ترددت بالكتابه ولكن قررت اكتب

صباح الفل والعطر والياسمين لكل البنات بالمنتدى والله يا بنات اني بكتب ودموعي بعيوني من الفرحه

المهم قبل ما اكتبلكم شي الواحد لازم يخلي ايمانوا بالله كبيررررررررر ويرمي حملوا عليه وصدقوني ما رح يخيب المهم ادخل بالموضوع انا من شهر 12 بحاول بالحمل والحمد لله على كل حال قعدت 4 شهور ما حملت والشهر الرابع رحت للدكتوره حكتلي بعطيكي فرصه شهر وبعدها بنعطيكي اذا اجتك الدوره منشطات انا انفجرت من البكا ما بدي اخد منشطات ما بدي علاجات بدي حمل طبيعي المهم لجئت لرب العالمين ودعيت وكنت اعمل رقيه شرعيه بسيطه على بطني كل يوم قبل ما انام المهم كان يوم الخميس الماضي هو اليوم 30 الدوره والحمد لله ما نزلت ويوم الجمعه صحيت بكيررررررررررر كتيرررررررر وعملت فحص الحمل طلع خط احمر غامق كتير وخط احمر فاتح واستنيت ع الفحص كمان ساعه وصاروا الخطين واضحين حتى من بعيد وصدقا لغايه الان ما رحت اراجع خلص بدي استنا لنهايه الاسبوع واروح الدكتور

والله يا بنات دعيتلكم من كل قلبي وانا ببكي والله والله بس اخدت النتيجه وكان يوم جمعه دعيت لكل الي بقسم تأخر الحمل .

ولكل بنات المسلمين جميعا .

:26:ادعولي رب العالمين يثبت حملي ورب العالمين يعطيني الي برضاه الي يا رب يفرح قلبي .