قبل كل شئ اقسم بمن احل القسم هاذي مشكلتي ماغيرت بشئ لكن يمكن اخبي بعض الامور افضل..
انا في حيره لايعلمها الا الله سبحانه..
بختصر لكم قصة 9سنوات لان مايكفيني مجلدات
تزوجت وعمري 18سنه اخذت رجل غريب مو من القبيله ولانعرفه ابدا الا وقت الخطبه وسألوا
الاهل عنه ومدح لهم..وكتب النصيب خذيته باول جامعه تزوجت ومثل اي بنت فتحت عيوني على هالرجل
حبيته تعلقت فيه مااشوف بحياتي غيره..تركت جامعتي وعشت حياتي
للعلم هو من طبقه اقل مني فكنت مثال الحضاره عندهم واي شئ اسويه يعتبر غريب
يشهد الله علمته الحياه والحضاره والاتيكيت كنت اهتم بلبسه بشكله بريحه بنظافته الداخليه والخارجيه وكل جماعته يقولون من اخذتها تغيرت للافضل اهتم بلوكه بحلاقة وجهه
اعلمه وش الاجمل له عارض او سكسوكه ووو
يجوني اهله احطهم بعيوني جماعته وضيوفه اجمله بالطبخ والفخامه والريح الزين من بخور وعطور
ومااقصر معه ابدا لا بحياتنا الخاصه من حفلات ومفاجات وهدايا
وهو مافكر بيوم يهديني وساكته وصابره وعايدي00
المهم بعد زواجي بسته شهور كشفت خيانته لي يكلم بنات واجهته وانكر ومن حبه صدقته رغم
سامعته يكلم بالصاله 00
وعدت الشهور وبدى يشك فيني اذا جاء وانا متروشه قال ليه تروشتي يفتش جوالي
يرد على صديقاتي ويسكت00وتفاهمت معه وكالعاده لاجواب
نقلنا لبيت ثاني ومن هنا بدت الحكايه
كشفت جوال بسيارته وقريت رسايل له امرضتني وبنات يحول لهم فلوس
اخذته وجاب غيره وكشفته المهم 3اجهزه اخذتها منه تقولون تصرفي غلط غصب ومن حقي لو هو مكاني فضحني ومع هذا ماواجهته اخاف منه مصيبه بيبلاني بهم00المهم طلع ايفون وماقالي كشفته بعد 5شهور واجهته وجلس يضحك
طلبته ينزله البيت رفض بس بسيارته وعارفه انه يكلم المهم بدت المشاكل رغم مو مقصره بشئ
للمعلوميه مو بخيل معي الا اذا معصب نكد علي حملت مرتين وسقطت وخيره من الله
اروح مواعيدي المستشفى مشاكل وخناق اروح لشيخ يقرا واتعب ويغمى علي ويقول انتي تمثلين علشان ارحمك
الدكاتره يقولون سليمه وهو يقولي انا صابر عليك يالعقيم بعدين اكتشفت ان معه بروستات
طبعا من كثر مايكلم قلة جدا الحياه الجنسيه بينا لدرجة يمر 4شهور ولامره وهو يتروش باليوم 4مرات من المكالمات وش عرفني00لانه ابدا مو حريص عالنظافه واذا طول برى جاء وتروش
لانه يتقفل المجلس واسمعه يكلم اذا جيته قال عمل
صار يحرجني مع اهله ومشاكله صار يقفل علي الشقه يكره احد يزورني00
الحمدلله اهله يحبوووني حيل وامه وابوه يقولون جيتينا صغيره بس علمتينا كيف نحب بعض وجمعتينا
ابوه يقول يهون ولدي يموت ولا تروحين لاهلك وتتركينا كانهم حاسين انه ماينصبر عليه00
المهم عندي جاره وعندها بنت اكبر مني بسنه ولها سوالف الغزل ونصحتها وماطاعتني
وشفت اشياء مو حلوه عليهم00فخذيت بمثل الباب اللي يجيك منه ريح سده واستريح
وقطعتهم00وبدت هي وتعرفت عليه وصارو حبايب لمدة 3سنوات واكتشفت بعدها انها كانت تطعني بشرفي ومااقول الا حسبي الله عليها ونعم الوكيل00هي تزوجت واعرف
ارقام اهلها وزوجها من كرت الدعوه حق الزواج لكن اذا اخذت نصري بيدي مو افضل00تربيتي وديني مايسمحون لي
لكن فوضت امري لرب العباد فأنه بصير بأمر العباد00
صار مجنون شك وغيره كل اسبوع يتخانق معي يطردني من البيت يجيب لي تذكره واقوم اجهز قهوه واغير جو له ويهدى لاتجيني وحده تقول مو معقوله فيبتليها الله الا والله ماخفي اعظم
صار يضرب حتى اذا صحيته لصلاة الفجر يضرب يدفني يطردني جبته بالطيب باللين بالحب مانفع
صرت اخليه بكيفه اخته الكبيره مره قالت لي ان اخوي هذا اشك انه مريض نفسي الله يعينك عليه
وسكت ومستحيل اقوله واسبب خلاف بينهم تجيني وتشوف علامات الضرب وتقولي علمي اهلك وماعلمتهم
اهلي اجاويد لكن ابوي ميت وتعرفون الحياه مع الاخوان مو سهله بالاخص اذا الزوجات الله يهديهم00
بناااات اقسم بالله اشوف الويل واصبر واحبه لدرجة خواتي يقولون ساحرك00وارحمه وتعودت عليه
لكن بدى صبري ينفذ 00بعد اهاناته ولعنه لوالدي وضربه وكلمته المعتاده اهلك مايبغونك اوديك لملجا ايتام00
حتى اذا جاء اخر الليل وهو نائم وصحيت وتوضيت وصليت وادعي بالصلاح له والذريه00يجيني ويقول قومي وش تحتك ويفتشني00
او اذا زودها معي وجاء وانا اصلي وساجده واطلت السجود قال اذا تدعين علي بصلاتك تراك طالق
يعني شئ لايطاق00
المهم قرر يسافر برى قلت بروح معك قال احلمي ابغا اتمشى لوحدي وحاولت ورفض وسكت
دخلت النت ادور لي حجز لانه قال لي دوري لك قبل سفرتي بيومين
وتعرفون فضول الحريم فتحت المحفوظات
ولقيته يدور بنات مغربيات بالدوله اللي يسافر فيها ولقيت موقع مسجل بغير اسمه وكل اللي متعرف عليهم
اسيويات انا هنا انفجعت وقلت يخوووني جسديا بعد00
وهو مقصر معي واجهته وضربني واغمى علي وسبحان الله صحيت مو من اغماء لا من غيبوبة 9سنوات كنت عايشه فيها
قررت اروح لاهلي واتطلق ووافق وقال انا ماعاد ابغاك اصلن سافرت اليوم الثاني
ومجرد وصلت رسايل له تقطع القلب انا احبك مااقدر اعيش من غيرك ويدعي على نفسه بالموت
وووووو لكن خلاص وكلت امري لله وادعي واصلي واطلب ربي الخيره
بعد 3شهور من رسائل الحب والترجي قلب علي وصار يتوقح
لمدة شهر وبعدها انقطع شهرين يعني كملنا 6شهور
المهم جاني اخوي وعلمني انه تملك بنت خاله وبصراحه انصدمت بوقاحته لاني طالبته الطلاق
وعلى باله يقهرني00والله ثم والله لو كان تزوج على حبي له قبل لنجن لموت
لكن ماخاب من توكل على الله فعلا صرت احس بطعم الحياه اكثر
بسورة البقره والاستغفار احس براحه كل يوم يزيد كرهي له لدرجة احس بغثيان اذا تذكرت واني صبرت عليه00
قلت لاخوي احسن اخيرا خله يطلقني وارتاح00
طبعا كلمني ابوه منهار قلت انت ابوي ومو ولدك اللي بينا وماراح اقطعك
خواته منحرجين مني قلت انتم اهلي وافرحوا لي اذا فعلا تحبوني
المهم اكتشفت انه كاذب على الجميع يقول طلقتها00وهو ماطلق ويماطل
وبنت خاله ماوافقت عليه الا يوم قالت مااجتمع مع زوجتك قال طلقتها00وهنا اقولها ربك كريم وانا اختك طال الزمن او قصر00
هو ازعجني بحالاته بالواتس مره سب في وادري يقصدني واحيانا حزن وندم وترجي00
صرت اتحاشى جوالي وحذفت رقمه قلت ماابغا شئ يذكرني به00
كلمت عمي واخواني يطلبون طلاقي قال عمي مستحيل اللحين اذا ماطل قوالا انتظري
يابنتي حنا رجال وهالعلوم صعبه وش تبغينه يقول مقهورين بزواجي00وهو موكفو لك
انتي بنت رجال والحمدلله تزوجتي بستيره وذكرك الطيب يوصلنا هنا00ومايتحسف الا فاعل السوء
وبشهادة زوجي يقول لو الف العالم ماالقى مثلك00وقبل اروح لاهلي هو شخصيا كان يسب خاله عندي وزوجته ويقول غلطان ولد خالتي اللي خذى بنته وسبحان الله خذى منهم
وقالو خواته ردة فعل لانه مقهور منك والا هو مايبغا الا انتي قلت احسن خلوه يجرب غيري
اللحين ابشركم دخلت الجامعه انتساب مطور وباخذ حاسب وبحاول اتوظف رجعت روحي زمان
صح اذا نمت جاني بالمنام اصحى واحمد ربي انه حلم00
كتبت قصتي اولا من باب الفضفضه ثانياااا ماخاب من تقرب لله والله ياخواتي كنت اموت فيه
ويوم سألت الله الا يجعل لي هم الا الاخره واسال الله رضاه والجنه واستغفر واقراء البقره
قسى قلبي عليه كل يوم احس بغثيان اذا ذكرته00
وماادري كيف اطلب طلاقي منه ارسلت له وقال طيب ويماطل وش قصده ليه يماطل
وياترى بيجيه يوم يقول ياليت ويندم ويعرف وش كثر ظلمني 00
ارجوووكم لاتقول وحده ليه سكتي وصبرتي لاني كنت احبه وعلى ايش ماادري
ابغا لو دعوه بظهر الغيب وجزاكم الله خير00
والله يكفيني شر من منه شر ويجعل كيد من اراد بي كيد في نحره00
واذا خواته قرو موضوعي هذا وعرفوني اعذروني يالغاليات لكن حبيت افضفض
يلزم عليك تسجيل الدخول أولًا لكتابة تعليق.
القادم اجمل 123
•
الله يصبرك ويكتب لك الخيره وين ماكانت
انا قرات قصتك وتاثرت فيها لكن احب اهنيك على صبرك واخلاصك لرجل هو من الخبيثين ولايستحق طيبه مثلك اسال الله ان يفرج همك ويعوضك بزوج يدلعك ويحبك لكن صبرا جميل والله المستعان
اختي تحت ظل القمر00احببت ردك جزاك الله خير وبصراحه انا طلبت ربي الخيره بأمري
وكتب الله لي بعده وكرهه والحمد لله كما ينبغي لجلال وجهه وعظيم سلطانه ان ماعندي اطفال منه
اختي القادم اجمل00جزاك الله خير وامين يارب
اختي سعوديه جنان00فعلا دائما اقول ليش تزوجته وانا استخرت ربي وانا طيبه وهو خبيث لكن في امري خيره لايعلمها الا
الله واسال الله يجازيني بصبري جنات قطوفها دانيه
اشكركم عالمرور يالغاليات
وكتب الله لي بعده وكرهه والحمد لله كما ينبغي لجلال وجهه وعظيم سلطانه ان ماعندي اطفال منه
اختي القادم اجمل00جزاك الله خير وامين يارب
اختي سعوديه جنان00فعلا دائما اقول ليش تزوجته وانا استخرت ربي وانا طيبه وهو خبيث لكن في امري خيره لايعلمها الا
الله واسال الله يجازيني بصبري جنات قطوفها دانيه
اشكركم عالمرور يالغاليات
والله مدري شقول ...ماشاء الله تبارك الله لمست فيك الصبر وان شاء الله مأجوره..انما يوفى الصابرون اجرهم بغير حساب..لو انا مكانك من اول خيانه وانا خالعته..وان شاء الله الجاي افضل وربي بيعوضك على صبرك ..اول من يشهدلك على طيبتك وكرمك وصبرك هم اهله معناته البلى فيه ....وحركاته الحين يوم خطب ومرهويرسل رسايل حلوه وبعدين سب وشتم وحالات الواتساب معناه مسكين يعيش في تخبطات مهو داري وش يسوي ...انسيه والله انه متحسر عليك بس انسيه وادعي الله وصلي الوتر والاستغفار وبتشوفين الفرج....
الصفحة الأخيرة