فتافيت سكرنت
•
مشكووووووووورين على المعلومات
مشكووووووووووووووووووووورينمشكووووووووووووووووووووورين
بسم الله الرحمن الرحيم
والسلام عليكم :
انا صحيح جديدا ع المنتدى وما جربت اكتب قبل ف منتديات مشاركات بس ححاول اركز وكتوب كويس والله يعينكم احم احم.
انا اول كانت تحوسني الداخليات واتعقد لاني ماحب اشوفها هيا بالذات منكوشة من بين الملابس لانها قطع صغيرة وكتيرة و بسرعة تتخربط فعملت كالتالي وانشالله برضو ارفق الصور حسب التسلسل الرقمي التالي يعني صورة واحد صورة اتنين ...الخ خخخخخخخ ربي يرجكم ذكرتوني بالدراسة والابحاث. احسن شي يكون عندك خزانة كبيرة في غرفة النوم من النوع الي خزنة كبيرة فوق
و ادراج سحب افقية تحتها صورة 1 لان دا الشكل بيساعدك كتير في ترتيب الملابس الداخلية و يوفر عليك الوقت والمكان. وبالنسبة ليا انا عشان حارفق الصور فخزانتي فيها درج كبير فوق ببابين و اربعة ادراج سحب عرضية صغيرة تحتو بالزبط. وأنا وعذرا للاحراج حاكون صريحة في ترتيبها حسب الاولوية و النوعية والحاجة للاستخدام لاني حسيت الطريقة دي ناسبتني مرا واستمريت عليها بعد كذا محاولة لترتيب الملابس الداخلية وملابس النوم لحد ما ارتحت عليها وحسيت اني ترتبت:
وانشالله ان الصور تطلع لاني مجربت عمري ارفق صور في منتدى زي دا يعني ماعرف حينفع ولا لا ؟!!
1- في الدرج الكبير اول واحد الي فوق مساحتو كبيرة ولو بابين (صورة 1-1) فاستغلو كالآتي :
أ-في صندوقين معطرة ارضيتهم: احط في الصندوق الاول وهوا على شكل قلب في الصورة 2الحراير و الدنتيلات الصغيرة من الملابس الداخلية سواء كانت كلوتات منفصلة او نفس طقم مع السنتيان او الكولونات و الشراريب الخفيفة الي بتضيع و تتسفط و تنكمش و تنّكش فانا مرتبتها ف صندوق لانها بصراحة تعقدني ف الترتيب والتجميع .
و الصندوق التاني احط في الحراير الي اطقم صغيرة و الحركتات والجلديات الي بتلبسيها لزوجك عادة اوتحت قمصان النوم وقمصان القصيرة ويكون مكانها فوق اكبر عشان حجم الصندوق ولانها اكتر و تحتاج لكوي وتسفيط تمام. وانا احس انو حتى كدا احسن يكون فيه خصوصية لما احد يفتح درجك يعني من المقربين او لاي ظرف نفاس متلا خخخخخ او حتى تجيب الشغالة حاجة تكون اشيائك وملابسك الخاصة ف صندوق محد يشوفها ولا يدري عنها. وكمان ف الصندوق ترتبيها ف مجموعات: الكلوتات والسنتيانات ع جنب والقمصان الصغيرة ع جنب ( صورة 3 ).
ب- قمصان النوم الكبيرة والبجايم وترنقات الرياضة الي يكون حجمها اكبر واطول وتكون قطنية او متحتاج تعليق بعد الكوي فانا ارتبها بشكل عادي تسفيط بجنب الصناديق تبع داخليات الحراير عشان المساحة اكبر صورة 4 و 5. مع العلم احيانا انها تتغير لاني اشيل قمصان النوم الكبيرة الصيفية واحطها في المخزن واغيرها بالصوفيات والبجايم والملابس التقيلة والشالات في فصل الشتاء والمساحة مشالله بتكفيها.
و بكدا اكون استفدت من المساحة الي موجودة بنفس الخزانة لانك لو حطيتي الداخليات الحراير الصغيرة الي بالصندوق جنبهم ما حتقدري تفصلي بينهم حيسيحوا ويجوا ع بعض , فهنا فكرة الصندوق= عين العقل تريحك ( صورة 6 ).
2-في اول درج سحب افقي الي يكون تحت الدرج الكبير الي فوق: أضع القطنيات الداخلية الصغيرة بس, زي الكلوتات والسنتيانات اليومية. وتكون قريبة عشان الاستخدام اليومي وما احط معاها اي شي تاني لانها كتيرة وصغيرة وبسرعة تنحاس. وايضا لان مكانها درج طولي صغير و محدود ما يحتمل تحطي معاه شي تاني وكدا احسن عشان تعرفي ترتبيها اول باول وتحتاجي منها اي شي اول باول. واحرصي انك تفصلي متلا الكلوتات الي بتلبسيها للعمل والي لطلعة والي للبيت ترتبيهم كل شي مع بعض. كمان زي مثلا كلوتات الدورة الله يكرمكم يكون لونها اسود او تكون "ديسبوسبل" من النوعية الي تلبسيها مرا وترميها تفصليها على حدة. و بالنسبة للسنتيان ترتبي حقت الطلعات و حقت النوم والراحة في البيت متلا كل على حدة. دا بالنسبة للدرج الاول, فقط القطنيات الكلوتات والسنتيانات للاستخدام المتكرر. حتقولي كيف تفصليهم؟ بانك ترتبيهم في مجموعات في نفس الدرج وفيه ناس يحطوهم في علب او اكياس بس احسها فكرة مو عملية خاصة يوميا ( صورة 7 ).
3-ف تاني درج من الادراج الافقية : وضعت الملابس الداخلية كالمشدات والبناطيل الستريتش او الدنتيل البرمودا والشلحة النص الي تضطري تلبسيها احيانا انا حطيت ليها درج ايضا منفصل. ايضا بالنسبة للطرح والنقابات والاشربات والحجابات انا صنفتها مع الملابس الداخلية برضو رتبتها في نفس الدرج ودا ريحني كتير لانها حراير و صغيرة فرتبت النقابات مع بعض والحجابات الملونة والاشاربات مع بعض والطرح مع بعض ( صورة 8 ).
4- تالت درج: وضعت البديهات الي متحتاج تعليق بعد الكي لانها برضو صغيرة ف حجمها وكتيرة فانا ارتبها ايضا لوحدها كما هو موضح.( صورة 9 ).
ملحوظة: بالنسبة للشراريب ، الي تحبها خخخخخخ زيي ومن هواة جمعها ههههه فانا تركت لها اخر درج صغير في الكومدينا الي ع جنب سرير النوم من نفس جهة المكان الي انام فيه ( صورة 10 ). لاني بعد ماتوضا واوتر او قبل النوم البسها مباشرة كروتين يومي وانام و رجولك تصبح زي الحرير. طبعا في نفس الدرج انا حاطة علبة جليسوليد كبيرة اكبر حجم اخلطها يبنات مع حبتين ليمون وكل يوم احط على رجولي منها قبل مالبس الشراب و الصبح اغسلها بتديكي نعومة متحتاجي ولا منعمات للقدمين ولاشي و جربوها وواضبوا عليها اقل شي اسبوعين وحتدعوا لي. ونا افضل ديما تواضبوا عليها لانها عن جد متخلي رجولك تحتاج لاي منتجات انتي في غنا عنها و ممكن تستغلي ميزانيتها فحجات تانية لدرجة انا اروح للبدي كير بس بارتب اظافري مشالله تقولي الي هناكا مدام انتي رجولك مرا ناعم ! ليه تيجي انا مافي سوي كتير شغل. ع فكرة دي التجربة ماخدتها من ابويا كان كل ليلة يحب نمرخ رجليه بالجليسوليد والليمون ونلبسو الشراب الله يديه الصحة والعافية يا رب وحتى مرة اخويا تقولو وي! شوف ابوك رجليه انعم منك تقول بيبي هههههههه! اللهم بارك.
الظاهر انا باكمل الترتيب تبعي و بدي اكمل لكم اخر شي و هيا الكومدينا الي ع جنب السرير الصغيرة فانا مخصصة وحدة ليا و حدة لزوجي ( صورة 11 ):
الدرج الاخراني للشراريب زي ما قلت لكم .
اني وي صبايا , دي هيا طريقتي وامكن كل شخص عندو طريقة تريحو اكتر بس حبيت افيدكم ونتبادل التجارب ولا كيف؟؟
طبعا انا قلت الاشياء الرئيسية بالنسبة للترتيب وفيه ادراج تانية زي تبعة الاكسسوارات و المستحضرات والمناشف والبومات الصور والخ ... بس خلونا ع ادراج الملابس الداخلية الي فتحت السيرة. و بصراحة بنات اذا عندكم افكار عن ترتيب هالاشيا يا ريت تفيدوني خاصة الميك اب تههيء:09: انا جبت انواع اكسسوارات المكياج عشان ارتبو بس لسا احسو ينحاس بسرعة ماحب احططو في درج واحب يكون عالتسريحة موجود في الشنطة المفتوحة تبعتو بس بصراحة كل يوم بيغا لو ترتيب بمجرد تتزبطي تنحاس الشنطة وتتغير اشياء و تنحط و يتخربط شكلها!!!!!:(
اتمنى انكم استفدتو لاني طولت عليكم جدا وسوري جدا لاغلاط الهمزة الاملائية بس لا تدققوا مافيا اضغط شفت و همزة كل ثانية و يارب بالتوفيق للجميع.
والسلام عليكم :
انا صحيح جديدا ع المنتدى وما جربت اكتب قبل ف منتديات مشاركات بس ححاول اركز وكتوب كويس والله يعينكم احم احم.
انا اول كانت تحوسني الداخليات واتعقد لاني ماحب اشوفها هيا بالذات منكوشة من بين الملابس لانها قطع صغيرة وكتيرة و بسرعة تتخربط فعملت كالتالي وانشالله برضو ارفق الصور حسب التسلسل الرقمي التالي يعني صورة واحد صورة اتنين ...الخ خخخخخخخ ربي يرجكم ذكرتوني بالدراسة والابحاث. احسن شي يكون عندك خزانة كبيرة في غرفة النوم من النوع الي خزنة كبيرة فوق
و ادراج سحب افقية تحتها صورة 1 لان دا الشكل بيساعدك كتير في ترتيب الملابس الداخلية و يوفر عليك الوقت والمكان. وبالنسبة ليا انا عشان حارفق الصور فخزانتي فيها درج كبير فوق ببابين و اربعة ادراج سحب عرضية صغيرة تحتو بالزبط. وأنا وعذرا للاحراج حاكون صريحة في ترتيبها حسب الاولوية و النوعية والحاجة للاستخدام لاني حسيت الطريقة دي ناسبتني مرا واستمريت عليها بعد كذا محاولة لترتيب الملابس الداخلية وملابس النوم لحد ما ارتحت عليها وحسيت اني ترتبت:
وانشالله ان الصور تطلع لاني مجربت عمري ارفق صور في منتدى زي دا يعني ماعرف حينفع ولا لا ؟!!
1- في الدرج الكبير اول واحد الي فوق مساحتو كبيرة ولو بابين (صورة 1-1) فاستغلو كالآتي :
أ-في صندوقين معطرة ارضيتهم: احط في الصندوق الاول وهوا على شكل قلب في الصورة 2الحراير و الدنتيلات الصغيرة من الملابس الداخلية سواء كانت كلوتات منفصلة او نفس طقم مع السنتيان او الكولونات و الشراريب الخفيفة الي بتضيع و تتسفط و تنكمش و تنّكش فانا مرتبتها ف صندوق لانها بصراحة تعقدني ف الترتيب والتجميع .
و الصندوق التاني احط في الحراير الي اطقم صغيرة و الحركتات والجلديات الي بتلبسيها لزوجك عادة اوتحت قمصان النوم وقمصان القصيرة ويكون مكانها فوق اكبر عشان حجم الصندوق ولانها اكتر و تحتاج لكوي وتسفيط تمام. وانا احس انو حتى كدا احسن يكون فيه خصوصية لما احد يفتح درجك يعني من المقربين او لاي ظرف نفاس متلا خخخخخ او حتى تجيب الشغالة حاجة تكون اشيائك وملابسك الخاصة ف صندوق محد يشوفها ولا يدري عنها. وكمان ف الصندوق ترتبيها ف مجموعات: الكلوتات والسنتيانات ع جنب والقمصان الصغيرة ع جنب ( صورة 3 ).
ب- قمصان النوم الكبيرة والبجايم وترنقات الرياضة الي يكون حجمها اكبر واطول وتكون قطنية او متحتاج تعليق بعد الكوي فانا ارتبها بشكل عادي تسفيط بجنب الصناديق تبع داخليات الحراير عشان المساحة اكبر صورة 4 و 5. مع العلم احيانا انها تتغير لاني اشيل قمصان النوم الكبيرة الصيفية واحطها في المخزن واغيرها بالصوفيات والبجايم والملابس التقيلة والشالات في فصل الشتاء والمساحة مشالله بتكفيها.
و بكدا اكون استفدت من المساحة الي موجودة بنفس الخزانة لانك لو حطيتي الداخليات الحراير الصغيرة الي بالصندوق جنبهم ما حتقدري تفصلي بينهم حيسيحوا ويجوا ع بعض , فهنا فكرة الصندوق= عين العقل تريحك ( صورة 6 ).
2-في اول درج سحب افقي الي يكون تحت الدرج الكبير الي فوق: أضع القطنيات الداخلية الصغيرة بس, زي الكلوتات والسنتيانات اليومية. وتكون قريبة عشان الاستخدام اليومي وما احط معاها اي شي تاني لانها كتيرة وصغيرة وبسرعة تنحاس. وايضا لان مكانها درج طولي صغير و محدود ما يحتمل تحطي معاه شي تاني وكدا احسن عشان تعرفي ترتبيها اول باول وتحتاجي منها اي شي اول باول. واحرصي انك تفصلي متلا الكلوتات الي بتلبسيها للعمل والي لطلعة والي للبيت ترتبيهم كل شي مع بعض. كمان زي مثلا كلوتات الدورة الله يكرمكم يكون لونها اسود او تكون "ديسبوسبل" من النوعية الي تلبسيها مرا وترميها تفصليها على حدة. و بالنسبة للسنتيان ترتبي حقت الطلعات و حقت النوم والراحة في البيت متلا كل على حدة. دا بالنسبة للدرج الاول, فقط القطنيات الكلوتات والسنتيانات للاستخدام المتكرر. حتقولي كيف تفصليهم؟ بانك ترتبيهم في مجموعات في نفس الدرج وفيه ناس يحطوهم في علب او اكياس بس احسها فكرة مو عملية خاصة يوميا ( صورة 7 ).
3-ف تاني درج من الادراج الافقية : وضعت الملابس الداخلية كالمشدات والبناطيل الستريتش او الدنتيل البرمودا والشلحة النص الي تضطري تلبسيها احيانا انا حطيت ليها درج ايضا منفصل. ايضا بالنسبة للطرح والنقابات والاشربات والحجابات انا صنفتها مع الملابس الداخلية برضو رتبتها في نفس الدرج ودا ريحني كتير لانها حراير و صغيرة فرتبت النقابات مع بعض والحجابات الملونة والاشاربات مع بعض والطرح مع بعض ( صورة 8 ).
4- تالت درج: وضعت البديهات الي متحتاج تعليق بعد الكي لانها برضو صغيرة ف حجمها وكتيرة فانا ارتبها ايضا لوحدها كما هو موضح.( صورة 9 ).
ملحوظة: بالنسبة للشراريب ، الي تحبها خخخخخخ زيي ومن هواة جمعها ههههه فانا تركت لها اخر درج صغير في الكومدينا الي ع جنب سرير النوم من نفس جهة المكان الي انام فيه ( صورة 10 ). لاني بعد ماتوضا واوتر او قبل النوم البسها مباشرة كروتين يومي وانام و رجولك تصبح زي الحرير. طبعا في نفس الدرج انا حاطة علبة جليسوليد كبيرة اكبر حجم اخلطها يبنات مع حبتين ليمون وكل يوم احط على رجولي منها قبل مالبس الشراب و الصبح اغسلها بتديكي نعومة متحتاجي ولا منعمات للقدمين ولاشي و جربوها وواضبوا عليها اقل شي اسبوعين وحتدعوا لي. ونا افضل ديما تواضبوا عليها لانها عن جد متخلي رجولك تحتاج لاي منتجات انتي في غنا عنها و ممكن تستغلي ميزانيتها فحجات تانية لدرجة انا اروح للبدي كير بس بارتب اظافري مشالله تقولي الي هناكا مدام انتي رجولك مرا ناعم ! ليه تيجي انا مافي سوي كتير شغل. ع فكرة دي التجربة ماخدتها من ابويا كان كل ليلة يحب نمرخ رجليه بالجليسوليد والليمون ونلبسو الشراب الله يديه الصحة والعافية يا رب وحتى مرة اخويا تقولو وي! شوف ابوك رجليه انعم منك تقول بيبي هههههههه! اللهم بارك.
الظاهر انا باكمل الترتيب تبعي و بدي اكمل لكم اخر شي و هيا الكومدينا الي ع جنب السرير الصغيرة فانا مخصصة وحدة ليا و حدة لزوجي ( صورة 11 ):
الدرج الاخراني للشراريب زي ما قلت لكم .
اني وي صبايا , دي هيا طريقتي وامكن كل شخص عندو طريقة تريحو اكتر بس حبيت افيدكم ونتبادل التجارب ولا كيف؟؟
طبعا انا قلت الاشياء الرئيسية بالنسبة للترتيب وفيه ادراج تانية زي تبعة الاكسسوارات و المستحضرات والمناشف والبومات الصور والخ ... بس خلونا ع ادراج الملابس الداخلية الي فتحت السيرة. و بصراحة بنات اذا عندكم افكار عن ترتيب هالاشيا يا ريت تفيدوني خاصة الميك اب تههيء:09: انا جبت انواع اكسسوارات المكياج عشان ارتبو بس لسا احسو ينحاس بسرعة ماحب احططو في درج واحب يكون عالتسريحة موجود في الشنطة المفتوحة تبعتو بس بصراحة كل يوم بيغا لو ترتيب بمجرد تتزبطي تنحاس الشنطة وتتغير اشياء و تنحط و يتخربط شكلها!!!!!:(
اتمنى انكم استفدتو لاني طولت عليكم جدا وسوري جدا لاغلاط الهمزة الاملائية بس لا تدققوا مافيا اضغط شفت و همزة كل ثانية و يارب بالتوفيق للجميع.
الصفحة الأخيرة