ترضين تآخذين واحد مطلق ومخلف ابي مشورتكم الله يسعدكم

انا لو مكانك ما اوافق

مطلق وعنده طفل وعايش في الديره والله حبيبتي انتي صغيرة وبيجيك الافضل ان شاء الله

لا تطالعي في الموضوع بس من ناحيه واحده انه مطلق
طالعي للموضوع ككل وضعه ووضعك

اول خطوه استخيري وادعي ربنا لو فيه خير ربي يتمملك لو لا ربي يصرفه

ثاني شي جمعي معلومات عنه و اسألي معارفك عنه وسبب الطلاق الحقيقي

ثالث شي انه عنده طفل هذه مسؤلية ,,,,وليه الطفل عنده مو عند امه ؟؟ ولازم تتأكدي من النقل انه هو يجيكي

رابع شي الله يكتبلك الخير ويوفقك ويسهلك لا تستعجلي وادعي ربنا كثيييير

وانا لو بدالك ما اظن اني اوافق بس في النهاية مطلق اهون من متزوج

اذا ما عندك مانع في يوم من الأيام يحطك أمام الأمر الواقع ويجيب ولده تربينه وتذاكرين له وتهتمين فيه اكثر من امه
أو يفاجأك بإرجاع طليقته بحجة ابنه
والرجل مناسب وكفؤ لك وعلى خلق ودين
استخيري ووافقي
تراك ما انت كبيرة تاخذين مطلق ومخلف والخطاب لك كثير غريبة تفكرين فيه

عمرك مو كبير توك بأول شبابك لا تخلين موافقتك مبنيه ع العمر وكلمة من بيجيني وكبرت لان هذي من اسباب فشل اي زواج
ثاني شي المطلق الي عنده عيال توقعي احتمال كبير جدا يرجع طليقته وتكونين الثانيه بحياته
لاتقولين مابينهم تفاهم ولاتقولين بشرط مايرجعها ترا كل كلام قبل الزواج ينتهي بعد الزواج
ثالث شي هل عندك استعداد تتحملين مسؤوليه طفل وانتي ما جربتي لاحمل ولا ولاده ولا تعب لو جابه عندك
رابعا هل فعلا كان سبب الطلاق مافي تفاهم ترا مو كل شي يقولونه الولد واهله يكون صحيح زمليتي خطبها واحد ماجلس مع زوجته الا كم شهر وقالو ماحبها ولاارتاح لها وبالاخير طلع مريض نفسي وهي الي انحاشت منه
وغيرهم كثير اذا بتوافقين لازم تسالون اهل طليقته وجماعتهم والناس البعيده مو اهله بس هذا زواج ومافيه حيا
ولاتصدقين سالفه النقل يمكن يقولونها كلام واذا جاء الجد تغير كل شي بعضهم يحطون لك القمر بيد والشمس بيد وتدللي بس
وبعد الزواج تتكتشفين امور لاتصدق

قارني بين ايجابيات هالزواج وسلبياته واستخيري
واذا انتي مرتاحه بحياتك ومبسوطه وفيك مميزات حلوه لا تتسرعين وبيجك الافضل واذا تشوفينه مميز وفيه مواصفات واخلاق ماتنفرفض استخييري

ي اختي ترى ولد القريه مستحيل يتوافق مع بنت المدينه يقرفها عيشتها وتصير المراكز والمستوصفات الخاصه بعيده عنك والرجال صارو م يتحملون المسؤوليه بيحس طلباتك كثيره وطلعاتك للمدينه وكمان بنت المدينه مستحيل تتحمل عيشة القرى أو المحافظات أسأليني انا حتى المطاعم بتكون بعيده عنك وإذا طلعتي من المدينه ورحتي محافظه أو قريه بتصيرين رجعتي ألف خطوه ورى صدقيني