ترطيب بشرات بناتنا ضرورررري .....

صباح الخيرات ياأمهات ..

الله يخلي لنا عيالنا ويسخرنا لهم ويسخرهم لنا ...

الموضوع حبيباتي وبكل أختصار ..........

هل بناتك في سن ست وسبع سنوات يرطبون يديهم ورجولهم قبل النوم وبعد الأستحمام مثلنا يعني ؟؟

وهل تحسين أنه شي ضروري عشان نحافظ على بشراتهم ولا تتعود بشرتهم على الترطيب ولو تركوه فترة يخرب شكل يدينهم...

وش خلاني أفكر كذا أنا من سن المتوسط وأنا لازم جرجنز عند رأسي أغسل وأرجع أرطب مقدر أتحمل يديني بدون كريم وصراحة كانت حلوة مرة ... الحين وبعد الحمل كرهت الكريمات وصارت يديني تخرع جفاف وسواد والله لا يوريكم ولا صار ينفع معها لا فازلين ولا غيرة .

وشفت بنت عمي بالثانوي عليها يدين تذووب صراحة ماشاء الله سألتها وش الكريم اللي تستخدمين قالت ولا شي قلت مستحيل قالت والله ماأطيق أحط شي على يديني وهي صادقة لأن أمها برضوا كذا ...

فأتوقع أخليهم بلا أهتمام ولا ترطيب أحسن لأني جبت لكل وحدة كريم وحطيته جنبها وأحرص عليهم قبل النوم لازم يستخدمونه ........وش أسوي أستمر وألا أخليهم على طبيعتهم أحسن لأن الأطفال دايم بشراتهم حلوة فخايفة أخرب عليهم ويصير لهم اللي صار لي .......... وش رأيكم