تركت حبوب منع الحمل ومن تركته واهي ينزل معها افرازات بنيه اللون

طيب حبيبتي هي حامل أو لا
إذا ما كانت حامل عادي أنا أستخدم حبوب منع الحمل لي فترة وهاذي ثاني مرة أستخدمها أول مرة بعد طفلي الاول والثانيه بعد الطفل الثاني الله يخليهم لي ..... وعادي مجرد ما أترك الحبوب تنزل علي إفرازات بنيه وأحيانا ألقى بعض النقط الخفيفه من الدم داخل هذه الإفرازات بس عادي لأنه بعد 4 أو 5 أيام حسب جسم الحرمه راح تنزل عليها الدورة
لكن السؤال هل صديقتك نزلت عليه الدورة ولا لأ وليش أعطتها الدكتور مرهم وحمض فوليك هل هي حامل
إذا كانت حامل تتوكل على الله وإنشاء الله ما يجيها شيء لكن لازم تكون مستمرة على المرتجعه عند الطبيبة أحسن أخاف أنها حملت وهي تستخدم الحبوب...... وراح أذكر لك هذا الموقف صار لي شخصياً والله يشهد على كلامي....
بعد ولدي الأول ركبت لولب لكن بعد سنه صار يعملي إلتهابات وطلعته وعشاني كنت باقي أدرس وما أبغى أحمل إستخدمت العزل وكانت الأمور ماشيه تمام بس بعد 4 شهور صار عندي لخبطه في الدورة لكن ما أهتميت وهذه كانت غلطتي حملت وأنا ما أدري وكان باقي على التخرج شهر وكان موعد الدور في وسط أيام الإمتحانات وعشان ما أبغى الدور تنزل وتعبني في ألإمتحانات قلت يابنت خذي حبوب منع حمل عشان ماتجيكي الدورة .....
طبعا أخذت الحبوب قبل الإختبار بأسبوع وستمريت فترة الإمتحانات تقريبا10 أيام يعني العلبه نصها أكلتها طبعا أنا حامل وما أدري....
آخريوم في الإمتحانات تركت الحبوب وأنا عادة 4 أيام من أترك الحبوب تجيني الدورة .. مر أسبوع وأنا منزل شيء وقتها بديت احس بالخوف وكنت من قبل الإمتحانات أحس خمول وغثيان بس أقول هذا أكيد من السهر وكثر شرب القهوة
الحاصل رحت الطبيبه وطلعت حامل لي شهر ونص ... يعني لمن شربت الحبوب كاني شهر تقريبا... طبعا أنا خفت وجلست أبكي لكن وكلت أمر لله وكنت حريهة إني استخدم الفيتامينات وحمض الفوليك ممتاز وأهتم بأكلي أكثر من أول من الخوف .... وكانت نفسيتي زي.... لكن وكلت أمريي لله وقلت لو ربي كاتب إني أجيب طفل مريض هذا الشيء مكتوب من قبل ما أنولد... ويعلم الله كيف مرة فترة الحمل مره أكون متفائلة ومتكله على الله ومره أكون منهاره وخايفة بالذات إذا شفت أطفال مريضين....
لكن الحمد لله ربي تمم عليا ولدي الحين عمره سنه 6 شهور وما شاء الله عليه طبيعي وما فيه شيء إلا مطفشني بالشقاوة مايخلي شيء في طريقه سليم وعاد التخريب في دولاب المطبخ هوايته المفضله مايخلي ملعقة ولا صحن إلا ويطلع على الأرض... الله يحفضة لي ولا يوريني فيه ولا في أخوه مكروه....

يالبي قلبك ياحالمه ومتفائله
لاياقلبي اهي موحامل بس الدكتوره عطتها حمض الفوليك والكالسيوم علشان تتقوي وتهيئ الرحم للحمل واهي اصلا مافكت الحبوب الابعد عشر شهور لانها والده في رمضان اللي فات ولد بس ولاده مبكره في السادس فتوفي الله يعوضها وتحمل وتجيب اخو لولدها الله يخليه لها
اهي تركت الحبوب في شهر خمسه
اما الدوره ايه نزلت عليها في شهر سته بس الان والخربطه اللي صارت لها توها علي موعد الدوره باقي اسبوع
واهي خايفه من نقاط الدم اللي تنزل معها بعد الجماع

وينك ياحالمه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خليها تروح عند طبيبه افضل
لاتسكت عن هالشي وتتهاون فيه

تروح لدكتوره احسن لها
حتى لو حاجه بسيطه لازم تروح