(( هذا الموضوع كتبته في قسم المغتربات بداية ، ولكني آحببت آن آشارككن فيه هنا بما آنه القسم الآصل للترتيب والتنظيم وما شا الله من آروع الأقسام وأجملها في نظري ))
بسم الله نبدء ..
إلي فتره مزعوجه من الفوضى اللي عم يعملوها الولاد ...
يعني شنتايتي فيها فوضى ، السياره فيها فوضى ، خزانه كتب الاولاد ومستلزمات المدرسه فيها فوضى ...
لما بدي قلم رصاص ما بلاقي الآقلام المرتبين تبعي ، دائما بياخدوهم ولادي ...
المهم ..
قررت آنو نظم الأغراض الخاصه فيني ، بحيث آنو أشعر بالرضا وبالسرور وبالإنتعاش لما لاقي غراضي الشخصيه مرتبة ومنظمة ..
ولذلك صاحبتكم ما كذبت خبر .. ورحت جبت شنطة اليد تبعي و عملت هالتقرير المصور ...
يلى باسم الله ..
هي الشنطة من برا .. حلوه ما بها شي
مشكلتها انو كبيره من جوا ، ومالها تقسيم ...لذلك لما بفتحها بدي شغله بغوص وبضل بدور ساعه للاقي اللي بدي ياه .. ولو كان موبايلي عم يرن ، طبعا ما بلاقيه لحتى تخلص المكالمه ، وياما راجعه عالبيت مفكره حالي نسيانه الموبايل ، بالقيه بشنتايتي ...
معلش لا تضحكوا عليي ..
وهي البلاوي اللي جوا .. مو باينين مظبوط
البركه بابني الصغير الله يحميه ، بياخدها وبيقلبها فوقاني تحتاني خلال ثواني ..
هون قلبتها كلها عالآرض ... وشوفوا شو طلع ...
سيارات صغار لابني الصغير ومصاصة ومسبحه ونظارات شمسيه وفوتير وام آند إمز ومشط وشوكه مغلفة <<< :35:، وساعتي بدها تصليح ، عم استنى لروح عالمول شي مره ...تلوين مشان اميرجنسي لو اشتغل زمور الخطر شي مره ...ههههههههه
المهم ... بلشت بتنظيف الشنته من جوا وبرا بالوايبز اللي معي ... وطلعت عم تبرق ...
فرزت الغراض اللي جوا ... واستعملت شناتي صغيره عطونا ياهم بالطياره التركيه لما سافرنا معهم ..
هدول ما كتير عجبوني .. لآن ما بعرف شوفي بقلبهم لحتى افتحهم ... بدي جيب شي شفاف أسهل ...
بس مشيت الشغل فيهم ...
فرزت أغراض ابني الآكله الطيبه تبعه والآقلام الملونه والسياره " آهم شي " ...وحطيتهم مع بعض
حطيت غراضي الشخصيه مع بعض .. المسبحه والعلكه << هههه لوقت الزفقة ، والساعه تبعي و
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 2048x1536.
فرزت الفواتير وكبيت القديم << وتعجبت قديش الواحد عم يصرف مصاري " الله يعفي عنا يا رب " وطويتهم بشكل يكون سهل طالعهم من الجزدان تبع الكردت كارد والمصاري ..ورتبتهم بالجزدان ..
^^^
لي عودة غاليات ..
طالعت الكردت كارد كلهم ، وشلت اللي ما بدي ياه ، والكيفت كارد والكيوبونز اللي خالص مدته وكذا ..كله رتبته وطلع تمام ..
واكتشفت انو في مكانين بالجزدان فيني حط فيهم وراق آو شغلات ... سبحان الله ما شفتهم من قبل .. وما نسيت القلم ..
طبعا قبل كلشي حضرت كيس فاضي مشان الزباله ... ما بتتخيلوا اديش طلع زباله ووراق فاضيه ..<< كانت بالشنته..:35:
طبعا آنهيت المهمه بسرعه لآن اجى ابني ..
لكن في شغلات بدي ضيفها عالشنطه ان شا الله :
- سجاده الجيب ، تبعي بتشبه هدول بالحجم .. خفيفه كتير وسهلة ..
- إبره وخيط لوقت الزنقة "هيك ماما بتعلمني الله يخليلنا ياها "
- شويه سكاكر ونقرشة " لوقت الجوع برا البيت "
-مسكن "تايلنول أو آدفيل + باند ايد + انتي بكتيريال كريم وبفضل نيوسبورين
-هاند سنيتايزر "معقم لليدين "
-عطر خفيف لو كنا بعرس آو بزياره مثلا وحبينا نغير شوي عن الجو .. طبعا منستعمله جوا البيت ولما منخرج بتكون راحت ريحته او منغسل ايدينا احتياطا ..
- مشط آو فرشايه شعر صفيره اللي وراها مرايه < عرفتوها .
- مقص صغير << اليوم صار فيني فصل مرتب ... اضريت قص شغله وما معي ولا شغله حاده بالسياره واتعزبت خير الله لبين ما وصلت على المحل وطلبت منهم مقص ...
بقى التوبه ..
- مفكره صغيره آو رفتر صغير مع قلم ..لو احتجتي تكتبي او تعطي نوت لحدا ..
- كتاب صغير ممكن اضعه بشنطتي آو سيارتي << الآمريكان طائما بتلاقيهم حاملين كتاب .. عملت بحث بالنت عن اغراضهم اللي بيحملوها بالشنته لقيت معظمهم مجمع على كتاااااااااااااااااب يا أمة إقرآ ...:angry:
اقتراحاتكم وملاحظاتكم يا حبايب ... وبتمنى الموضوع يعجبكم
الموضوع الأصلي هنا وفيه تجارب المغتربات بتنظيم الشنط + ترتيب السيارات ..
حياكم