الله يخلي اللحم والرز والسلطه وقدر الضغط

ضحكتني شيري

وانتي صادقه..على طول مطعم

ههاي ...........قال عشا قال...............لا وبعد 10 اشخاص..

إذا مافي مجال للمناقشه بسوي مثللك وبحط راسي بالقدر،،،ررررهيبه،،

الشكوى لله بيسكر السماعه ويجي بحط رز وسلطه ومويه عشان ما يغصون وبس

وتصيرمعي كل سنه مره .

يا Sheery ايش الكلام اللي تقوليه المسألة مو مسألة عبيد او جواري عند رجالنا
سبحان الله في بعض البنات كيف منطق تفكيرهم (( اذا الزوجة ساعدت زوجها على اكرام الضيوف صارت عبدة عنده ))
اذا هذا تفكيرك ما اقول غير الله يعينك على نفسك وعلى حياتك الزوجية

ليش الزوجة ما تشوفها رفع لرأس زوجها وتبيض لوجهه عند الضيوف مو تحكم فيها
وبعدين اذا هو مو مضطر كان ماسواها مثل ما قالت الاخت حب زوجي (( الا وهو منحرج منهم.. اما من زمان عنهم او من جماعته وتوهم واصلين للمدينه... الخ..)))
ما تفكر الزوجة
يمكن انحرج وسوى الاتصال قدامهم ظروفه منعت انه يبعد عنهم
او يمكن بيلحقوه مباشرة للبيت حتى مايقدر يروح مطعم او حتى يطلب بالتلفون و يخرج يجيب العشا

وبعدين متعارف عند الرجال ان الرجل ما يحس انه اكرم ضيفه الا يا ذبيحة او عشا منوع من طبخ البيت وكل وحدة تسأل زوجها بيقولها هذا الكلام
اما حنا يالنساء متعارف عندنا ان الوحدة ماتحس انها سوت عزيمة حلوة الا اذا جابت كل شئ من المطاعم حتى الحلى سواء حلى عشا او قهوة يكون اغرب شئ واغلى الانواع عشان تبين انها مدللة عند زوجها وما يبغاها تتعب بالطبخ

اما بالنسبة لي انا من تم زواجي 6 شهور عرفت ان ظروف زوجي وعمله تجبره على استقبال الضيوف وفجأة(( خليتها نقطة لصالحي)) سواء من جماعته اللي يجوا من خارج المدينة او رجال لهم علاقات عمل معه معظمهم من خارج المدينة((( ما ابالغ اذا قلت لكم انها تصير لي كل اسبوع مرة او مرتين)) الاغلب يحط ذبيحة مع زيادة اضافات مني لكن بعضهم يشترط ان يكون العشا من طبخ البيت وبهاذي الحالة الله يخلي اخواني اطلع معهم حتى لو اضطر يجي اخوي الصغير بالليموزين واطلع معه واجيب الاغراض وابدأ بتحضير العشا اشكال والوان واقدم العشا بنفس راضية والاحلى لما اشوف زوجي يدخل على ويقول لي الله يبيض وجهك والادعية الحلوة اللي تخلي كل التعب يروح بلحظة
وصار يعاماني بالمثل لما يجيني ضيوف مستحيل يخلني اطبخ و اتعب واجيب عشاي من افخم المطاعم واغلى محلات الحلويات ويخلي عزايمي الكل يتكلم فيها لما فيها من الغرايب والعجايب من الاكل والحلى
والان بعد خمس سنوات زواج الحمدلله متابعة اكرام الضيوف وان شاء الله للأبد
وحلصت على نتيجة تعبي واجتهادي بعد نقلني لبيت ملك بأسمي وحط لي الشغالات و والسواق وحرية بالسفر ومو مانعني من اي شئ واهم شئ احترامه لي ولأمي لأنها عرفت تربي بنت تفهم الأصول واكرام الضيوف وعرف ان معدني من ذهب كل ما حكه زاد لمعان وتفاخره عند اهله انه عرف يختار الزوجة وكلمتي مسموعة حتى عند اهله

والله انا ما أتوقع ان كل الرجال شريرين مثل مااتهم ان كل الزوجات مهملات
لكن كل وحدة اعرف بزوجها وانا اشوف ان الاغلبية منكم حتى لو زوجها فيه شوي عيوب مستحيل تستغني عنه لأنها على كلامها تحبه وطيب
واذا عارف ان ظروفك صعبة جدا اكيد انه راح يقدر وضعك اذا حامل او مريضة مرض صعب
واتوقع ان بعض الرجال يشكرون زوجاتهم بالمواقف هذي حتى لو بدعوة
لذلك لا تكبروا الموضوع على سالفة يمكن تحصلكم كم مرة في السنة اكبر من حجمها
وخلوها نقطة لصالحكم مو نقطة ضدكم

يمكن طولت بالكلام لكن بقولكم قصة حقيقة حصلت لزوجي وواحد من الرجال كانوا مسافرين يقابلوا رجل عشان مشروع عمل والرجل حلف عليهم انه يغديهم ووصف لهم البيت وحدد الوقت ولما وصلوا لبيت الرجل ودقوا جرس البيت طلع لهم الرجل من الشباك بالدور الثاني وقالهم اسف يا جماعة بس زوجتي اليوم عندها غسيل الملابس ومسوت الغذا خلوها يوم ثاني وقفل الشباك وزوجي والرجل طاحوا من كثر الضحك عليه لأنه هذا مو من فعل ولا تصرفات الرجال والرجل اللي كان مع زوجي حلف انه مايحط ريال واحد بيد هذاك وكنسلوا المشروع لأن هذا تقليل من كرامتهم وعدم احترام لهم

ماعندي مشكله بشرط يشربون كاس شمام ومانجا

بعدها نتفاهم الى الان مصرين على العشاء والا غيرو رايهم

خخخخخخخخخخخخخخخخخخخخخخخخخخخخ