السلام عليكم ورحمة الله وبركاته
بارك الله فيكي اختي في الله علي اثارة هذا الموضوع الذي بدانا نحن المسلمين نعاني منه للاسف وبدات الكلمات الغير عربية المختلطة من كذا لغة غزونا بشكل كبير انا ضد هذا التهجين في اللغة ولكن للاسف بعض الكلمات الغير عربية دخلت ضمن اللهجات العربية لبعض الدول وذلك من ثاثير اللاستعمار الاجنبي في الاحقاب الماضية واصبحت هذه الكلمات كانها عربية للجيل الجديد , ولايعرف انها غير عربيه الا اذا وضعت تحت التمحيص والتدبرهذا من ناحية , اما من ناحيةاخري تفشي دخول الكلمات الانجليزية بصفة خاصة في الاعوام الاخيرة ضمن كلام العامة تقليدا اعمي للغرب وللاعلام الفاسد الذي يبين صورة التحضر بفهم اكبر قدر من الكلمات الانجليزية حتي وان كان هذا الشخص ليس ذو مرتبة علمية عالية وحتي يقولوا عليه الناس متعلم ومتحضر واعتقد ان الحل في هذه المشكلة هو الفهم الاكثر لمكانة ديننا الحنييف ولغتنا لغة القران وغرس ذلك الاحساس لدي اطفالنا منذ الصغر وتفهميهم ان اللغة الانجليزية ماهي الا لغة تعلم من الممكن ان يستفيد منها في قراءة الكتب العلمية او قراءة اي نص اجنبي مفيد هذا فقط
وفي النهاية اسال الله العلي القدير ان يصلح احوال المسلمين في كل مكان

السلام عليكم ورحمة الله وبركاته ...

فعلاً مشكورة أختي قروية على طرحك لهذا الموضوع المهم ...

قبل كم يوم كنا نتناقش انا وصديقاتي بهذا الموضوع وكنت اكثر وحده منقهره من هالشي
المفروض اننا نعتز بلغتنا ، واكثر شي يقهرني لما تصير السوالف بالماسنجر أو بالرسايل
بالجوال الحروف بالأنجليزي والكلام عربي ليش أساساً يكتبون بالأنجليزي ليه ما تصير الحروف بالعربي !!!
والجوال يحولونه انجليزي مع انه معرب!!!

صحيح انها ضرورية ونحتاج لها ، بس مو مو بحياتنا اليومية بس اذا احتجنا لها..

معك حق يا قلبي..
مع ان في لهجات يستخدمون كلمات انجليزيه وهم يمكن ما يدون انها انجليزينه..
على سبيل المثال جده جده جدتي اميه لا تقرا ولا تكتب ولكن تسمي المكيف كونديشن..وبيني وبينك وانا صغيره كنت احسب هالكلمه من لهجتنا..بس لما درستها اكتشفت اني غلطانه:):) وفي كذا كلمه بعد نفس الشي..
يعني نستثني اهالينا الكبار من الموضوع..
بس اللي يقهر لمن تجيك وحده قرويه وتوها من كم سنه جايه من الديره وانجليزيتها ميييييييييييييييييييح جدا حتى الضمائر ما تعرفها..مع انها وصلت للجامعه بس لا تسالين وشلون.. وتبدا تخل كلمات انجليزي مالامها داعي.. في كلامها يقال لك انا المثقفه..اللي بين كل كلمه وكلمه ارز كلمه انجلش..يقال لك تطور..بينما لو سالتيها عن امر بديهي تجيم وتفهي..واحيانا تكشخ بانها جاهله هالاشياء..
واحيانا توقف شوي يقال لك انها متواضعه وتبي تطلع كلمه بالعربي في موقف ما وما تقدر تصيدها فمسكينه تضطر انها تستبدلها بانجليزيه وليت نطقها سليم..تخلي اللي قدامها يقول الحمدلله والشكر..والحمدلله الشافي المعافي..
وفي الاساس مخ ما فيه وكل اللي حولها يدرون انها ما عندها غير هالكلمتين تعيد وتزيد فيهم..ولو قلتي لها وش اسمك كان تبلم وتغير السالفه..
بعد ما كانت تقول برتكاني انعوج لسانها وما عاد يعرف غير الاوووووووووووووورانج..
وياما وياما..
والا اللي يجونك في الجامعه بينهم وبين بعض والسوالف بالانجليزي وبصوت عالي عشان يا عالم يا هووه ترانا نعرف نتكلم..
اقسم بالله اني اطالعهم باحتقاااااااااار شديد..واحيانا من شدة قهري افشلهم..يعني احيانا اقول وانا ماره بجنب وحده زين درينا انكم مثقفاااااات بس وطوا اصواتكم ابي اذاكر..
بس وحده للاسف اشوفها كثير وتجينا البيت بعد هذي احب افشلها بس ما تتوب تضحك وقتها وتتفشل وتعيد الكره..
طبعا اذا قالت شي..ما اغير اقول اررررررررررررررررررررررررررررحم يا شيخ..مقدر على اللغات..بابتسامه على جنب اخليها تكره اليوم اللي عرفتني فيه..
بس هالاشكال ما تنعطى وجه.."كنا في جرّه وطلعنا لبرّى"
وعندنا مثل اعتز فيه جداااااااااااا..ما يجيب الغنج الا الحمير العرج..وانتو بكرامه..
اي ان الحركات النص كم ما تجي الا من اكثر الناس قراوه وسطحيه ..

انا مو ضد تعلم اللغه بالعكس انا ودي لو يبدا تدريسها من مراحل مبكره..حتى تصير كلغه ثانيه لانه ما يخفى على احد حاليا اشياء كثيره تتطلب اللغه..ولكن تستخدم في المكان الصحيح فقطططططططط
اما الزعطه اللي مالها داعي بلاااااااااااااااااش منها لانها توقع صاحبها في مواقف لا يحسد عليها ..

اعذريني حبيبتي قرقت واجد بس من اللي فيني..احس اني بنفجر بس الموضوع جدا مهم وياليت اي وحده من هالنوع او واحد يقرا الموضوع..


اختك..
سبائك العسجد..

بنت الشرق

هلابك وبنتظار الوجه :17:


اثباج

هلابك

اهنيك على قوه شخصيتك

asma208

( حتي وان كان هذا الشخص ليس ذو مرتبة علمية عالية ) حلووووه منك

كلامك كذا:26:

كفى بالموت واعظا

الشكر لمرورك عزيزتي

سبائك العسجد

مرور ممتع وتعليق رائع
(بس وحده للاسف اشوفها كثير وتجينا البيت بعد هذي احب افشلها بس ما تتوب تضحك وقتها وتتفشل وتعيد الكره..
طبعا اذا قالت شي..ما اغير اقول اررررررررررررررررررررررررررررحم يا شيخ..مقدر على اللغات..بابتسامه على جنب اخليها تكره اليوم اللي عرفتني فيه) <<<ابد منتيب ملكعه:) شكلي بقتبسها

المحبة لله ورسوله

حبك الله ورسوله حبيبتي وشكرا لمرورك

سلاااام

يااااااااااااااااااااااااااااكرهي لهالمتصنعه

وياشين هالحركات اختكم سندريلا ماكلتها واااااااااااااااااااااجد

بس بدون تعليق

اختي سبائك العسجد بصراحه ردودك بردت اللي بقلبي