السلام عليكم ورحمة الله وبركاته:
انتشر بين البنات بصوره فضيعه هالايام رفض الشباب اللي يتقدمون لهن...........واحيانا وبل غالبا اسباب واهيه (لانه مو من مستواي ... شكله كذا ...... اريد اكمل دراستي .....و..... وقايمه طويله)
في كثير من البنات اللي اعرفهم يرفضوا لاسباب ما ادري من قنعهم فيها ...اولهم صديقتي الله هداها قالت لي ما اقدر اوافق اخاف اني ما اسعده في حياته ولا راح اكون سعيده لاني ما مستعده للزواج الحين :eek: .........
ما اطول عليكم راح اسرد لكم هالقصه وهي موجهه لكل بنت ترفض لاسباب واهيه
بسم الله الرحمن الرحيم:
القصه تدور وتحكي عن بنت ابوها غلب معاها كثر ما هي ترفض العرسان .....والاب يشوف ان بنتهم ما صغيره وما لها الا الستر.....مره رفضت شاب ابوها حاول معها بس هي راسها ناشف ....طلب الاب من بنته تحمل وعاء فخار (اللي يحط فيه الماء) وانها تمشي وتسوي نفسها كسرته قدام الناس
البنت سوت اللي طلبه ابوها على كره مشت وكسرت الجره هناك....الا وتشوف كبار القوم (اللي متعارف عندنا انهم شيوخ ومن هالقبيل) قاموا وساعدوها....رجعت البنت البيت وعلمت ابوها بالسالفه.
ابوها باليوم الثاني طلب منها نفس الشي تعمله واصر عليها راحت البنت وكسرت الجره بس هالمره كبار القوم طنشوها وجاها العامه من الناس وساعدوها تلم اللي كسرته........رجعت البيت وعلمت ابوها باللي صار. الا ان الاب اصر عليها انها تكسر الجره باليوم الثالث وبنفس المكان فما كان من الناس الا انهم تركوها وما رحمها الا الخدم اللي يشتغلون عند كبار القوم..........رجعت وهي مكسوره
قالها ابوها شفتي ان البنت بالاول كل احد ينتبه لها ويريدها بس لما تزودها (قصده بالرفض) تنفض الناس من حولها ولا عاد احد يجي يمها فترضى بالقليل (القصد بالقليل مو خدم لا كان قصده بشخص اقل بكثير من اللي جاء بالاول سواء في الدين او الاخلاق او غيره)
عقد_الياسمين @aakd_alyasmyn_1
محررة فضية
يلزم عليك تسجيل الدخول أولًا لكتابة تعليق.
مشكوره اختي بساط الريح على مرورك الطيب..........ومثل ما قلتي الله يرزق بنات المسلمين وشبابهم بالازواج والزوجات الصالحين
.......آمين .........
.......آمين .........
الصفحة الأخيرة
والمفروض ما ننسى انه اذا جاء من ترضون خلقه ودينه فزوجوه
الله يرزق بنات المسلمين وشبابهم بالازواج والزوجات الصالحين