مرحبا بنات
كنت قبل مهوسه شي اسمه سناب
اربع وعشرين ساعه مسنتره فيه
ومافي مشهوره ماضفتها
والا احد اعرفه ماضفته
كنت احب اتفرج ع الناس
وين راحت وين جت
عندي فضول كثير اعرف تفاصيل الناس
الى ان اصبح هالشي هوس
رغم اني اتضايق كثير من حياه البذخ اللي عايشينها الناس
طلعات وروحات وتمشيات
وانا عاد حلم حياتي اني اسافر واتمشى في ارض الله 😢
لكن الحمد لله ع كل حال
حياتي صراحه جدا استائت بعد السناب
جدا صرت الاحظ فروقات بين حياتي وحياة الاخرين
هم يروحون ويجون ويشترون وياكلون وربي رازقهم اعلانات وخير
وانا ع حطت ايدكم
متفرجه فقط
هذه وش اكلت هذه وش شربت هذه وش اشترت هذه راحت حفله فلانيه هذه سوت عرسها بالقيمه الفلانيه وهكذا
الى ان صحيت ع نفسي وقلت بسسس!
انا لمتى اضيع عمري ع شي قاعد يضرني مايفيدني
انا طول حياتي كنت انسانه راضيه بحياتي ورزقي ايش اللي صار فيني! ايش اللي خلاني اطالع فوق بس!!!
ليه السناب وحياه المشاهير وغيرهم تخليني اسخط او اغضب من قسمه الله لي!
ليه وليه وليه الف سوال وسوال سالته نفسي
الى ان قررت احذفه
وحذفته فعلا بعد قرار جدا حاسم لكن ما اخفيكم اني قعدت فتره بسيطه ورجعت له لاني كنت مدمنته بشكل كبير
لكن حاولت بالبدايه تخفيف دخولي..
وحذفت بعض مشاهير
يعني اقتصرت متابعتي ع عدد قليل
وحبه حبه لما شفت نفسي حاذفتهم كلهم
ومابباقي عندي غير معارفي
وحتى معارفي ماكان ودي اتعلق بيومياتهم وين راحو ووين جو ..
لان لا يخفى عليكم البعض منهم ينزل اشياء من باب اللمغايضه والمفاخره فقط !
لكن قدرت اتغلب ع فضولي
واحذف السناب بكبره
ونهائيا وبلا رجعه
احمد لله انه اصرفه عني وحذفته نهائيا والان صار لي حول الشهرين وانا بدون سناب
اللي حصلته من بعد ماحذفته
راحه نفسيه عجيبه
ورضا اللهم لك الحمد ع كل نعمه جالسه اتنعم فيها
صرت بعد ماتركته انتبه لنعم ربي اعطانياها
بس كنت غافله عنها ولاهيه عنها بمتابعه هالمشاهير
وصرت اشغل وقتي وادخل هنا بعالم حواء اقرا مشاكلهم مواضيعهم وعرفت فعلا ان حياه السناب هي مجرد ديكور وان البيوت فيها وفيها مايكفيها من هموم ومشاكل الله يكون بالعون
صرت احمد ربي دائما ع النعم اللي انا اتنعم فيها واشوف غيري محروم منها
صرت هنا اشارك بحلول واراء صرت احس اني بسوي شي مفيد..
وصرت استفيد كثير لما اقراء عن تجاربكم واراء بعض البنات بكل المواضيع
وبكل المشاكل
وكثير هنا حلولهم تدل على انهن راجحات وعاقلات ورزينات لذلك انا جالسه اتعلم منهم واخذ خبره للزمن
للامانه من بعد السناب حسيت الحياه بالنسبه لي رجعت طبيعيه وصرت اشوف كل الطبقات اللي بالمجتمع من بعد ماكانت الحياه المخمليه مغطيه عيني عن اللي عايش عيشه بسيطه
وكنت اضن ماعاد في احد عايش عيشه متدنيه الا من بعد ماغصت وتعمقت بمشاكلكم وهمومكم
اسال الله ان يفرج الهموم ويكشف الغموم ويرزق المحتاج ويشفي المريض ويعطي المحروم الذريه
انه القادر ع كل شي
تحياتي 🌷
مرييييحة رأسي على الآخر وراضية بما قسمه الله لي..