تركت بيتي بسبب.......فار

انا انسانه اموت رعب من الفيران بشكله هستيري اكرهها كره العمى وقبل اربع ايام وانا اصلح فطاير لبنتي شفت فار في المطبخ طلعت اركض وجلست في الصاله مقابل المطبخ علشان لو طلع اعرف وين راح شوي طلع وجلس يتنقل من مكان لمكان المهم وادق على زوجي وعلمه وهو في الدوام(دوامه ليلي كل يوم )قام يضحك علي قال خلاص لو شفتي وينه فيه احشرييه وانا اجي واذبحه وبلفعل حجرته في المطبخ جازوجي ودخل المطبخ طاخ طيخ وقال خلاص ذبحته تبين تشوفيه قلت لا قال يمكن اكون ماذبحته بس ابيك تريحين قلت انا واثقه فيك المهم وارتحت نفسيا ونمت على خير وكل شي تمام قمنا وعدا اليوم وراح زوجي الدوام جلست في نفس المكان الا ويطلع فار ثاني نفس الشي صغير ونهبلت دقيت وعلمت زوجي قال اكيد طالعين من مخزن الجيران وبعدين شكيت انو ذبح اللي امس وقلت له انت امس فعلا ذبحته والا لعبت علي زعل وقال ماراح اجاوب المهم انا جالسه على اعصابي انتظر متى يجي ويدق على يقول انا تعبان مافيني اسوي شي لو جيت بحط راسي وانام
المهم انا انهرت بس بصمت وماقلت له شي بعدين طلبت يجيب حليب لبنتي عصب وقال ماغير طلباتك من صباح الله خير و,,,,,,,المهم انا صدري ضايق بسبب الفار وضايقه فيني الدنيه قلت خلاص لاتجيب شي ولا تهاوش مو ناقصه الهم جا وفطر ودخل ينام وانا في مكاني ماتحركت ولا قلت له شي بعدين جا يقول لي ليش ماتنامين قلت له توني شايفه الفار طلع من المطبخ وراح جهة الغرف اما غرفتي او غرفة بنتي قام دور لقاه في غرفة بنتي المهم نزل وجاب شبك ونفسيته مزفته يسوي كل شي من غير نفس وانا قايلتيه من البدايه اللزق احسن للصغار بس ماعبر وحط الشبك وحط راسه نام وانا جلست سهرانه لين العصر بعد العصر صحى طبعا انا اطلع كل يوم العصر ل......وقال لتروحين قلت ايه قال يلا قمت اخذت عباتي وركبت السياره بعدين حسيت اني مره مرهقه قلت وشلون بداوم وانا نعسانه بموت نوم قلت له نزلني عند امي وهاوشني وكل شي اخر شي نزلني ونمت وارتحت شوي بعدين دقيت عليه وقلت له ليش كل شي اطلبه يكون ثقيل على قلبه وليش مايراعي خوفي قال اساسا انتي مريضه نفسيا وتحتاجين طبيب المهم مارديت لأنو انا فعلا ماقدر اسيطر على نفسي قدام الفيران المهم قبل مايروح الدوام دقيت عليه قال وش تبين بعدين قالي ....اكون ولد حرام لو مريت عليك خلي اهلك يجيبونك البيت تدلينه وقفل في وجهي ومادري وش بسوي بعدين دقيت عليه عطاني بيزي تكفون عطوني ارائكم والله الخوف غصب عني وانا قلت له هلاكلام ومن ايام خطوبتنا كنت اقول له اسيطر على نفسي في اي خوف الا الخوف من الفيران ماقدر اعيش معهم تحت سقف واحد مع العلم انو شقتي جديده وتوني ساكنه فيها وماسكنت قبلي تتوقعون من وين يجون انتظركم