي لايراكضون وهم ياكلون لان هذا اساس الحوسة

الالعاب شيليها وخلي شوي بس وعوديهم يلمون بعد مايخلصون وشجعيهم على كذا واذا ملو منها شيليها ونزلي غيرها

دولاب الملابس انتي خرجي الملابس منه لاتسمحين لهم يخرجونها لان بيحوسونها

الله يكون بعونك
لازم تتعودوا تقعدوا بمكان واحد يعني يكون فيه التلفزيون و قعدتكم و اكلكم فيه

لو بيتك دورين خلي جلستكم تحت بالصالة و عودوا انفسكم ما تروحون فوق الا وقت النوم بكذا يضل المكان نظيف

عودي الاطفال ما يرمون شي على الارض

حددي يوم للغسيل يوم للكوي و خلي دايما لبس مكوي و جاهز احتياط للدوامات لزوجك او للاطفال الي يروحوا المدرسة عشان ما تنزنقي

بالليل لما تدخلي تجهزي العشا رتبي لوازم الفطور مثلا الصحون الاكواب و ممكن تجهزي شغلات للفطور مثلا فول تجهزيه ترفعيه بالثلاجة سندويشات الجبنة و اللبنة بالزعتر و الصبح على الشواية جهزي الخبز بالسلة ...



الوجبات الي تتقدم العصر خليها في الغالب فواكه منها انها صحية و منها انها ما تاخذ وقت للتجهيز

تفنني في التفريز ...لان الطبخ ياخذ وقت فانتي شوفي الي تقدرين تفرزنينه و بكذا بيخف عليكي الشغل كثيير و بالمرة و انتي تجهزي الغدا جهزي العشا مرة وحدة و ارتاحي و بعدها اتروشي و اكشخي

تذكرت وحدة من صديقاتي الله يذكرها بالخير تقوم من فجر و بس يخلص زوجها و أولادها من الفطور على طول تنطلق تنظيف للبيت طبعا مو كل البيت بس الاماكن الي تحتاج تنظيف يومي بس الطابق الي تحت لان جلستهم فيه من تنظيف سيراميك و حمامات و انتوا بكرامة بعدها على المطبخ و اصلا تكون مفرزنة اشياء للطبخات و بالمرة تحضر العشا و بعدها تتروش و تكشخ و بعدها يبقى عليها الكوي
و اليوم الي يكون عليها غسيل ملابس تعمل وجبة الغدا شي بسيط ما ياخذ وقت

و هنا بينفعك الجدول كثيييير بحيث انك ما تزحمين جدولك في نفس اليوم بشغلات كثيييرة و سبحان الله صديقتي الي قلت لك عنها قدرت بالتنظيم مو بس انها تلحق شغل البيت لاااااااااااااا في نفس الوقت كانت تطبخ و تبيع

الاطفال خليهم يساعدونك منها يتعلمون الترتيب ومنها يعرفون قيمة المكان نظيف لانهم تعبو في تنظيفه فيعز عليهم يوصخونه
مثلا عطي واحد كيس يجمع المناديل والاشياء اللي للزبالة اوراق اي شي
واحد معاه صندوق يجمع الالعاب
واحد تعطينه الاشياء بالدور يوديها اماكنها خذ هذا وده المطبخ هذا وده الحمام كذا يعني

الملابس لا يحوسونها انتي طلعي لهم وخلي الغسيل كل يوم شخص يوم ملابسك يوم زوجك يوم العيال او نصهم مو كل الغسيل بيوم واحد يتعب في التجفيف والتصفيط

الكنس يوميا لانه في اطفال بس المسح متى ما شفتي السيراميك توصخ

الاكل حاولي تخططين من اليوم اللي قبل وش بتطبخين ووقت الطبخ اي شي تخلصين منه عالغسالة على طول لا تحطينه بالمغسة بعدين تعبين الغسالة
قبل الطبخ فرغيها ووقت الطبخ عبيها

لا تنسين اذكار التسبيح قبل النوم