اول شيء اختيار الالوان من خزانات وسيراميك
راح نبدأ بالأشياء الكبيره وهي الخزانات اذا حسيتي ان الاشياء داخلها متكدسه وفوق بعضها البعض اول شيء طلعي الاغراض كلها وقسمي الخزانات ..اولا مكان للصحون اللي تستخدم يوميا ورتبيها بالاحجام وبعدين بالاشكال المتشابهه ..واذا كان مطبخج صغير والخزاين ما تكفي ممكن تركبين ارفف .
الصحون المستخدمه في المناسبات خزنيها بمكان آخر وغلفيها اما بورق جرائد او بمغلفات خاصه ممكن تلاقينها في المحلات الكبرى
اكواب الحليب والقهوه ..
حل بسيط ورائع وجدا عملي ورخيص وهي علاقة الاكواب ومتوفره في اغلب المحلات وباسعار جدا مناسب.منها الخشبي ومنها المعدن
او اللي تتعلق بالخزاين فوفر لكي مكان فيها
ملاعق الغرف والطبخ تكون قريبه من الفرن سواء داخل الادراج او معلقه ..في الادراج افصليهم عن بعض الملاعق عن السكاكين عن الشوك او اي اغراض ثانيه بسلال صغيره بحجم الملاعق او افصلي بينهم ب حواجز خشبيه وصمغيها بالصمغ الخاص بالخشب
وممكن تلاقين الحواجز جاهزه منها البلاستيك ومنها الخشب في المحلات الكبيره
ترتيب البهارات والمواد الزجاجيه ...ممكن تلاقين هالنوعيه من الالتعليقات اللي تلصقينها بالخزائن او تثبت بالمسامين بطريقه مرتبه ..
مع تطور طرق تخزين البهارات وكثرتها لك الخيار سيدتي باختيار ما تريدين وهذه بعض الاشكال المتداوله بالاسوق وايضا يفضل ان تكون بالقرب من مكان الطبخ
الكلينكس والالومنيوم وابلاستيك الرول ...لهم حاملات خاصه وباشكال متنوعه ..واذا حابه تعطين للمطبخ لمسه ديكوريه اختاري للمناشف والعازلات الفرنيه لون موحد و يناسب لون مطبخج
ممكن تثبت على الجدار ..
وممكن تكون لها حاملات خاصه باشكال جميله تعطي ديكور رائع للمطبخ ..
ومنها ممكن يتثبت داخل الخزاي
حاملات الصحون اللي تستخدم جنب المجلى لتنشيف الصحون
وهكذا تحصلين على مطبخ احلامج ..واذا اي اخت عندها اضافات فمن دواعي سروري لو تحطها لنا في الموضوع