تركت زوجي بسببه ضربه المخيف واهاناته دعواتكم..

السلام عليكم و رحمة الله و بركاته
كيفكم بنات ..
انا امر بإبتلاء و الحمد لله رب العالمين .. احاول قد ما اقدر اكون صابره وقويه ..
قصتي يا اخوات انو انا وحده عمري بالعشرينات .. تزوجت قبل سنه و8 اشهر .. زوجي بداية الزواج كان يحبني وكويس معي وما يرضى زعلي ولو زعلت يخاف يخسرني .. حملت ع طول وصرت حساسه و على اي مشكله او شي ابكي وتصير مشاكل .. صرت نكديه .. نكدت على نفسي وعليه .. طبعاً ما اخفيكم انا كنت اتعالج نفسياً من الوسواس القهري وانا مراهقه لين قبل الزواج بسنتين قطعت الادويه بدون استشارة طبيب تماماً وكنت العب بالادويه على كيفي ازيد الجرعه وانقصها من راسي .. لين صارت اعصابي في الحظيظ .. ومع الحمل النفسيه زفت واحياناً زوجي يهملني وهكذا .. صرت انفجر عليه .... مشكله ورا مشكله .. الان ذكرت لكم كل عيوبي عشان ما تجون وتقولون اكيد انتي مقصره .. نعم مقصره من ناحية راحته لانه ما اعطاني راحتي لكن غصب عني .. المهم انجبت وكانت في مشاكل كثيره تصير وكثير اروح لاهلي وارجع وتدخلوا اهلي اكثر من مره لين سمجت .. الكل مل .. مل من مشاكلنا اهلي واهله .. بحملي ضربني ضرب قوي .. وجلست عند اهلي ورجعت له يوم ارسلت رساله يجيب اغراض وطاح الحطب .. بعد ولادتي كان يضربني كثير واسامحه واهلي واهله يتدخلون واسامح واهلي يسامحونه لين قبل فتره ضربني بزنوبه ع وجهي يصفقني بقوووووه يوجع يوجع للحين اذكرها .. ابيه يوقف واذكره اني حامل ما يوقف للمعلوميه انا حامل للمره الثانيه وتقريبا. بالشهر الثالث .. وبعدين تهاوشنا هوشه قويه وعضيت يده ومسك كندره ثقيله وضربني ع وجهي كثير لين صب دم كثير .. وهرب ورفض يوديني المستشفى يقول مانك حرمتي .. وجاء اليوم الثاني وتقرب مني وسامحته ع طول .. ع طول سامحته .. لاني خفت اخسره من حبي له .. لدرجة توقعت اني بموت بيده بيوم من الايام ..بعد فتره الي هو يوم السبت الماضي كرر الضرب بالكندره .. لانه يعرف اني اكرهها واتعقد منها وانه كرامتي تهمني .. وقام يضربني ويصارخ .. لاني قلت حعل ربي يحطك بموقفي الي حطيتني فيه وجعل اشوف قوة ربي فيك مثل ما توريني قوتك وقام يضربني .. بالنعال طبعاً .. هنا قلت بنفسي ستووب .. ورحت دقيت ع ابوي وخبرته كذا وكذا وكذا .. ورحت .. واللحين مقاطعين بعض وحتى بنته ما يسال عنها رغم انه يحبها .. ومفتشل من ابوي لانه واعد ابوي ما يمد يده علي .. واللحين ايش اسوي ..؟ ابي حل لحياتي .. زوجي انسان مهمل في صلاته و الله اعلم .. نفسيته زفت .. ما يطلعني لمشاويري ولا يمشيني ولا يخليني اتنفس .. حاطني بسجن .. احيانا احسه يحبني واحيانا احسه يكرهني .. يحب يهين الناس مو انا وبس .. احسه مريض .. افكر بالطلاق .. لكن جالسه انتظر بشوف وش نهايتها ؟ ولادتي في نهاية رمضان .. حملت عشان اسعده .. وتغيرت صارت مشاكلي قليله صرت امسك نفسي واهدي نفسي .. انصحه يصلي ولا كنه يسمع .. احس اني كارهته .. وبنفس الوقت احيانا. ارحمه .. ادعوا لي ربي يزين حالي ويرده لي رداً جميلاً ويسخره ويهديه .. انا ابي اطفالي يعيشون مع امهم وابوهم .. ما ابي يتشتتون .. ابي اعيش حب معه ابي اعيش حنان واهتمام .. تعامله زفت معي احياناً واحياناً مزوح .. بس ما عشت رومانسيه كبيره .. تعبانه .. ادعوا من قلب .. وايش تنصحوني ؟