تركوني بعز حاجتي 😔

انتي نفاس حالياً
تجاهلي كل شي لا تأثرين على نفسك
طلعي الف عذر يعني ممكن هالسفره ماراح تكون فرصه ثانيه لهم
ليش تعاقبين امك ؟!
امهاتنا قاموا فينا لوحدهم في بعض ولاداتهم اذا مو كلها
اتركي وسوسة الشيطان
ولا تنكسفين من احد
اذا احد تكلم قولي من حقهم يتمشون ماراح امسك احد
هذولا اهلك لما احد يتكلم عليهم كأنهم يتكلمون عليك
زوجك خليه يجيب لك شغالة بالساعه او يطلب خدمة راحه مده ثلاث شهور او شهر
فترة حاجتك لها بدال ما يزيد الضغط عليك
انتي نفاس ونفسيتك ممكن تتأثر بأي شيء
تجاهلي المحبطين واجهي امرك انتي الان لوحدك
زوجك يساعدك نظمي امورك
اذا والده طبيعي عادي الشغل والحركه اذا قيصري حاولي ترتاحين
قفلي كل الغرف والمطبخ عن اطفالك جهزي غرفه لاستقبال الناس وخلي نفاسك عند الصاله
جيبي لحاف ومديه لاطفالك وخليههم قدام عينك
مع العابهم
اذا صحيتي الصباح سوي لك قشره قهوه وكاسة حليبواكليه مع معبوط تمر ورشاد وحبه سوداء
بعدين افطري فطور دسم
والغداء ركبي اللحمه ع الساعه ١١ ودام زوجك ماخذ اجازه ينتبه لها وانتي علميه
نفاسك في بيتك افضل لك من بيت اهلك اطفالك قدام عينك
تاخذين راحتك لا تحبطين
وحنا هينا معاك ولاترهقين نفسك ولا تستسلمين لوساوس الشيطان
مهم النفسيه تكون عال العال عشان تتجنبين اكتئاب الولادة
ونصيحه اخيره شغلي سورة البقرة

الله يهون عليك ياقلبي وانا عن نفسي افضل انك تعاتبين امك ماقدر اقول لك طنشي وانسي وو..
لان هالشي صعب بس عاتبيها وحلو ان زوجك اخذ اجازه علشان وهدي من نفسك وانتبهي لنفسك واعيالك الدنيا مليانه ياقلبي والحمدلله ع كل حال 💜💜

المفروض وفر لك خادمه ،،هو الملزوم فيك انه يتصرف والملام قبل اهلك ،بس زين منه انو اخذ اجازه وبيساعدك ،ولا تفكري اصلاً بعتاب امك او اختك .وكلها عشره ايام وتقدري تخدمي نفسك شي بسيط والله يسهل عليك

يااختي هذولا عيالك وهذا بيتك
ان ساعدوك اهلك فهذا كرم اخلاق منهم وينشكرون عليه
واذا صارت لهم ظروف وانشغلوا عنك خلاص مالك الا تعذرينهم جيبيلك شغالة بالشهر اذا ماعندك
تنظف لك البيت وتساعدك بالاطفال وكلها ايام وتخلصين على خير ان شاءالله ،،

لاتزعلين عمرك ولا تتفشلين الحمدلله والشكر كل شي على هالام زوجك اذا تكلم قوليله امي اللي عليها سوته جابتنا وربتنا وكبرتنا وزوجتنا تقعد بعد خادمه لنا ولعيالكم خليها تسافر تستانس وحتى اختك ماهي ملزومه اللي ملزوم زوجك يجيب لك شغاله تساعدك بالبيت وبالاطفال لو انك في بيت اهلك وسافرو وخلوك معك حق تزعلين وبعدين جلست اختك عندك غلط ومالها داعي كيف تاخذ راحتها وتساعدك بالبيت