تركت بيتي بسببه والحين يبيني ارجع ...

السلام عليكم ....


كتبت كذا مره عن معاناتي مع زوجي من تعرف على شله جديده وتغير علي بكل شي ......
بعدما كنا مبسوطين مع بعض قلب فجاه شخص ثاني
طبعا سنه كامله جالس بمدينه وقالبينها طلعات واسواق هو وشلته المخببه
ويجلس عني 45يوم برغبته ويجيني خمسة ايام ..وزياده منفس احيانا !!
وعادي اسكت واتحمل


الى ان اخذني بالمدينه اللي هو فيها بسبب عمله ..
وتفاجات بقسوته وهاجرني بدون سبب
اضحك معاه اسولف معاه مايبييييييني
سالته وشمضيق صدرك ..رده دايما ولا شي
وبس عالجوال
استخدم معاي اساليب التطفيش لمين رحت انا برغبتي وانا مقهوره وساكته...


خلاني ثلاثة شهور عند اهلي ويوم يكلمني مبسوووووووط


انا مااحد يخدمني ابوي شايب وشديد وعيب طلعه بدونهم حتى السووق معاناه


المهم صبرررررت جاني قولون عصبي واشتد علي
وكلمته تعال خذني بغى ينجننننن ماشبعت من اخوياي ... متواعدين سفريات !!


وعلى نيتي طيب حطني ببيتي واطلع بس المشاوير صعبه
وسححححححب
وبعدها تكلموا اهلي وتكلموا عماتي وبدا الهرج ينتشر اني مطلقه او زوجي مو صاحي ....
ضايقني هالكلاااام وضايق اهلي
وكان ابوي يسالني زوجك شكله مايبيك وش السالفه !!!!!!وانا على كذا مافضحته


بالقووووه جا اخذني بسبب كلام اهلي ..


وتعالوا شوفوا وش سوا فيني ..عشت اصعب ايام عمري معاه
كارهني ويسمعني كلام يحررررق
ويطلعني وينككككككد علي ويجرحني ومرات كثيره يقول التماشي معاك ماعاد تصلح دام ماعندنا عيال !!!!
علما السبب منه هو العقيم ....
ويقول شوفي الناس من حولك كيف مبسوطين بالعيال .ومن هالكلام
رديت عليه يلا شد حيلك وتعالج وززززززعل


المهم مايبيني اجلس عنده يبيني اروح لاهلي ويدجججججججج
وقالها لي مرات
ويكره سوالفي وصوتي
فهجرته وصرت مااكلمه ولا انام معاه لانه تعبني
مررررررضت نفسيا بسبب قسووووووته لو احكي لكم من اليوم لبكره ماخلصت


طلبت الطلاق مرات وقلت خلاص مو قادرتقوم فيني وماعاد اعجبك واقسم بالله مايطلقني .....


بس يبيني اروح لاهلي علشان طلعاته هو واخوياه ..
واخوياه مهمليييييين عوايلهم ومخلين حريمهم عند اهاليهم .. وعندهم عيال
ويقول سوي مثلهن !!!!


ومرات يسبني ويكررررررهني لما اخوياه ينادونه للطلعات !!!!


عشت جحييييم الهجر لمدة شهرين والوحده والاكتئاب .....
ودخلت اخصائيات اجتماعيات وسمعوني وسمعوووووه وقالوا زوجك مو كفو تطلقي منه بدل مايحمد الله عليك ..يقهررررك كذا طبعا اغمي علي بسبب الضغوط معاه والحزن ..مع اني احب الضحك والوناسه لكن قلبت حزينه وابكي كل يوم اخر الليل


وين اروح لااهل يخدموني او يسمحون اقضي مشاويري ولا زوج يرحم


صار غزلنجي يوم اختبرته بحساب جديد بالسناب وواعدني ياخذني يمشيني ويوديني اماكن حلوه رومنسيه !!


كرهته وكرهت العيشه معاه
صارحته ناقشته دخلت اخصائيات الموضوع اكبر من اني اكتبه لكم


مووووووواقف كثييييييييره مرت بي جرحتني


اخيرا كان هاجرني .... لين طفشت قلت تعبت ....


وتفاجات انه قلب طيب معاي وكلمات حب ومدري ايش وصار يحبني !!!!!!!!


فغيرت رايي بختبره قلت بطلت مابروح


قسم باللهرجع زي اول مو طايقني ولاطايق صوتي جلست يومين عنده وهو زعلااااااااان


ماادري وش ذالحال وليش هو كذا ....


اخيرا قلت له لاعاد تهجرني انا رايحه دامك كذا عذبتني معاك قسيت وجرحت وبكيتني ليالي وايام شكيتك للناس ومانفع
انت كذا كانك مطلعني من بيتي بالقوه
دامك كذا ... برووووح واخذ كل عفشي ..


يابناااااات نط من الفرح وراح جاب حلويات وصار يقول والله مااطلقك ....بس روحي ابي استانس مع اخوياي


انا ماعمرررري منعته من الطلعات مع اخوياه بس شيطان براسه ولاادري وش السبب اللي خلاه يحب اخوياه عني !!!
مع اني حاولت اسوي ليالي حلوه معاه ماااااتعجبه مثل اول
الطلعات يقول هي لك انا طلعاتي مع اخوياي .. مجرد سواق !!!
فعلا يطلعني ومايحب يسولف ابد وقالب وجهه وع قروب اخوياه لو نجلس ست ساعات عادي ولا يحط عينه فيني


مع اني جميله وانيقه ومرحه واجتماعيه .... بس برضوا مو عاجبته وقلبت حزينه وكئيبه بسبب تعامله
تعلقت فيه ودلعته وحبيته من كل قلبي
لكن هجرني شهرين كلاميا وبالنوم


المهم تعبت ورحت عند اهلي وهو في قمممممممة الوناسه ..


قفلت جوالي وسحبت عليه


وجلست شهرييييييين يرسل واتس
وكان يحاول يصلح الموضوع بطريقته
واشترط اجلس عنده فتره واروح لاهلي فتره !!!!!!


لي سنتين عايش لحاله ويكذب ويقول العمل مايسمح اخذك عندي !!!
ويوم اخذني ثلاثة اشهر متقطعه صار يشتررررررط ..


طبعا قسيت عليه وكرهته يابناااااات مو طايقته صدمني فيييييييه ومتعلق باصحابه الدشر ..وزياده يخببون على النسوان
يعني حتى فترة الجلوس عنده يقول غلط الرجال يسولف مع المره ..انتم ناقصات عقول ؟؟
قلت بنات الحرام اجل كاملات عقول يوم يطق الواحد بساعه يكلمها !!!!!
ويحقر تصرفات الحررررريم ...قاهرني بس ساكته .....!!


المهم جيت عند اهلي وشكيته قالوا لاعاد تكلمينه ولاتردين عليه
واذا جااااااا رمضان بيحتاجك ..خليك عندنا لين يتادب .......




فعلا من قبل رمضان بدا يصلح الامور
بس انا رافضه .. قلت ياانا يااخوياك بحياتك دامك كارهني بسببهم ...


قال اخوياي اجل ....
وسكرنا متزاعلين ....
بس انا عند اهلي مرتاحه الحمدلله ..


اتصل بعدين قال خلاص انتي اولى من اخوياي !!
قلت اتركهم ...قال مااقدر ..قلت غيرهم ..قال مااقدر ..


وللعلم اكبر شيطان في اخوياه ساحب على زوجته تماااااما وشغال سفريات وتارك عياله ...
وزوجي يقول اقتدي فيها صابره وساكته !!!!!!!!




المهم .. حاول يصلح رفضت صلحه الا بشروووووووط ..
وافق على نصها ..
طبعا ثلاث شروط سهله بس يكابر ......


ودخل رمضان كلم امي يهنيها بالشهر وشكى حاله لها ان ماحد يسوي لي فطور وسحور ...
ردت عليه امي وين اخوياك عنك طيب !!
قال عند عوايلهم !!!!!!!!


انا استااااااانست ..لانه اول مره يحتاجني


كنت دايم اسوي له واتعب واهتم فيه
واقول له ياالله اذا رحت مين يسوي لك!!
يقول مثلا الهندي .. او يجيب بدايل ....كان ينكسر خاطري وتدمع عيني بس مااتكلم !


والحين الشله الوسخه راحوا لعوايلهم وتركووووووه
وصار يرسل رسايل حب وكلام حلو !!!!
يابنات مو قادره اتقبله ..يبيني بس اطبخ له ..
وامس مطلعني بالقوه من بيته !!!!!!!!!!


قلت راح اجلس نص الشهر هنا او كله .... لين يحس بقيمتي .....
مع اني عارفه بس يخلص رمضان راح يطلعني من بيتي علشان الشله
حسسسسسسبي الله ونهم الوكيل


تصرفي صح يوم اتركه برمضان لحاله !!!