السلام عليكم ورحمة الله وبركاته
حبيباتي ...
كل واحده مننا تفكر تسافر ... سواء لاهلها ..او للسياحه ...
بس ترتيب الشنطه يورقنا كلنا ومانعرف اش ناخذ ووش نخلي ,,,,:icon30:
بس بببدا انا واقلكم كيف ارتب وان شاء الله كلنا نستفيد ..
اولا الشنطه الكبيره تكون لي احط ملابس العزايم كل لبسه مع بعضها
وبعدين احط القمصان حقت البيت واحط الانجري بكيس لحاله
والاكسسوارات بعلبه مقسمه ثلاث طبقات الذهبي في طبقه والفضي بالثانيه والملونه بالثالثه
والمكياج بشنطه صغيره احطها بنفس شنطة الملابس ..والاستشوار بكيسته مع امشاطه
والكريمات بشنطه صغيره ...والعطوووووووووووووووور حوسه ما اعرف ياليت اللي عندها فكره تقولنا
وعيالي ملابسهم بشنطه الوسط هم اثنين فما فيه اغراض كثيره وجزمهم كل واحده بكيس وفوق الملابس والاحزمه بمكان بالشنطه والشرابات في السحاب الشفاف الي قبالي اول ما افتح الشنطه عشان تكون واضحه جميع الالوان قدامي
واحط لكل واحد عطر بشنطه صغيره واحط معاها مقص الاظافر والكريم المرطب وكريم واقي للشمس خاص بالاطفال والمشط والنظارات الشمسيه ..والساعات ..
وبس هذا ترتيبي اذا نسيت شي ان شاء الله اتذكره ..
وانتوا كيف تجهيزاتكم
ويارب يديم علينا الصحه والعافيه والستر والامن والامان
درة الكون11 @dr_alkon11
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
مثلاً: الجزم آخذ واحد للطلعة وواحد سبورت وواحد ألبسه في السفر، أحاول آخذ الملابس اللي تنفع لهم نفس الجزمة ، أو جزمة لونها محايد تنفع لأغلب ملابسي
والاكسسوار يكفي الفضي والذهبي لأنها تنفع مع كل الملابس تقريبا
والملابس: أحاول آخذ بلوزتين لنفس التنورة وهكذا
أهم شئ ماتكون الأغراض وكأننا بنقل من البيت !!
تكون أغراضنا:
شنطتي + شنطة أطفالي + شنطة زوجي + شنطة أطفالي الصغيرة
1- شنطتي تحتوي كل أغراضي: ملابس وداخليات ، والجزم بكيس داخل الشنطة ، والمكياج اللي أحتاجه فقط بشنطة مكياج صغيرة داخل الشنطة ، والشرابات بالسحاب ، وفوطة استحمام وعباية
وحقيبة اليد تكون كبيرة شوي ومناسبة لجميع الطلعات يكون فيها : عطر واحد وكريم للأيدي ونوتة وقلم وروج وكحل وبوك وشاحن ومزيل عرق وأي شئ مهم
2- شنطة أطفالي: فيها ملاابسهم وفوطة وحده تكفي والبامبرز والحليب والسريلاك ، وبالسحاب الجزم والشرابات ، وبالصيف أحب الصنادل عشان أحذف سالفة الشرابات ، وشنطة صغيرة فيها مشط وكريم وبُكل تكون داخل الشنطة
3- شنطة صغيرة لأطفالي فيها غيار واحد لكل واحد وبامبرز ورضاعة وماء حليب وفوطة صغيرة ومناديل مبللة وكريم صغير وعطرهم
والحمد لله
وبكذا تكون الأغراض مرتبة لا أكياس مربطة ولا حوسة :26: