ترجعين له ... لو كنتي مكاني ؟!

بعد ما كنتي معاه في أسوأ أوقات حياته بعد ما ضحيتي بوقتج و دراستج عشان تكونين معاه و تهتمان فيه 
بعد ما تسوين له كل الي يبي و مو مقصره باي شي معاه بمقابل يهملج كله برا ما يهتم بالأشياء الي تبينها مطبخ عادي يصير فاضي أشهر لان ماله خلق يجيب أغراض البيت (بعد هو مضغوط بسبب صحه ابوه المتدهوره ) ف انتي ما تشكين له ان مطبخ فاضي و لا تشكين له من سوء معامله خواته الكبار لها و لا تشكين ان اول سنه في زواجكم كله بالمستشفيات و لا تشكين له ان ما تطلعين تتمشون بسبب صحه والده 
و لا تشكين من إجهاضج و لا تشكين من ضحك خواته عليج بسبب اجهاضج و سوالفهم و نغزاتهم و احيانا سب بذيء منهم
ف تصبرين كل ما نزلتي للحمولة تسمعين كلام و نغزات و تصبرين ان ما يدري عنج و يسأل عنج لما تكونين في بيت اهلج عادي عنده تقعدين اسبوع ما يسأل و لا يدق انتي تدقين و تسألين و تتحملين الإهمال الي لا يطاق إهمال في اول سنه زواج انتي عروس بس ما استانستي صحتي في ناس مو زينين عشرتهم سيئه و مو أسوياء يعيشون على تعاسة غيرهم و خراب بيوت غيرهم لما 
توفى الوالد كنتي اول من تعزين و معاهم و تساعدين لكنهم يسبون و يمدون ايدهم و انتي تسكتين بسبب فقدهم لوالدهم بس 
لما صاروا يتمادون و يمدون أيدهم و يضربون انتي لازم دافعين عن نفسج حتى لو كان بالضرب فلما دافعتي عن نفسج و يبدأون أخوات الزوج في تشويه سمعتج و مساس بشرفج و سب اهلج هل توقفين و تسمعين ولا تردين عليها بكلام أسوأ من كلامهم بس انتي متربيه و ما تعرفين تطولين لسانج ف طلعتك من بيت زوجج الى بيت اهلج مطالبه زوجج إنج تبين شقه او باب خارجي عشان ما تحتكين في خواته الي نص مشاكلج زوجيه منهم بسبب مكائد الي كانو يكيدونها لج و انتي ما تدرين .  بعدها يدق زوجج يسأل متى تردين للبيت ألي انهنتي فيه امام الناس و صرتي حديث جميع .  طالبته بحقوقك فيقول لج زوجج انه ما يقدر يطلع من البيت و لا يقدر يسوي الباب بأعذار سخيفه و تافهه و انتي تدرين ان عجزه عن بناء باب خاص فيج هم (منع خواته الكبار له ) فهل ترجعين له بدون باب و لا شقه و لا تصرين على موقفج الي صار لج 6 شهور متمسكه فيه 
بس عشان باب !!! و (ان كان شرط من شروطج قبل ما تتزوجين شقه بروحج و باب خارجي خاص ) و متحمله طول هالاشهر 6 إهمال زوجج الغير طبيعي اتصالاته نادره لج بعد حارمج من مصروف ما يسأل اذا تبين شي أو تحتاجين شي ؟؟؟  نص كلامه كذب بكذب و بوعدك بأشياء ما يسويها نفسيتج صارت تعبانه و بشره أصبحت شاحبه و بدأتي بفقدان الوزن و لما يصير امر سيء في حياتج لا تجدين زوجك بجانبك و اصبح وجوده مثل عدمه
 








انا حاليا الخاطر طاب من زوجي و بديت أفكر بالطلاق لان لم ارى طوال 6 أشهر أمل و لا شي و صبري انتهى بعد ان صبرت سنه كامله على ظلم اخواته و إهمال زوجي ف هل انا محقه بطلب طلاق ؟ 
ملتزمه بالاستخاره 
و سوره البقره الي ردت لي حيويتي و قوتي و تفاؤلي بالحياه الحمدالله و احس بإطمنان و راحه و انا بعيده عن هؤلاء الناس و ارجوا ان الله يدلني على طريق صحيح