ترجع لها امي فلوسها والا لا؟!

بسم الله الرحمن الرحيم


السلام عليكم ورحمة الله وبركاته
كيف حالكم يابناات؟!
بنات بدخل في الموضوع على طووول
دايم ننظر للخطابات على انهم نصابات ومايخافون ربي 
لكن امي خطابة من سنين وربي عمري ماشفتها تكذب على الناس بالعكس والله حتى اذا كلموها وقالو لها بنعطيك مقدم عشان تمسكين الموضوع ترفض 
المهم في يوم من الايام اتصلت وحدة قالت عندي بنت اختي جمال واخلاق ......الخ
قالت لها امي خلاص ان شاءالله بكلمك
سألت امي قالت كم حقك؟!
قالت لها امي انا اخذ 5000 لكن مااخذها الا بعد الملكة عشان ماابغى شي بذمتي قالت ماراح اعطيك 5000 راح اعطيك 15000 بس ابي ناس من الطبقة المخمليه المهم امي اتصلت على اختها وجابو لها على طلبها بالتماااام
المهم صارت شوفه الام والشوفه الشرعية وكل شوي خالة البنت تتصل على امي تقول لها اتصلي على اهل العريس واساليهم وامي تتصل عليهم وكل شوي تذب وجهها عليهم وجلسو شهرين يسألون عن الولد وبعد سنة تقريبا تملكو واتصلت امي على خاله العروسه وقالت خالتها عطيني شهر بس لين ارجع من السفر وسالتها امي كم بتعطيني قالت ابد عند وعدي بعطيك 15000
وامي حطت ببالها انها راح تعطيها 15000 واخذت موعد بمستشفى عشان تسوي عمليه لعيونها
المهم وجا الموعد المحدد واتصلت عليها امي قالت عطيني اسبوع وقالت امي طيب مو مشكلة 
وبعدين اتصلت على امي وقالت عطيني رقم حسابك بحولك 5000قالت امي مو مشكله اهم شي   حقي ماراح اشرط اكثر وراح امل انها بتسوي العمليه اللي ماصدقت بتحصل حقها المهم
وقالت قالت روحي الصراف. حولت لك ووتروح امي المسكينه لصراف ومافي شي المهم كلمتها امي وعطتها خبر قالت خلاص بعد اسبوع قالت امي طيب بعد اسبوع كلمتها امي وتخيلو صارت تصرخ على امي تقول خلاص عاد ماراح اكل حقك واتصلت بعد يومين قالت روحي الصراف وتروح امي وامي فيها احتكاك بركبتها تخيلو رايحه جاية لصراف 6مررررررات وهي تكذب على امي المهم اخر مره كلمتها امي وقالت لها روحي شيكي وراحت امي تشيك وكالعاده مافي شي كلمتها امي وهي عند الصراف قالت مافي شي قالت اصبري لاتروحين من عند الصراف الحين بتاكد وتجلس امي من 11 الليل الى3 الفجر تنتظر وطال عمرها سفهت امي تخيلو كنا نشوف الحسرة بعيون امي يشين هالاحسااااس
المهم ارسلت لها امي رساله وقالت لها حسبي الله ونعم الوكيل خلاص ماابي منك شي المهم خافت ان امي تعلم اهل العريس انهم نصابين لان امي قالت لها انها بتحظر الزواج 
المهم جا يوم من الايام وقالت يالله تعالي السوق الحين وراحت امي ركضضضض واعطتها تخيلو بس2500 من15000 الى 2500وقالت عطيني شهرين اكمل لك باقي الخمس الالاف
امي ماقالت ولاااكلمة قالت ربي بيعوضني 
بعد يومين اتصلت على امي قالت البنت تطلقت رجعي لي فلوسي قالت امي كان شرطنا بعد الملكة مالي دخل تطلقت والا لا شرطنا بعد الملكة 
لما كلمت امي ام العريس قالت ان البنت تدلع وتاجل الزواج واهل العروس يقولون بخيل
ماندري وش السبب
بالله وش رايكم بكلمة رجعي فلووسي  يعني حتى ماكملت الخمسه تقول رجعي فلوسي قالت امي بنتكم تملكت خلاص احنا ماقلنا اذا تطلقت ترجع الفلوس ؟!!! على ان خالتي عطوها اهل العريس 5000 كامله




تذكرو (مايلفظ من قول الا لدية رقيب عتيد)
مااحلل اللي ترد رد جارح :(