ترضعين طفلك صناعي ؟؟
طيب .. تعرفون الاطفال لازم يصحون بالليل عشان رضعة او رضعتين او ثلاث
و تعرفون الاطفال مافيهههههم صبر
يبكون و يصرخووون الين تعطيهم الرضاعه
و ابو الشباب يعصب و يتأفف :42:
و اكيد كل وحدة فيكم عندها طريقة
بقولكم طريقتي القديمة ..
اولا .. كنت اجيب معي ترمسين
واحد بارد و الثاني حار
و اقعد أوازن الحرارة .. ازود حار و مرة اضيف بارد و صعبة اوصل للدرجة المناسبة
وانا نصي نووم .. وما اعرف اوازن الموية و ينكب الماء من ايدي و حالتي حالة
والبنت تصررررررررررررررررخ
و كله كوووووووووم و الحليب كوم ثاني .. نص الحليب يطيح بالارض
و الملاعق حقت الحليب يبي لها تمسحين الزائد
لازم تكون الكمية دقيقة و الملاعق ممسوحة والا جاها امساك و الا مغص
المهم قلت لا لا ما ينفع هالكلام
قمت لطريقة الثانية :
جبت ترمس موية بماء دافيء
قلت كذا حلوو درجة حرارة عادية و مناسبة .. و بكذا تسهل العملية
لكن بعد كم ساعه .. لاحظت ان الماء يبرد .. تقريبا بعد 6 ساعات
وانا مالي حييييييييييل اروح للمطبخ اسخن الماء
المهم ..
نجي للطريقة السهلة المريحة
اولا : جيبي رضاعات .. و امليها موية صحية .. الى الرقم المطلوب
انا عن نفسي ..اجهز 6 رضاعات .. و اعبيها الى 150 ..
و احطهم بسله .. فوق طاولة جنب سريري
((طبعا 6 رضاعات عشان ارتاح طووووووول اليوم سواء بالليل او بالنهار ))
ثانيا : اجيب علب حفظ الحليب اللي بهالصورة
و احط فيها عدد الملاعق المطلوبة
انا عن نفسي احط 5 ملاعق
ثالثا : و اهم شي .. اشتريت هالجهاز
و حددت درجة الحرارة الى النص .. يعني دافئ
و حطيتها جنب سريري
نجي للطريقة :
قبل تنامين .. حطي رضاعة وسط جهاز التدفئة و نامممممممممي
اذا قام طفلك .. خوذي الرضاعه .. و افتحي الغطاء
و كبي الحليب اللي حطيتيه في الحافظة .. داخل الرضاعه بكل سهولة
و خلااااااص بثواني تكون الرضاعه جاهزة
لا ترامس موية و طفش ... ولا موازنة موية دافية .. ولا تعب بملاعق الحليب
و اذا خلصتي ترضيع .. حطي رضاعة ثانية ( من اللي سبق تجهيزها و تعبئتها بالماء) داخل جهاز التدفئة و ناااااااااامي
والله رااااااااحة و سررررررررررعه و دقة بالنسبة لدرجة الحرارة و كمية الحليب:icon28:
بنات اللي تستفيد من موضوعي تدعي لي ان الله يهدي بنتي و تنام على ظهرها خخخخخخخخخخ
بس من ين هل الجهاز
أنا شفته في كتالوج مذركير بس مادري موجود ولا ؟؟؟؟ وبكم لقيتيه؟؟