طبعا ما احب احد يفتح جوالي لا من قريب ولا من بعيد

عني عادي زوجي ياخذ جوالي ويعرف الرقم السري كمان مو مشكلة

بس الموضوع موضوع ادب وحسن خلق وعدم استعمال اغراض الغير من دون الاذن

مثلا اعلم ابني يضرب باب الغرفه قبل لايدخل وهذا مثله << يعني الغرفه فيها شي غلط !! ممكن تكون غرفه عاديه بس الاستذان من الادب


وحسب الشخص

يعني لما تجي وحده تموون عادي اعطيها جوالي وتتفرج عليه وطبعا ممكن فيه لقطات << عندي لقطات مضحكه لعيال اختي ما يرضون احد يشوفها مثلا توه قايم من النوم وشكله غلط .. وغيرها >> هنا ما ارضى اهل زوجي يشوفونها لان الموضوع خصوصيه


والا الاطفال اللي فوق ال9 سنوات ويفتشون في الجوالات من غير استذان هذولا يبغى لهم تربية من جديد

والحريم مثل ما قلت اذا الموانه بيننا موجوده اعيطيها الجوال
اما اللي بس يبغى لقافة لا والف لا

لان اغراضي شخصية ولازم الاستئذان مني مو لشي الا احتراما لي وعدم تعدي على اغراضي << كذا تربيت ومااحب احد ياخذ اغراضي من غير اذن

انا عن نفسي بس خواتي
غيرهم لا
اذا احتاج احد شي مو يمسك الجوال وتفتيش يقول وانا افزع له
شي نفسي ماحب احد يمسكه
بنسبه للزوجي مو مشكله بس اخاف يطيح بسالفه تخص اهلي ولا رساله اللي خبركم
وااااااااااااااو انواع الفشله
وجهة نظر
بالتوفيق للجميع

ماحب احد ياخذ جوالي ,,

اللهم بس اختي وبنت عمي وبسسسسسسس ,,

يعني فيه مسجات ماحب احد يقراها ..

الجوال تعدى فكرة انها للمكالمات بالنسبه لي لانه اي شي اكتبه بالملاحظات
او التقويم يعني باختصار صار من الاشياء الخاصه جدآ حتى اقرب شخص مستحيل يفتشه
وحتى انا مستحيل المس جوال احد غير امي حتى خواتي ماالمس جوالتهم مهما كان فيه حدود بالميانه وفيه اشياء تنحرج احد يشوفها حتى لو هي تافهه